482.84
+0.58
521.61
+4.72
7.62
+0.05
-2
Եղանակը Երևանում
Հայ
Ռոման Բալայանը կինո չի գնում, սակայն կինոփառատոններ սիրում և աջակցում է
13:18
23 Հուլիսի 2014

Երևանի «Ոսկե ծիրան» միջազգային կինոփառատոնի, երազում և արթմնի թռիչքների, կինոյի և սեփական ստեղծագործական ծրագրերի մասին «Նովոստի-Արմենիա» գործակալությանը պատմել է հայտնի ռեժիսոր Ռոման Բալայանը, որի լավագույն ֆիլմերը, իր իսկ կարծիքով, «Թռիչքներ երազում և արթմնի» և «Պահպանիր ինձ, իմ թալիսման» ֆիլմերն են:

«Նովոստի-Արմենիա» - Ի՞նչ է Ձեզ համար «Ոսկե ծիրան» փառատոնը:

Ռ. Բալայան – Հիանալի փառատոն է: Ափսոս, որ այն անցկացվում այս շոգ եղանակին: Կարծում եմ, որ Հարություն Խաչատրյանը Հայաստանում հիանալի բան է անում: Այս փառատոնի շնորհիվ Հայաստանն ինտեգրվում է համաշխարհային կինոհանրության մեջ, իսկ հայ հանդիսատեսը շատ բան է իմանում: Շատ հաճելի է տեսնել երիտասարդներին, ովքեր երեկոյան կինոդիտման են գալիս: 

 «Նովոստի-Արմենիա» - «Ոսկե ծիրան 2014»-ն առանձնահատկություն ունի՞։

Ռ. Բալայան – Փառատոնի հիմնական առանձնահատկությունն այն է, որ նվիրված է Սերգեյ Փարաջանովի 90-ամյակին: Ինձ հաճելի էր, երբ հայտնի ռեժիսոր Կիմ Կի-Դուկը բեմից ասաց, որ շոյված է ստանալու հանճարեղ ռեժիսոր Սերգեյ Փարաջանովի մրցանակը:

«Նովոստի-Արմենիա» - «Ոսկե ծիրանին» ներկայացված ո՞ր ֆիլմն է Ձեզ ամենից շատ դուր եկել և ինչու՞

Ռ. Բալայան – Պետք է խոստովանեմ, որ ոչ մի ֆիլմ չեմ դիտել: Ես սիրում եմ հենց փառատոնը, դրա ոգին: Չեմ հոգնում կրկնել փառատոնը փակելու  անթույլատրելիության մասին և կոչ եմ անում օգնել կազմակերպիչներին: Ես ընդհանրապես կինո չեմ գնում: Բացառություն են կազմում միայն այն դեպքերը, երբ ինձ համոզում են ժյուրիի անդամ դառնալ: Սակայն ես երեք տարի խույս եմ տալիս  նման առաջարկներից: Իհարկե, երեկ ինձ վրացիները համոզեցին Բաթումիի փառատոնի ժյուրիի նախագահը լինել:

«Նովոստի-Արմենիա» - Ձեր ստեղծագործական ծրագրերը, ի՞նչ աշխատանք եք այժմ իրականացնում։ 

Ռ. Բալայան – Հիմա ինձ վրա եմ աշխատում: Երկու անավարտ սցենար ունեմ: Դրանք անավարտ են, քանի որ չգիտեմ, թե ում համար դրանք նկարահանեմ: Վարձույթ չկա: Իսկ ես երիտասարդ չեմ, ով ձգտում է մասնակցել փառատոնի, ես ուզում եմ աշխատել մեծ լսարանի համար:

«Նովոստի-Արմենիա» - Իսկ ինչի՞ մասին են ֆիլմերի սցենարները:

Ռ. Բալայան- Առաջին հայտնի վիրաբույժի մասին է, ով վիրահատում է իր ընկերոջ երեխային, ում նա շատ է սիրում: Տարրական վիրահատությունն ավարտվում է վիրահատական սեղանի վրա երեխայի մահով: Այդ ողբերգական դեպքից հետո վիրաբույժը հեռանում է կլինիկայից: Սակայն մի օր մի տարօրինակ աղջկա է հանդիպում, և նրա կյանքը ձեռք է բերում նոր իմաստ: Հանդիսատեսը մինչև ֆիլմի ավարտը չի կռահում, որ աղջիկը փախել է հոգեբուժարանից և ընդունում է նրան որպես նորմալ մարդ: Այս ֆիլմը կարեկցանքի մասին է: Երկրորդ սցենարն անդրադառնում է Դաունի համախտանիշով տառապող երեխաներին՝ տղա և աղջիկ: Ընդհանուր առմամբ ինձ հետաքրքրում է թշվառ մարդկանց թեման: Դրանք են անօթևանները, դաունները, աղքատները և այլն: Ազնիվ մարդը պետք է մտածի նրանց մասին: Նրանք ստորացված, վիրավորված մարդիկ են: Ես, որպես ունևոր մարդ, չեմ կարողանում անտարբեր անցնել աղբամանում ինչ-որ բան փնտրող մարդու կամ անօթևանի կողքով: Անպայման կմոտենամ, որպեսզի օգնեմ:

