483.06
+0.19
562.04
+0.46
8.3
-0.05
+4
Եղանակը Երևանում
Հայ
Ժան Մարի Կավադա. Ժամանակակից Թուրքիայում պետք է ճշմարտությունն իմանան Հայոց ցեղասպանության մասին
13:30
18 Ապրիլի 2015

ԵՐԵՎԱՆ, 18 ապրիլի. /Նովոստի–Արմենիա/. Եվրոպան պարտավոր է օգտագործել ազդեցության իր բոլոր գործիքները 1915 թ.–ին Օսմանյան Թուրքիայում տեղի ունեցած Հայոց ցեղասպանության միջազգային ճանաչման համար, «Նովոստի–Արմենիա» գործակալությանը տված բացառիկ հարցազրույցում հայտարարեց Եվրոպական խորհրդարանում Ֆրանսիան ներկայացնող պատգամավոր Ժան Մարի Կավադան։

«Եվրոպան պարտավոր է օգտագործել բոլոր միջոցները, ազդեցության բոլոր գործիքներն այս պատմական ճշմարտության (Հայոց ցեղասպանություն) ճանաչման համար և աշխատել ժողովուրդների հաշտեցման ուղղությամբ», – ասաց Կավադան։

Նա նաև նշեց, որ Եվրոպան «ցավոք, չի խոսում միևնույն ձայնով»։

«Ցավոք, Հայոց ցեղասպանության հարցում ԵՄ անդամ երկրների դիրքորոշումները դեռևս տարբեր են։ Մասնավորապես, Գերմանիան և Միացյալ Թագավորությունն ավելի վախվորած են, քան Բելգիան և Ֆրանսիան, որոնք ճանաչել են Հայոց ցեղասպանություն` անվանելով դա «ցեղասպանություն»։ Հատկապես տատանվում է Եվրոպական հանձնաժողովը։ Եվրոպական հանձնաժողովի փոխնախագահ և միջազգային համագործակցության պատասխանատու տիկին Գեորգիևան այդպես էլ ժամանակ կամ հնարավորություն չգտավ «ցեղասպանություն» բառը հնչեցնելու համար», – ավելացրեց նա։

Խոսելով չորեքշաբթի ԵԽ–ի կողմից Հայոց ցեղասպանության 100–րդ տարելիցի բանաձևի ընդունման մասին` Կավադան ընդգծեց, որ այդ բանաձևի նպատակն է քննարկում խթանել Եվրոպայում, և հենց դրանում է բանաձևի արժանիքը։

Եվրախորհրդարանը  ապրիլի 15–ին միաձայն ընդունել է «Ապրիլի 24–ը Եվրամիությունում Հայոց ցեղասպանության զոհերի հիշատակի օր հռչակելու մասին» բանաձևը։ Գրեթե բոլոր ելույթ ունեցող եվրախորհրդարանականները կողմ են եղել բանաձևի ընդունմանը` կարևորելով այդ քայլը Հայոց ցեղասպանության 100–րդ  տարելիցի նախաշեմին։

«Վճռորոշ նշանակություն ուներ այն, որ Եվրախորհրդարանը հնարավորություն ունեցավ նշել այդ կարևոր իրադարձությունը` Հայոց ցեղասպանության 100–րդ տարելիցը, ինչպես նաև հիշեցնել, որ Եվրոպան չի մոռանում այդ փաստի մասին», – ասաց նա։

Ինչպես նշեց եվրախորհրդարանականը, բանաձևը, իհարկե, ավելի շատ կրում է հաշտարար բնույթ, սակայն խոսքը ոչ միայն զոհերի հիշատակին հարգանքի տուրք մատուցելու մասին է։ «Այս բանաձևն առաջին հերթին արդարության և հաշտեցման կոչ է։ Այն հիմնականում ուղղված է նրան, որպեսզի ժամանակակից Թուրքիայում իմանան ճշմարտությունը...Բանաձևի տեքստը առնվազն թուրքական քաղաքացիական հասարակության այն մասի ձայնի արձագանքն է, որը ցանկանում է ընդունել Հայոց ցեղասպանությունը», – հայտարարեց նա։

Եվրախորհրդարանը պաշտոնապես ճանաչել է Օսմանյան Թուրքիայում իրականացված Հայոց ցեղասպանությունը դեռ 1987 թվականին։ 2015 թվականի մարտի 13–ի մեկ այլ բանաձևով Եվրախորհրդարանը կոչ է արել ԵՄ անդամ երկրներին` ճանաչել Հայոց ցեղասպանությունը։Ավելի վաղ եվրախորհրդարանի անդամներն առաջարկել են ԵՄ–ին Թուրքիայի անդամակցության պատրաստ լինելուն նվիրված ամենամյա զեկույցին 442 լրացում կատարել։ Մի շարք լրացումներ ուժեղացնում են Անկարայի նկատմամբ զեկուցի քննադատող երանգը և, մասնավորապես, Թուրքիային ուղղված կոչ են պարունակում` Հայոց ցեղասպանությունը ճանաչելու և ահաբեկչական կազմակերպությունների ցուցակից Քրդստանի բանվորական կուսակցությունը հանելու վերաբերյալ։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ --0—

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։