487.29
-0.01
568.08
+2.76
8.23
+0.01
+4
Եղանակը Երևանում
Հայ
Կռիլով. Ադրբեջանի ղեկավարությունը փորձեց խաղալ իրավիճակի սրման վրա, սակայն Ղարաբաղում պատերազմի վերսկսումը քիչ հավանական է
12:48
08 Օգոստոսի 2014

Օգոստոսի 9-ին Սոչիում ծրագրված են Ռուսաստանի, Հայաստանի և Ադրբեջանի նախագահների հանդիպումները, որոնց ընթացքում կքննարկվի Լեռնային Ղարաբաղի շուրջ սրված իրավիճակը։ Կարելի՞ է կոնկրետ արդյունքներ սպասել Սոչիի հանդիպումներից, հնարավո՞ր է պատերազմական գործողությունների վերսկսում Ղարաբաղում. այս և այլ հարցերի «Նովոստի-Արմենիա» գործակալությանը տված բացառիկ հարցազրույցում պատասխանեց Կովկասագետների գիտական միության նախագահ Ալեքսանդր Կռիլովը։

Նովոստի-Արմենիա – Պարոն, Կռիլով, Սոչիի առաջիկա հանդիպումից կարելի՞ է ակնկալել ղարաբաղյան հակամարտության գոտում իրավիճակի սրման թուլացում, եթե այո, ապա այդ հարաբերական կայունությունը երկարատև՞ կլինի։

Ա. Կռիլով – Սրման թուլացում կարելի է սպասել Սոչիում նախագահների հանդիպման նախաշեմին և դրանից հետո։  Բոլոր մասնակիցները կջանան դրա համար հնարավորին բարենպաստ ֆոն ստեղծել։ Ինչ-ինչ միջադեպեր հնարավոր են, սակայն դրանք վերևից հրամանի արդյունք չեն լինի։ Հանդիպումը հաջող կլինի, եթե դրա արդյունքը լինի հակամարտության գոտում լարվածության թուլացումը և իրավիճակի կրկին սրմանն ուղղված գործողություններից ձեռնպահ մնալու մասին կողմերի համաձայնությունը։ Սոչիի հանդիպումից հակամարտության երկարատև լուծում սպասելն իրատեսական չէ, և կարծում եմ` նման նպատակ մասնակիցները չեն դրել։

Նովոստի-Արմենիա – Հնարավո՞ր է լայնամասշտաբ ռազմական գործողությունների վերսկսում Սոչիում բանակցությունների ձախողման դեպքում։

Ա. Կռիլով - Առավել հավանական է, որ լարվածություն թուլացում կլինի։ Եթե Հայաստանի և Ադրբեջանի նախագահները համաձայնել են հանդիպել Սոչիում, ապա դա արդեն վկայում է իրավիճակը լիցքաթափելու մտադրության մասին։ Պատերազմի վերսկսումը հավանական չի թվում ներկայիս ռազմա-քաղաքական հավասարակշռության պահպանման դեպքում։ Այն բանի նախանշաններ, որ այդ բալանսը կարող է արմատապես փոխվել այն կողմի օգտին, որը նպատակ է դրել ռևանշը պատերազմում պարտվելու հաշվին, դեռ չի նկատվում։ Հազիվ թե դա տեղի ունենա մոտ ապագայում։

Նովոստի-Արմենիա – Ի՞նչ հետևանքների կարող է հանգեցնել նոր պատերազմը Ղարաբաղում, որքա՞ն այն կտևի, ինչպիսի՞ն կլինեն դրա արդյունքները, և ո՞ր երկրները կներքաշվեն դրանում։

Ա. Կռիլով – Հավանական չեմ համարում նոր պատերազմը Ղարաբաղում։ Հայաստանը չի սկսի նոր պատերազմ, քանի որ նրա ղեկավարությունը խաղում է «հաշիվը պահելու» վրա։ Ադրբեջանի ղեկավարության համար պատերազմ սկսելը` առանց հույս ունենալու, որ այն կլինի արագ և հաղթական, որ նրան կաջակցի Թուրքիա, այդ թվում` ռազմական ճանապարհով, անմտություն կլիներ։ Բաքվի ղեկավարությունն ավելի ադեկվատ և պրագմատիկ է, քան 2008թ. ռազմական արկածախնդրություն սկսած Սահակաշվիլին։ Նման ավանտյուրաների արդյունքը չափազանց ակնհայտ է, որպեսզի Ադրբեջանի ղեկավարությունն այն հաշվի չառնի։ 

Դա չի նշանակում, որ Բաքուն պատրաստ է զիջումների գնալ հայկական կողմին։ Առավել հավանական է, որ Սոչիից հետո Հայաստանի նկատմամբ համակողմանի ճնշման քաղաքականությունը կշարունակվի, և Հայաստանի կողմից զիջումների Բաքվի հույսերը կապված կլինեն հենց այդ պարբերաբար ճնշման հետ, ներառյալ ռազմական բաղադրիչը` սահմանին լարվածության պահպանման տեսքով։

Նովոստի-Արմենիա – Ի՞նչ գործոններ են` ներքին, թե արտաքին, գերակշռում ներկա պահին հակամարտության գոտում։

Ա. Կռիլով – Եվ մեկը, և մյուսը։ Ակնհայտ է, որ նոր պատերազմ սկսելը Բաքվի նպատակը չէ։ Ռուսաստանի և ԱՄՆ-ի և նրանց դաշնակիցների ներկա հակամարտության ֆոնին Ադրբեջանի ղեկավարությունը փորձեց խաղալ իրավիճակի սրման վրա, «մարտով հետախուզում» անցկացնել, տեսնել Հայաստանի և արտաքին ուժերի արձագանքը։ Հետախուզումը ցույց տվեց, որ Հայաստանի արագ կապիտուլյացիա ակնկալել պետք չէ, ՀԱՊԿ-ին Հայաստանի անդամակցության գործոնը և նրա անվտանգության ռուսական երաշխիքները ուժի մեջ են, որ Բաքուն չի կարող այլ պետությունների կողմից ուժային կարգավորման հույս ունենալ։ 

Նովոստի-Արմենիա – Ի՞նչ եք կարծում, ԵԱՀԿ Մինսկի խումբը սպառե՞լ է իրեն, և հնարավո՞ր են ղարաբաղյան հակամարտության կարգավորման նոր ձևաչափեր։

Ա. Կռիլով – Բանակցային գործընթացում փակուղին պայմանավորված չէ ՄԽ ոչ արդյունավետությամբ։ Նոր ձևաչափեր հնարավոր են, սակայն դրանք նույնպես ոչինչ չեն որոշի։ Այդպես կլինի այնքան ժամանակ, քանի դեռ հակամարտության կողմերը չեն նահանջել իրենց ներկայիս` փոխադարձ բացառող դիրքերից և հակառակ կողմի լիակատար կապիտուլյացիայի հույսից։ Միանգամայն անիրական են այն հույսերը, թե միջնորդները հակառակորդի նման կապիտուլյացիա կապահովեն Եթե ընտրություն է կատարվում խաղաղ կարգավորման օգտին, ապա պետք է հաշտեցման պայմաններ ստեղծել։ Դեռ նման բան չի արվում, լարվածության իջեցման փոխարեն թշնամության աճ է կատարվում։

Ընդ որում, եթե նայենք ինտերնետային ֆորումները, ապա փոխադարձ անհաշտության և անգամ ատելության մակարդակը չափազանց բարձր է։ Նման հասարակական տրամադրությունների դեպքում Հայաստանի և Ադրբեջանի քաղաքական առաջնորդների կողմից ցանկացած զիջում, նրանց ետ քայլն անհաշտ դիքերից ինքնասպանության պես կլիներ։ Պետք է սկսել հասարակական տրամադրությունների փոխելուն ուղղված աշխատանքից, խնդրի խաղաղ կարգավորման համար հիմք ստեղծելուց։ Եթե դա տեղի ունենա, այդ ժամանակ նաև ՄԽ և բոլոր հնարավոր միջնորդների աշխատանքն ավելի արդյունավետ կդառնա։ --0--

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։