483.75
+0.09
568.65
+1.41
8.21
+0.06
-2
Եղանակը Երևանում
Հայ
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
16:52
23 Մարտի 2017
ԵՐԵՎԱՆ, 23 մարտի. /Նովոստի–Արմենիա/. Ինչպես հայտնի է, գարնան սկզբին գրիպով և սուր շնչառական վիրուսային վարակներով հիվանդանալու վտանգը մեծանում է։

ՀՀ ԱՆ հիվանդությունների վերահսկման և կանխարգելման ազգային կենտրոնի օդակաթիլային վարակների և հատուկ վտանգավոր վարակիչ հիվանդությունների համաճարակաբանության բաժնի պետ Լիանա Թորոսյանը «Նովոստի–Արմենիա» գործակալությանը տված հարցազրույցում խոսել է այն մասին, թե ինչպես չհիվանդանալ այս վտանգավոր շրջանում, ինչպես ճիշտ բուժվել հիվանդանալու դեպքում, Թորոսյանը նաև անդրադարձել է Հայաստանում գրիպի և ՍՇՎ–ի հետ կապված իրավիճակին։

«Նովոստի–Արմենիա» – Այսօր ինչպիսի՞ իրավիճակ է տիրում Հայաստանում գրիպի և ՍՇՎ–ի կապակցությամբ, մտավախությունների առիթ կա՞։

Լ. Թորոսյան – Այսօր գրիպի հետ կապված իրավիճակը մտահոգություն չի առաջացնում, սա նորմալ պրոցես է այս ժամանակաշրջանի համար։ Գրիպի և ՍՇՎ–ի սեզոնը մոտենում է իր տրամաբանական ավարտին, սեզոնի մեծ մասն արդեն անցել է, սակայն առջևում կա դեռ մեկ ամիս, որի ընթացքում պետք չէ կորցնել զգոնությունը։

Սովորաբար նկատվում է հիվանդացության մակարդակի բարձրացման երկու գագաթնակետ, դա նոյեմբերն է և փետրվարի վերջից մինչև մարտի սկիզբը։ Եթե նախորդ տարվա նոյեմբերին հանրապետությունում գրանցվել էին А (H3N2) տիպի գրիպի հետ կապված որոշակի բարդություններ, հատկապես դպրոցական տարիքի երեխաների շրջանում, ապա հիմա մենք գործ ունենք В տիպի գրիպի հետ։ Այս տեսակը ոչնչով չի տարբերվում մնացած տեսակներից, այն նույնպես փոխանցվում է օդակաթիլային ճանապարհով, ազդում է վերին և ստորին շնչուղիների վրա։ В տիպի գրիպը կարող է հանգեցնել բարդությունների, սակայն դրանք անհատական են յուրաքանչյուր օրգանիզմի համար։

«Նովոստի–Արմենիա» – Ինչպե՞ս տարբերել գրիպը ՍՇՎ–ից։

Լ. Թորոսյան – Փռշտոցը, քթից առատ արտադրությունը, հոգնածությունն ու թուլությունը, սրանք բոլորը ՍՇՎ–ի ախտանիշներ են, իսկ եթե հիվանդի տաքությունը հասնում է մինչև 40 աստիճանի և նա գլխացավ ունի, հոդացավեր կամ քթից արյունահոսություն է ունենում, դրանք իսկական գրիպի ախտանշաններն են: Այստեղ կարևոր է հիշել, որ սովորական գրիպը քթից արտադրություն չի առաջացնում: Հիվանդության մնացած բոլոր ախտանիշներն անհատական են և կապված են հիվանդի տարիքի, առողջական խնդիրների և այլնի հետ: Բոլոր այս ախտանշանները կարող են 2-3 օրից անցնել, սակայն եթե դուք նորից դրանք զգաք, հարկավոր է անհապաղ բուժում սկսել:

«Նովոստի–Արմենիա» - Ինչպե՞ս խուսափել մրսածությունից, հնարավորինս կանխարգելել այն:

Լ. Թորոսյան – Հարկավոր է հիշել, որ հիվանդացության հաճախականության վրա ազդում են եղանակային պայմանները, ուստի մինչև ապրիլ գրիպի և ՍՇՎ-ի ժամանակաշրջանը կպահպանվի, հետևաբար, ամենաառաջին կանոնը չհիվանդանալու համար տաք և եղանակին համապատասխան հագնվելն է: Խոսքը հատկապես երեխաների մասին է, ուստի կոչ եմ անում ծնողներին զգոն լինել այս հարցում և հետևել, թե ինչ են հագնում երեխաները:

Երկրորդ կարևոր կանոնը ինքնաբուժմամբ չզբաղվելն է: Մեր հասարակությունը դեռ շարունակում է լսել բարեկամների և ծանոթների խորհուրդները և արհամարհել բժիշկների կոչերը, ինչը մեծամասամբ հանգեցնում է առողջական վիճակի վատացման: Եթե երկու-երեք օր անց ձեր վիճակը չի բարելավվում, կամ մարմնի ջերմաստիճանը կտրուկ բարձրանում և իջնում է, ապա դա առաջին նշանն է, որ հարկավոր է դիմել մասնագետի, այդ իսկ պատճառով ավելի լավ է բժշկի դիմել ամենասկզբում` բարդացումներից խուսափելու համար:

Երրորդ կանոն. դուրս մի եկեք տանից հիվանդ ժամանակ, անկողնային ռեժիմ պահպանեք, շատ հեղուկ խմեք և ոչ մի դեպքում հակաբիոտիկներ մի օգտագործեք: Հեղուկները նպաստում են օրգանիզմից թունավոր նյութերի հեռացմանը, որոնք վիրուսներ են առաջացնում: Սակայն, եթե հիվանդը որոշակի օրգանների հետ խնդիրներ ունի, ապա շատ հեղուկներ խմելը պետք է խորհուրդ տա հենց բժիշկը, հակառակ դեպքում ավելորդ հեղուկը կարող է բացասաբար ազդել։

Հղիները, երեխաները, քրոնիկ հիվանդություններ ունեցողները, մեծահասակները ռիսկի խմբում են, այդ իսկ պատճառով հիվանդ մարդիկ պետք է նվազագույնը երկու մետր հեռավորության վրա գտնվեն նրանցից, պահպանեն փռշտալու էթիկետը և ձեռքերի հիգիենան, ինչպես նաև կանոնավոր ախտահանել շրջակա առարկաների մակերևույթը:

«Նովոստի–Արմենիա» - Եթե մարդ հաճախ է այս շրջանում գրիպով հիվանդանում, ինչ է դա նշանակում:

Լ. Թորոսյան – Դա, նախևառաջ, թույլ իմունիտետի նշան է, վարակների հանդեպ դյուրազգայության, սխալ ապրելակերպի և սեփական առողջության հանդեպ սխալ վերաբերմունքի հետևանք։ Սակայն սեզոնային վիրուսներից ոչ ոք ախահովագրված չէ, այդ իսկ պատճառով նույնիսկ եթե դուք հիվանդացել եք, առաջին հերթին հարկավոր է սովորել ճիշտ բուժվել և հետևել բոլոր կանոններին, այդ դեպքում դուք բարդացումներ չեք ունենա, իսկ ձեզ շրջապատող մարդիկ ապահովագրված կլինեն վարակվելուց: -0-

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ: