482.36
-0.38
568.99
-1.66
8.19
-0.05
+6
Եղանակը Երևանում
Հայ
ԼՂՀ-ն անընդունելի է համարում Ղարաբաղի «հայկական և ադրբեջանական համայնքների» միջև հանդիպումների անցկացման առաջարկները
18:59
14 Հոկտեմբերի 2011

Լեռնային Ղարաբաղի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանն անընդունելի է համարել Բաքվի առաջարկությունները «Ղարաբաղի հայկական և ադրբեջանական համայնքների» միջև հանդիպումների անցկացման վերաբերյալ:

Ինչպես հաղորդում է ՌԻԱ Նովոստին, ԵԱՀԿ Խորհրդարանական վեհաժողովում Ադրբեջանի պատվիրակությունն առաջարկել է հանդիպում անցկացնել Լեռնային Ղարաբաղի «հայկական և ադրբեջանական համայնքների» միջև: Պատվիրակության ղեկավար Բահար Մուրադովայի խոսքով, «դա անհրաժեշտ է կողմերի միջև վստահության ստեղծման համար», և, քանի որ Լեռնային Ղարաբաղում ապրող հայերն իբր «Ադրբեջանի քաղաքացիներ են», հանդիպումը կարող է անցկացվել Բաքվում:

«Պաշտոնական Բաքուն ժամանակ առ ժամանակ հանդես է գալիս նմանատիպ հայտարարություններով: Կարծում եմ՝ դա անլուրջ մոտեցում է: Ավելին, իր այս պահվածքով Ադրբեջանն ավելորդ անգամ իրեն անհարմար դրության մեջ է դնում»,- ասել է Բաբայանը «Նովոստի-Արմենիա» գործակալությանը տված հարցազրույցում:

Ըստ նրա, գոյություն չունի Լեռնային Ղարաբաղի «ադրբեջանական» կամ «հայկական» համայնք հասկացությունը:
«Գոյություն ունի Լեռնային Ղարաբաղի Հանրապետություն: Եթե պաշտոնական Բաքուն ցանկանում է կարգավորել ադրբեջանաղարաբաղյան հակամարտությունը, ապա նա անպայման պետք է դիմի պաշտոնական Ստեփանակերտին երկկողմ հանդիպումների վերսկսման համապատաասխան խնդրանքով»,- ասել է Բաբայանը:

Նա նկատել է, որ ղարաբաղյան կողմը դեմ չէ Բաքվի հետ երկկողմ բանակցություններին առանց որևէ, այսպես կոչված, համայնքային կամ այլ ձևաչափերի: «Սա ոչ միայն անընդունելի է մեզ համար, այլ պարզապես ծիծաղելի է»,- ասել է ԼՂՀ նախագահի աշխատակազմի տեղեկատվության գլխավոր վարչության պետը:

Նրա խոսքով, եթե Ադրբեջանը դիմի պաշտոնական Ստեփանակերտին բանակցությունների անցկացման առաջարկություններով, ապա Ղարաբաղը կմտածի այդ մասին: «Հնարավոր է` առաջին հանդիպումն անցկացվի Բաքվում, այնուհետև՝ Ստեփանակերտում կամ այլ վայրերում, բայց դա պետք է կատարվի երկու երկրների պաշտոնական ներկայացուցիչների, այսինքն՝ Արցախի և Ադրբեջանի միջև»,- նշել է Բաբայանը:

Նա կարծում է, որ համայնքների միջև հանդիպում անցկացնելու առաջարկով Ադրբեջանը ցանկանում է ավարտվող տարում ցույց տալ իր ակտիվությունը, բայց դա անում է չափազանց ոչ համոզիչ կերպով՝ հանդես գալով ոչ կառուցողական առաջարկներով: «Դա նախատեսված է ներքին հանդիսականի համար, ուրիշ ոչ ոքի»,- ասել է Բաբայանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
13:23
15 Դեկտեմբերի 2017
Սարյանը շարունակում է լինել Հայաստանի այցեքարտը. տուն–թանգարանի տնօրեն
Երևանի գանձերից մեկը` հռչակավոր նկարիչ Մարտիրոս Սարյանի տուն–թանգարանը, այս տարի նշում է  իր 50–ամյակը։
11:13
15 Դեկտեմբերի 2017
Ավանդական հայկական Ամանոր. մոռացված ծեսեր ու պահպանված սովորույթներ
Ամանորն արդեն սարերի հետևում չէ: Հայաստանում հատուկ ջերմությամբ ու հուզմունքով են վերաբերվում այս հրաշք տոնին:
15:40
11 Դեկտեմբերի 2017
Լեգենդար Իրինա Սլուցկայան կմարմնավորի հայ աստվածուհու կերպարը «Ախթամար» շոուում. ՀԱՐՑԱԶՐՈւՅՑ
Օլիմպիական խաղերի մրցանակակիր, աշխարհի կրկնակի չեմպիոն Իրինա Սլուցկայան առաջին վարպետության դասն է անցկացրել Երևանում:
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է: