481.93
+0.2
569.16
+0.19
8.37
-0.02
+7
Եղանակը Երևանում
Հայ
Ալեքսանդրով. «ԱՄՆ–ին ձեռնտու է Լեռնային Ղարաբաղի շուրջ լարվածության աստիճանի բարձրացումը»
16:18
12 Մայիսի 2014

Ինչի հետ է կապված ԱՄՆ–ի աշխուժացումը ղարաբաղյան գործընթացում։ Ձեռնտու է արդյո՞ք ԱՄՆ–ին հակամարտության թարմացումը, և պետք է նրան դրա սրումը։ Այդ և այլ հարցերի մասին «Նովոստի–Արմենիա» գործակալության հետ բացառիկ զրույցում պատմեց քաղաքագետ, հետխորհրդային խնդիրների փորձագետ Միխայիլ Ալեքսանդրովը։

«Նովոստի–Արմենիա». Պարոն Ալեքսանդրով, օրերս ԵԱՀԿ ՄԽ ամերիկացի համանախագահ Ջեյմս Ուորլիքը հանդես եկավ Ղարաբաղի շուրջ աղմկալի հայտարարությամբ։ Ձեր կարծիքով` ինչո՞վ է պայմանավորված ամերիկյան կողմի աշխուժացումը ղարաբաղյան խնդրում։

Մ.Ալեքսանդրով. Իմ կարծիքով, դա կապված է Ուկրաինայի վերջին իրադարձությունների հետ։ Ես արդեն նշել եմ, որ Ղրիմի և Լեռնային Ղարաբաղի միջև զգալի նմանություն կա։ Այդ պատճառով ԱՄՆ–ն զգուշանում է, որ Հայաստանը ղարաբաղյան հարցում կարող է գնալ ղրիմյան սցենարով։ Այսինքն` ԼՂՀ–ում կանցկացվի հանրաքվե, և դրա արդյունքներով Լեռնային Ղարաբաղը կընդգրկվի Հայաստանի կազմում։ Դրանով իսկ հայկական կողմի միակողմանի կարգով կհանի ղարաբաղյան հարցը միջազգային բանակցությունների օրակարգից։

ԱՄՆ–ն փորձում է խուսափել նման սցենարից, քանի որ մտադիր է ղարաբաղյան հարցն օգտագործել Ադրբեջանում իր դիրքերն ամրապնդելու համար։ Իսկ եթե Լեռնային Ղարաբաղը միանա Հայաստանին, ապա դա անել չի հաջողվի։

«Նովոստի–Արմենիա».  ԱՄՆ–ին ձեռնտու՞  է հակամարտության թարմացումն ու սրումը։ Ինչի՞ հետ դա կարող է կապված լինել, և ի՞նչ հետևանքների կարող է հանգեցնել։

Մ.Ալեքսանդրով. Չեմ կարծում, թե ԱՄՆ–ն շահագրգռված է Լեռնային Ղարաբաղում լայնածավալ պատերազմով։ Այդպիսի պատերազմը կարող է հանգեցնել ամենաանսպասելի հետևանքների, ներառյալ Ադրբեջանի ամբողջական փլուզում, և այդ հակամարտության զարգացում մինչև տարածաշրջանային մեծ պատերազմ։ Իսկ դա իրավիճակի բավականին վտանգավոր զարգացում կլիներ։

Սակայն ԱՄՆ–ին ձեռնտու է Լեռնային Ղարաբաղի շուրջ լարվածության աստիճանի բարձրացումը, քանի որ դա թույլ կտա նրանց իրագործել տարածաշրջանում ծրագրած աշխարհաքաղաքական նպատակները։

«Նովոստի–Արմենիա». ANS-TV ադրբեջանական ալիքին տված հարցազրույցում Ուորլիքը հայտնել է, որ Վաշինգտոնը չի ճանաչում ԼՂՀ–ն, կարգավորման գործընթացում միայն երկու ինքնիշխան պետություն է տեսնում, և գրեթե բացահայտ հավասարեցնում է Ղարաբաղի ժողովրդի և ադրբեջանական համայնքի իրավական կարգավիճակները։ Միաժամանակ Հայաստանում ամերիկացի դեսպան Ջոն Հեֆերնն Թվիթերում գրել էր, որ օկուպացված տարածքները պետք է վերադարձվեն Ադրբեջանի ենթակայության ներքո։ Նման անկեղծություն դիվանագետներից վաղուց չէր հնչել։ Ի՞նչ նպատակով է դա արվում։ Ուղղված են դրանք, արդյո՞ք, տարածաշրջանի քաղաքական նոր իրավիճակի ստեղծմանը։

