480.22
-0.22
536.12
+0.67
8.04
-0.02
+24
Եղանակը Երևանում
Հայ
Մնջախաղի երևանյան թատրոնի գարնանային թատերաշրջանը կբացվի կատակերգական ժանրի ստեղծագործությամբ
16:25
30 Հունվարի 2012

Երևանի մնջախաղի թատրոնի գեղարվեստական ղեկավար Ժիրայր Դադասյանի բացառիկ հարցազրույցը «Նովոստի-Արմենիա» գործակալությանը

«Նովոստի-Արմենիա». Այս ամառ Հայաստանում ձեր թատրոնի նախաձեռնությամբ կանցկացվի Մնջախաղի երրորդ միջազգային փառատոնը: Ո՞ր երկրները կմասնակցեն փառատոնին:

Ժ.Դադասյան. Այս տարի մենք պատրաստում ենք մի շարք խոշոր միջոցառումներ, որոնցից ամենանշանակալին Մնջախաղի երրորդ միջազգային փառատոնն է Ծաղկաձորում՝ օգոստոսի կեսերին: Մենք արդեն մասնակցության հայտեր ենք ստացել Իսպանիայից, Լեհաստանից, Իտալիայից, Ֆրանսիայից և Գերմանիայից: Ակնկալվում է նաև Ռուսաստանի մասնակցությունը: Իրենց արվեստը փառատոնում կներկայացնեն ինչպես միմ դերասաններ, այնպես էլ թատերախմբեր: Ցավոք, այսօր Հայաստանում մնջախաղի փառատոնի անցկացման համար տրամադրվող միջոցներն այդքան էլ մեծ չեն, ինչպես միջազգային այլ փառատոնների դեպքում: Մեր փառատոնն անցկացվում է երկու տարին մեկ անգամ, և կազմակերպումը մեծ ծախսեր է պահանջում, մասնավորապես, բաց երկնքի տակ բեմի վարձակալության և տեխնիկական միջոցների համար: Միաժամանակ, պետբյուջեից հատկացվում է ընդամենը 8 մլն դրամ (ավելի քան 20,5 հազար դոլար):

«Նովոստի-Արմենիա». Մնջախաղի թատրոնի նոր խաղաշրջանում պրեմիերաներ սպասվու՞մ են:

Ժ.Դադասյան. Այժմ թատրոնում նոր բեմադրության աշխատանքներ են գնում: Սա մի փոքր անսովոր ներկայացում է, քանի որ մեր խաղացանկի առաջին կատակերգությունն է, որովհետև մեր ներկայացումները հիմնականում դրամատիկ են: Հատկանշական է նաև այն, որ դրա բեմադրումն իրականացնում են երիտասարդ ռեժիսորներ և դերասաններ՝ Թատրոնի և կինոյի ինստիտուտի մնջախաղի ֆակուլտետի դերասաններ Արամ Խոջոյանը, Կարեն Խաչատրյանը և Արթուր Հայրապետյանը: Ներկայացումն առայժմ անվանում չունի, հնարավոր է, հետագայում այն կկոչվի «Երեք ընկեր», սակայն պետք չէ շփոթել այն Ռեմարկի համանուն ստեղծագործության հետ: Այս ստեղծագործությունը կնշանավորի թատրոնի նոր խաղաշրջանի բացումը, որը կկայանա մարտի 8-ին և նվեր կդառնա մեր կանանց համար:

«Նովոստի-Արմենիա». Դուք բազմիցս բարձրացրել եք թատրոնին սեփական շենքի տրամադրման հարցը, նկատվում է, արդյո՞ք, որևէ առաջխաղացում այս հարցում:

