Արցախում 19-ամյա զինծառայող է վիրավորվել. վիճակը միջին ծանր է

ՍՏԵՓԱՆԱԿԵՐՏ, 17 դեկտեմբերի. /Նովոստի–Արմենիա/. Արցախում նախօրեին 19-ամյա զինծառայող է վիրավորվել։

ԱՀ ՊԲ մամուլի ծառայության հաղորդմամբ, դեկտեմբերի 16-ին ժամը 15:50-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասում հրազենային վիրավորում է ստացել ՊԲ զինծառայող, 1999թ. ծնված Ռաֆիկ Հակոբի Վահանյանը:

«Վիրավորում ստացած զինծառայողն անմիջապես տեղափոխվել է զինվորական հոսպիտալ, նրա վիճակը գնահատվում է միջին ծանր: Դեպքի մանրամասները պարզելու համար կատարվում է քննություն»,– նշվում է հաղորդագրության մեջ։–0–