Մ.Ալեքսանդրով. Իրականում Ուորլիքը միայն կրկնել է ԱՄՆ–ի հայտնի դիրքորոշումն Ադրբեջանի «տարածքային ամբողջականության» ճանաչման վերաբերյալ։ Այն, որ այդ հարցը բարձրացվել է հենց այս օրերին, կապված է Ուկրաինայի իրավիճակի հետ։ Ղրիմի վերադարձը Ռուսաստանին և Դոնեցկի ու Լուգանսկի մարզերի իրադարձությունները զգալիորեն արդիականացրել են ժողովուրդների ինքնորոշման իրավունքի հարցը։ Այս իրավիճակում ԱՄՆ–ն հարմար է համարել ընդգծել, որ նրանց դիրքորոշումը Լեռնային Ղարաբաղի հարցում անփոփոխ է` Վաշինգտոնը չի ճանաչում և չի պատրաստվում ճանաչել ԼՂՀ անկախությունը։

Դա արվել է Ադրբեջանի դիրքորոշմանը սատարելու համար, որը կրկին պահանջված է ԱՄՆ–ի համար Ռուսաստանի դեմ իր մտահղացումներում։ Վաշինգտոնը, կարծես, Ուկրաինայում Մոսկվայի գործողություններին ի պատասխան որոշել է ճնշում գործադրել Ռուսաստանի վրա բոլոր ճակատներում` ոչ միայն Եվրոպայում, այլ նաև Անդրկովկասում։ Այսինքն, հարություն են առել Ռուսաստանին հարավից Վրաստանի և Ադրբեջանի տարածքներով շրջապատելու ծրագրերը։ Իսկ այդ ծրագիրն իրագործելու համար ԱՄՆ–ին անհրաժեշտ է Բաքվի իշխանություններին իր կողմը քաշել։ Եվ նրանք վերսկսել են ղարաբաղյան հարցում ադրբեջանամետ հռետորությունը։

«Նովոստի–Արմենիա». Վերջին ժամանակներում աշխուժացել է նաև հակառուսական հռետորությունն արևմտամետ հայկական ԶԼՄ–ներում։ Կապված է դա, արդյո՞ք, ուկրաինական իրադարձությունների հետ, և ինչի՞ կարող է հանգեցնել նման քարոզարշավը։

Մ.Ալեքսանդրով. Անկասկած` կապված է։ Հատկապես Մաքսային միությանը և այնուհետև Եվրասիական տնտեսական միությանը Հայաստանի միանալու մտադրության մասին հայտարարելու ֆոնին։

ԱՄՆ–ի և ամբողջ Արևմուտքի համար դա վտանգավոր միտում է։ Ստացվում է, որ մյուս երկրները երես են թեքում նրանից, հրաժարվում են մեկնած ձեռքով կանգնել Եվրամիության դռների մոտ և սկսում են սեփական ինտեգրացիոն միավորումներ ստեղծել։ Փլուզվում է Արևմուտքի վիրտուալ ձգողականությունը, և դրա հետ մեկտեղ` պիղծ արևմտյան արժեքների հիման վրա կառուցված միաբևեռ աշխարհ ստեղծելու փորձը։ Այդ պատճառով Հայաստանում գործարկվել է  եվրասիական ինտեգրման կուրսի ձախողմանն ուղղված «հինգերորդ սյունը»։ Բայց կարծում եմ, որ այդ արշավը հաջողություն չի ունենա։ Հայերը խելացի ազգ է, որը տեսնում է, թե որտեղ են նրա իրական, այլ ոչ թե հնարած շահերը։ Արևմտամետ ԶԼՄ–ները չեն կարողանա ազդել հայ ժողովրդի մեծամասնության` Ռուսաստանի հետ միության օգտին ուղղված տրամադրություններին։ -0-

 

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։