Ժ.Դադասյան. Երևանի մնջախաղի պետական թատրոնը հիմնվել է 1974 թվականին, և հայկական միակ թատրոնն է, որ իր հիմնադրման օրվանից երբեք չի ունեցել իր սեփական շենքը: Այս պատճառով էլ մենք ստիպված ենք եղել ելույթ ունենալ այլ թատրոններին բեմերում: Ի դեպ, Երևանում չկա մի  թատրոն, որտեղ մենք խաղացած չլինենք: Մեր վերջին ապաստանը Պատանի հանդիսատեսի թատրոնն էր: Սակայն թատրոնին արդեն շենք է հատկացվել Երևանի կենտրոնում՝ Հյուսիսային պողոտայում: Այստեղ թատրոնի բացման գաղափարը պատկանում է քաղաքի գլխավոր ճարտարապետ Նարեկ Սարգսյանին: Ես ինքս էլ եմ միշտ ցանկացել, որ մեր թատրոնը հենց այստեղ գտնվի: Մենք հիանալի ճարտարապետական լուծում գտանք, բայց ինչպիսին կլինի շենքի վերջնական տեսքը, առայժմ վաղ է ասել:

Հույս ունենք տեղափոխվել նոր շենք այս տարվա ընթացքում: Ես շատ ոգևորված եմ նաև այն պատճառով, որ մեզ մեծ աջակցություն է ցուցաբերում նաև Մշակույթի նախարար Հասմիկ Պողոսյանը:

«Նովոստի-Արմենիա». Մնջախաղի թատրոնը շրջագայություններ կունենա՞ արտերկրում:

Ժ.Դադասյան. Մենք առաջարկ ենք ստացել մայիսին ելույթ ունենալ Լոս Անջելեսում՝ հայկական գրատպության 500-ամյակին նվիրված միջոցառումների շրջանակներում: Մտադիր ենք առանձին ելույթներ ունենալ Լոս Անջելեսի մեծաթիվ հայկական համայնքի համար:

«Նովոստի-Արմենիա». Վերջին ժամանակներում թատերարվեստում նորագույն տեխնոլոգիաների, մասնավորապես, ինստալյացիաների օգտագործման, ինչպես նաև թատերական ներկայացումների ընթացքում արվեստի տարբեր տեսակների համադրման միտումներ են նկատվում: Ինչպե՞ս եք դրան վերաբերվում և մտադի՞ր եք, արդյոք, կիրառել այդ հնարքները մնջախաղի թատրոնում:

Ժ.Դադասյան. Դրական եմ վերաբերվում նորագույն տեխնոլոգիաներին, քանի որ թատրոնը կենդանի արվեստ է: Վերջին տարիներին աշխարհը շատ է նեղացել, որովհետև հաղորդակցման նոր միջոցներն ավելի մեծ շփման, ավելի արագ արձագանքելու, ավելի շատ բան տեսնելու հնարավորություն են տալիս: Անշուշտ, դա նպաստում է «մարզավիճակի» պահպանմանը: Եթե պայմանները, թատերական կրթությունը կամ ներքին ձգտումները պատշաճ մակարդակի վրա են, դրանք նպաստում են նոր միտումների հայտնվելուն: Հաճախ մենք զարմանում ենք, երբ տեսնում ենք, թե որքանով է օտարերկրյա ժամանակակից թատրոնների մտածելակերպը համահունչ մեր հայացքներին: Սակայն պետք է ասեմ, որ մնջախաղի թատրոնն այդ շարքում հատուկ տեղ է գրավում: Նորագույն տեխնոլոգիաների առատությունը հատկապես բնորոշ է performance, physical, happening ժանրերում ստեղծագործող թատրոններին: Ես տեսել եմ բազմաթիվ նմանատիպ ներկայացումներ, որոնք ավելի հաճախ սոցիալական ուղղվածություն ունեն, օրինակ, վեր են հանում գենդերային թեմատիկան: Իսկ մնջախաղի թատրոնը զուտ ստեղծագործական նպատակներ ունի, իսկ նմանատիպ պերֆորմանսներն իրենց առջև հասարակական կամ սոցիալական նշանակության խնդիրներ են դնում: -0-

Loading...
Թեմատիկ նյութեր
Բաժնի այլ նյութեր
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։