487.29
-0.01
568.08
+2.76
8.23
+0.01
+6
Եղանակը Երևանում
Հայ
Ինֆորմատիկան և ռոբոտոտեխնիկան աշխարհում առավել մեծ զարգացում կապրեն. Գրիշին
18:17
10 Փետրվարի 2015

Ռուսաստանի Գ.Վ. Պլեխանովի անվան տնտեսագիտական համալսարանի ռեկտոր, տնտեսագիտական գիտությունների դոկտոր, պրոֆեսոր Վիկտոր Գրիշինը «Ռոսիա Սեգոդնյա» ՄԼԳ–ի թղթակից Յուլիա Օսիպովայի հետ զրույցում պատմել է բուհ օտարերկրյա ուսանողների ներգրավման և ռուսական ու արևմտյան կրթության վրա տնտեսական պատժամիջոցների ազդեցության մասին։

– Հիմա շատ համալսարաններ միացել են օտարերկրյա ուսանողների համար մղվող վազքարշավին։ Վիկտոր Իվանովիչ, ո՞վքեր են  Ձեզ համար առավել մեծ հետաքրքրություն ներկայացնում` ԱՊՀ երկրների՞, թե՞ հեռավոր արտասահմանի դիմորդները։

– Որպեսզի բուհն աշխատի ամբողջ հզորությամբ, մենք պետք է փոխհատուցենք Ռուսաստանում ձևավորված բարդ ժողովրդագրական իրավիճակը (2004 թ.–ից 11 դասարանն ավարտված ռուս շրջանավարտների թիվը գրեթե կրկնակի պակասել է)։ Մենք անում ենք դա` ներգրավելով օտարերկրյա ուսանողների։ Սակայն օտարերկրյա, հատկապես ԱՊՀ երկրների ուսանողները, կողմնորոշված են հենց Մոսկվայի բուհերի ուղղությամբ։ Նման միտումը պահպանվել է դեռևս ԽՍՀՄ–ի ժամանակներից։ Ռուսական կրթությունն ավելի բարձր մակարդակի վրա է, քան ԱՊՀ երկրներում, ինչը հաստատում են առաջատար վարկանիշային ընկերությունների բազմաթիվ վարկանիշները։

Նախկին ԽՍՀՄ երկրների դիմորդները հաշվի են առնում այդ գրավչությունն ու փորձում են ընդունվել Մոսկվայի բուհեր։ Մենք նրանց ընդառաջում ենք։ Այդ երեխաները մեզ հարմար են այն պատճառով, որ նրանցից շատերը տիրապետում են ռուսերենին, նրանք չեն պահանջում երկլեզու ծրագրեր, նրանց մեծ մասը մնում է աշխատելու Ռուսաստանում։

Սակայն մեզ համար կարևոր են նաև հեռավոր արտասահմանի դիմորդները։ Համալսարանը վաղուց համագործակցում է Արևելյան Եվրոպայի, Ասիայի (Մոնղոլիա, Չինաստան, Վիետնամ և այլն) երկրների հետ։ Այն 600 օտարերկրյա քաղաքացիներից, ովքեր հիմա սովորում են մեր բուհում, կեսն ԱՊՀ–ից է, իսկ կեսը` հեռավոր արտասահմանից։

— Վերջինների համար, սակայն, պահանջվում են երկլեզու ծրագրեր։ Պետք  են արդյոք բուհին նման հոգսեր։

– Իսկապես, հեռավոր արտասահմանից եկած ուսանողների համար մենք ստեղծում ենք երկլեզու ծրագրեր, և դա չափազանց կարևոր է միջազգային կրթական տարածքում բուհի հեղինակության և բարձր վարկանիշների համար։ Օտարերկրյա ուսանողների թիվը վկայում է մեր կրթության պահանջարկի, նրա մրցունակության մասին։ Բացի այդ, soft power–ը պետության համար ունի նաև քաղաքական իմաստ։

Ի դեպ, բացի նրանից, որ օտարերկրյա ուսանողներն այստեղ են սովորում, մենք օտարերկրյա մասնաճյուղեր ունենք Մոնղոլիայում, Ուզբեկստանում, Ղրղըզստանում։ Հիմա մասնաճյուղ ենք բացում Բեռլինում, բանակցություններ ենք վարում Պրահայում մասնաճյուղ բացելու շուրջ։

– Քանի որ սկսել ենք խոսել բուհի արևմտյան ներկայացուցչությունների մասին, չեմ կարող չհարցնել տնտեսական պատժամիջոցների կիրառման մասին։ Ի՞նչ ռիսկեր են դրանք պարունակում կրթական համակարգի համար։ Չէ՞ որ, ինչ–որ տեղ պատժամիջոցները կարող են խթանել բարձրագույն դպրոցի զարգացումը, այնպես չէ՞։

– Աշխարհը զարգանում է, և, իհարկե, կցանկանայի, որպեսզի մենք գտնվեինք միասնական տնտեսական և կրթական տարածքում։ Պատժամիջոցները կորուստներ են, սակայն կորուստներ են ոչ միայն Ռուսաստանի, այլ նաև արևմտյան տնտեսությունների, այդ թվում նաև արևմտյան կրթության համար։ Այո, մենք զգում ենք պատժամիջոցների ազդեցությունը։ Արևմտյան գործընկերները սկսել են մեզ ավելի քիչ ուշադրություն դարձնել, կրճատվել է օտարերկրացի ուսանողների թիվը, մեր ուսանողներին, հաշվի առնելով ռուբլու արժեզրկումը, ավելի դժվար է դառնում մեկնել արտասահման։ Սակայն հենց պատժամիջոցների արդյունքում մենք հասկացանք, որ պետք է միշտ հույսը դնել միայն սեփական ուժերի վրա։ 