«Նովոստի-Արմենիա» - Կցանկանայինք լսել Ձեր տեսակետը ժամանակակից համաշխարհային կինոյի զարգացման միտումների հարցում:

Ռ. Բալայան- Կինոն արվեստ է և բիզնես: Ամեն տարի աշխարհում հայտնվում է տասը գլուխգործոց: Այլ բան է, թե արդյոք մենք տեսնու՞մ ենք այդ գլուխգործոցները: Վարձույթում դրանք չկան: Կցանկանայի, որպեսզի նման գլուխգործոցներ ստեղծվեն նաև Հայաստանում, որպեսզի աշխարհում հայտնի լինեն հայկական անունները, ընդ որում հենց Հայաստանում ապրող և աշխատող մարդկանց անունները:

«Նովոստի-Արմենիա» - «Թռիչքներ երազում և արթմնի» և «Պահպանիր ինձ, իմ թալիսման» ֆիլմերում գլխավոր դերակատար, հիանալի դերասան Օլեգ Յանկովսկին կարծում էր, որ Ձեր ֆիլմերում ներկայացված են մեծ երկրի ողջ սերնդի ցավոտ պահերը: Վերջին տարիներին Դուք չեք նկարահանում: Դա նշանակում է, որ ցավոտ պահերը քչացե՞լ են:

Ռ. Բալայան- Ինձ համար անհետաքրքիր է դարձել: Ինձ հետաքրքիր էր խորհրդային տարիներին, ես նյութերի դիմադրության սկզբունքով եմ դաստիարակվել: Ինձ դուր չէր գալիս խորհրդային իշխանությունը, և երևակայությունն աշխատում էր: Ֆիլմեր էի նկարահանում մտավորականության վիճակի մասին, ինչպես՝ «Թռիչքներ երազում և արթմնի», «Պահպանիր ինձ, իմ թալիսման» ֆիլմերը: Ինձ անքան էլ հետաքրքիր չէ նկարահանել պարզապես սիրո և խարդավանքի մասին:

 «Նովոստի-Արմենիա» - Ո՞րն է ձեր սիրած գիրքը:

Ռ. Բալայան - «Հարյուր տարվա մենությունը» և «Շանտարամը», որը մի մարդու ցնցող կենսագրություն է, որին դու նախանձում ես:

 «Նովոստի-Արմենիա» - Ո՞վ է ձեր սիրած դերասանը:

Ռ. Բալայան – Չառլի Չապլինը:

«Նովոստի-Արմենիա» - Սիրած ռեժիսո՞րը:

Ռ. Բալայան - Համաշխարհային կինեմատոգրաֆի զարգացման վրա մեծ ազդեցություն են ունեցել Բերգմանը, Ֆելինին, Անտոնիոնին:

 «Նովոստի-Արմենիա» - Ձեր սիրած մեջբերումը կամ աֆորիզմը:

Ռ. Բալայան – Ինձ դուր է գալիս Պիկասոյի արտահայտությունը՝ «Արվեստը սուտ է, որն օգնում է մեզ հասկանալ ճշմարտությունը»:

«Նովոստի-Արմենիա – Դուք մի անգամ ասել եք, որ ֆիլմի երջանիկ ավարտը հույս է ներշնչում, օգնում է շարունակել ապրել:

Ռ. Բալայան- Կարծում եմ, որ եվրոպական կինոն, ինչպես խորհրդայինը, պետք է սովորի happy-end էր անել: Պետք է սովորի, ինչպես ես եմ ասում՝ «Կաբիրիայի ժպիտ» ստեղծել: Հիշու՞մ եք Ֆելինիի «Կաբիրիայի գիշերները» ֆիլմի այն դրվագը, երբ թեթևաբարո կինը, արտասվելով, քայլում է մայրուղով: Եվ հանկարծ կադրում հեծանվորդներ են հայտնվում, ովքեր սկսում են պտտվել նրա շուրջը, և կինը մի պահ ժպտում է: Դա ոչինչ չի որոշում, սակայն հանդիսատեսը ժպտում է նրա հետ միասին: Հարկավոր է, որպեսզի հանդիսատեսը կինոթատրոնից դուրս գալիս տեսնի ինչ-որ ելք, չէ՞ որ կյանքն առանց այդ էլ բարդ է: 

«Նովոստի-Արմենիա» - Ի՞նչն է օգնում Ձեզ ապրել և աշխատել:

Ռ. Բալայան- Իմ թեթևամտությունն ու կենսասիրությունը: Ես թեթև մարդ եմ: Ես ինձ մեծ ռեժիսոր չեմ համարում, սակայն դա ինձ չի վիրավորում: Միշտ պետք է քուն մտնել՝ իմանալով, որ ամեն դեպքում առավոտ է լինելու, կինոյի մարդկանց համար՝ կինոյի առավոտ: Հարկավոր է հույսով նայել վաղվան, եթե անգամ գիտես, որ ոչինչ չի փոխվի:-0-

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։