ԵՐԵՎԱՆ, 21 փետրվարի. /Նովոստի Արմենիա/. Մարտի 15-ից 23-ը Հնդկաստանի Դելի քաղաքում կանցկացվի Miss Supermodel Worldwide գեղեցկության մրցույթ. Հայաստանը կներկայացնի մոդել Անաստասիա Վիվտաշը:
Վիվտաշը հայկական ու հրեական արմատներով մոդել է, ով կրում է մոր հրեական ազգանունը: Աղջկա հայրը հայ է:
«Նովոստի-Արմենիա» գործակալության հետ զրույցում Miss Supermodel Worldwide և Miss Cosmopolitan World Armenia գեղեցկության մրցույթի ազգային տնօրեն Յանա Գրիգորյանը պատմել է, թե ինչպես է ընտրել մրցույթում Հայաստանը ներկայացնող մասնակցին և ինչպես է գնահատում Վիվտաշի հաղթելու շանսերը:
«Նովոստի-Արմենիա». Խնդրում եմ մանրամասն պատմեք մարտին Դելիում անցկացվելիք գեղեցկության մրցույթի մասին:
Յանա Գրիգորյան. Մրցույթին կմասնակցեն ավելի քան 50 երկրների ներկայացուցիչներ: Դա հեղինակավոր միջազգային մրցանակաբաշխություն է, որն անցկացվում է արդեն 4-րդ անգամ: Այս տարի մրցույթի կազմակերպիչները փոքր փոփոխություներ են կատարել մրցույթի անվանման մեջ: Նախկին «Miss Supermodel International» մրցույթը կոչվում է հիմա «Miss Supermodel Worldwide»:
Մրցույթի շրջանակում մեզ հետ կհամագործակցեն հայտնի հայ դիզայներներ Տաթևիկ Մանուկյանը (Mavita), «Տերյան» մշակույթային կենտրոնի տնօրեն Լիլիթ Մելիքյանը ու Գայանե Մարտիրոսյանը:
«Նովոստի Արմենիա». Ինչպե՞ս է ընտրվել մեր երկրի ներկայացուցիչը։
Յանա Գրիգորյան. Քասթինգից հետո ընտրությունն ընկավ Անաստասիա Վիվտաշի վրա: Նա արժանի մասնակից է, ով Հայաստանը կներկայացնի Հնդկաստանում անցկացվելիք մրցույթում: Նա 23 տարեկան է, սովորում է Երևանի թատրոնի և կինոյի պետական ինստիտուտում: Աղջկա պարամետրերն են` 84/63/94, հասակը` 173 սմ:
Վիվտաշը համագործակցում է Հայաստանում գործող տարբեր մոդելային գործակալությունների հետ: Մեր երկրի ներկայացուցչին ընտրելիս ես առաջին հերթին ուշադրություն եմ դարձնում բնական գեղեցկության վրա: Համոզված եմ, որ սա վերջին մրցույթը չէ նրա համար:
«Նովոստի-Արմենիա». Ինչպե՞ս եք գնահատում Հայաստանի ներկայացուցչի հաղթելու հնարավորությունները
Յանա Գրիգորյան. Կարծում եմ, որ հաղթելու շանսերը շատ բարձր են: Սակայն եթե նրան անգամ չհաջողվի հաղթել, վստահ եմ, որ նա ինչ-որ մրցանակ կվերցնի: Բացի դրանից, մրցույթի ընթացքում Վիվտաշը կկարողանա տարբեր մոդելային գործակալություններից աշխատանքի տարբեր հրավերներ ստանալ:
«Նովոստի-Արմենիա». Արդյո՞ք ընտրած աղջիկը մասնակցել է նախկինում այլ խոշոր գեղեցկության մրցույթների։
Յանա Գրիգորյան. Ոչ, սա նրա առաջին միջազգային մրցույթն է: Վստահ եմ, որ սա նրա կարիերայի միայն սկիզբն է:
«Նովոստի-Արմենիա». Ինչպե՞ս եք ընդհանուր առմամբ գնահատում Հայաստանի մասնակցությունը տարբեր միջազգային գեղեցկության մրցույթներին։
Յանա Գրիգորյան. Վերջին շրջանում մենք վատ ցուցանիշներ չենք գրանցել: Վերջին մի քանի տարիների ընթացքում մեզ հաջողվել է տեղեր զբաղեցնել թոփերում: Սա շատ է ոգեշնչում:
«Նովոստի-Արմենիա». Որո՞նք են, ձեր կարծիքով, ժամանակակից միտումները ու գեղեցկության չափանիշները? Ի՞նչն է այժմ նորաձև?
Загружается новость ...
"Право"
Յանա Գրիգորյան. Ցավոք սրտի, որոշ միջազգային մրցույթներում դադարել են հաշվի առնել այն, որ գեղեցկությունը պետք է բացառապես բնական լինի: Ավելի հաճախ սկսեցի նկատել վիրաբուժական միջամտության հետքերը: Անձամբ ես կարծում եմ, որ դա ճիշտ չէ: Ինձ համար բոլոր ժամանակներում նորաձև էր բնական գեղեցկությունը:
«Նովոստի –Արմենիա». Ինչպիսի՞ որակներ պետք է ունենա աղջիկը, որպեսզի մասնակցի գեղեցկության մրցույթի ու հաղթանակ տանի:
Յանա Գրիգորյան. Անձնական փորձով կարող եմ ասել, որ դա բավականին դժվար գործ է: Պետք է կարողանա դիմադրել սթրեսներին, ճիշտ ներկայացնի իրեն ինչպես եզրափակիչ փուլում, այնպես էլ մինչև այդ: Պետք է միշտ ժպտալ, անգամ հաշվի առնելով այն , որ ամբողջ մրցույթի ժամանակ լավ չես քնում ու ամբողջ օրը վազվզում ես բարձրակրունկներով: Անհրաժեշտ է հավատալ սեփական անձին ու ուժերին, և ոչ մի դեպքում չհուսահատվել:
Հաջողություն եմ մաղթում Անաստասիային այս մրցույթում և բոլոր հետագա գործերում:-0-