Մենք ռեալ չէինք գնահատում Արևմուտքը` նրանց ուղերձներով և մեր կյանք չմիջամտելու խոստումներով։ Երկրները, որոնք միշտ քարոզում էին լիբերալ հայացքներ, հայտարարում էին, որ քաղաքականությունը չի կարող միջամտել տնտեսության մեջ, մեկ րոպեում սկսեցին ապրել այլ ստանդարտներով։ Ահա այս տարրական պրակտիկ ըմբռնումը մենք պետք է ընկալենք որպես տրված։ Եթե Արևմուտքն իրեն այդպես է պահում, ապա ինչու՞ մենք պետք է հույսեր փայփայենք։ Բարձրագույն դպրոցը, ռուսական տնտեսությունը քիչ բան է ձեռք բերել նրանից, որ մենք հանկարծ սկսեցինք շարժվել լիբերալ սկզբունքներով։ Մենք այդքան էլ առաջ չենք շարժվել` օգտագործելով այդ դոգմաները։ Մենք ունենք մեր սեփական տնտեսությունը, այն կարող է աշխատել ոչ այնպես, ինչպես արևմտյանը։

– Մենք կորցնում ենք արևմտյան մասնագետներին գրավելու հնարավորությունը։ Ձեր կարծիքով`  այն չի՞ հարվածի բարձրագույն դպրոցին։

– Կրթության մեջ կիրառվող բոլոր արևմտյան տեխնոլոգիաները մենք պետք է ինքնուրույն ներդնենք։ Ուսումնամեթոդաբանական բազան, ծրագրային ապահովումը, այդ ամենը մենք ևս պետք է ունենանք, հակառակ դեպքում իսկապես կարող ենք շատ բան կորցնել։ Սակայն ընդհանուր առմամբ Արևմուտքը մեր մասնագետների կարիքն ավելի շատ ունի, քան մենք` նրանց մասնագետների։ Եվ ռուսական բարձրագույն դպրոցն այդքան էլ վատը չէ։

– Սակայն Ռուսաստանում պլանային կրթության արժեքը ևս համեմատելի է ոչ այնքան վատ օտարերկրյա բուհերի հետ։ Ինչու՞ ռուս դիմորդները պետք է ընտրեն հենց հայրենական կրթությունը։

– Պատրաստ չեմ ասել, որ ռուս դիմորդը պետք է ընտրի հենց ռուսական բուհ։ Նա իրավունք ունի ընտրել ցանկացած բուհ, որն իրեն դուր է գալիս։ Մեզ մոտ երեխաները սահմանափակված չեն ընտրության հարցում, հատկապես եթե դիտարկենք պատժամիջոցներից առաջ ընկած ժամանակահատվածը։

Նրանք պետք է մտածեն, որտեղ է ավելի լավ ուսում ստանալ։ Եթե մարդը պատրաստ է փոխել կենցաղը կամ երազում է ապրել, օրինակ, Անգլիայում, ապա, իհարկե, պետք է գնալ և սովորել անգլիական բուհում։ Սակայն նա պետք է հասկանա, որ այդքան էլ հեշտ չէ աշխատանքի տեղավորվել նույն Անգլիայում, ստանալ արժանի աշխատավարձ։ Ինչպես ցույց է տալիս փորձը, հայրենիքում մարդը միշտ ավելի պահանջված է, քանի օտարերկրյա միջավայրում։

Եթե ռուս դիմորդը ցանկանում է պատկերացում կազմել օտարերկրյա փորձի մասին, ես խորհուրդ կտայի ընդունվել հայտնի ռուսական բուհ, ինչից հետո խոսել բուհի ղեկավարության հետ օտարերկրյա բուհում ուսում ստանալու ցանկության մասին։ Մենք կրկնակի դիպլոմի բազմաթիվ ծրագրեր ունենք։ Կարծում եմ, որ հենց կրկնակի կրթության ճանապարհն է լավագույն կրթական հետագիծը նման դիմորդի համար։

– Վիկտոր Իվանովիչ, ներկայացրեք, ձեր կարծիքով, հինգ առավել հեռանկարային մասնագիտություններն առաջիկա 5 տարվա համար։

– Մենք կարծում ենք, որ առաջիկա տարիներին ողջ աշխարհում ակտիվորեն կզարգանան ինֆորմատիկան, ռոբոտոտեխնիկան, տեղեկատվական համակարգերը, ծրագրավորումը, տվյալների բանկերը։ Պահանջված կլինեն նաև սոցիալական ցանցերի մարկետոլոգները։ Կավելանա տեղեկատվական համակարգերի անվտանգության մասնագետների պահանջարկը։

Սակայն համոզված եմ, որ լավ տնտեսագետներն ու ֆինանսիստները ևս պահանջված կլինեն։ Ֆինանսների կազմակերպված կառավարման հարցերն այսօր չեն առաջացել, և դրանք միշտ արդիականացվում են, ձևափոխվում։ Տեսնում ենք, որ պրոֆեսիոնալ տեսակետից ճգնաժամին պատրաստ չէին ոչ տնտեսական, ոչ ֆինանսական իշխանությունները։ Մենք պետք է պատրաստենք մարդկանց, ովքեր ավելի խորն են ընկալում այն ոլորտները, որտեղ աշխատելու են։–0–

 


 

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։