481.93
+0.2
569.16
+0.19
8.37
-0.02
+11
Եղանակը Երևանում
Հայ
ՀՀ ոստիկանության բարեփոխումների արդյունքները երկու տարում զգալի կդառնան
20:04
16 Հունիսի 2011

ԵԱՀԿ երևանյան գրասենյակի ղեկավարի տեղակալ Կարել Հոֆստրայի հարցազրույցը «Նովոստի-Արմենիա» գործակալությանը

«Նովոստի-Արմենիա». ԵԱՀԿ երևանյան գրասենյակը համագործակցում է ՀՀ Ոստիկանության հետ՝ Ոստիկանության համակարգի բարեփոխումների իրականացման գծով։ Որո՞նք են ոլորտի հիմնական խնդիրները և բարեփոխումների հիմնական ուղղությունները։

Կ. Հոֆսթրա. Մենք ՀՀ ոստիկանության հետ համագործակցությունը սկսել ենք դեռ 2005թ.-ին։ Բարեփոխումների առաջին հիմնական ուղղությունն, այսպես կոչված, համայնքային ոստիկանության ոստիկանական ծառայությունների իրականացման նոր ոճի ներմուծումն է։ Դա կապված չէ ոստիկանության կառույցի հետ, դա ավելի շուտ բնակչության հետ ոստիկանության առավել արդյունավետ համագործակցության փիլիսոփայություն է։ Արևմտյան երկրներն անցել են այդ ճանապարհն անցած դարի  60-70-ական թվականներին։ Մենք ցանկանում ենք օգնել Հայաստանին ներմուծել մի մոդել , որի համաձայն ոստիկանությունը հասարակության հետ ակտիվ համագործակցության , բնակչության հետ կանոնավոր կապերի ճանապարհով օգնում է խնդրի լուծմանը։ Դա պետք է իրականացվի ապակենտրոնացման կարգով, դրանում է կայանում մոդելի էությունը։ Ես կցանկանայի ավելացնել, որ այդ ծրագրի արդյունքում պետք է ոստիկանության հայկական մոդել մշակվի՝ հաշվի առնելով հայկական մշակույթի և ազգային յուրահատկությունների առանձնահատկությունները։

Նաև քայլեր են ձեռնարկվում ոստիկանության կառույցի փոփոխման ուղղությամբ։ Հայաստանում, ինչպես նաև այլ հետխորհրդային երկրներում, գոյություն ունեն ոստիկանության ստորաբաժանումներ, որոնցից յուրաքանչյուրը կատարում է ոստիկանական գործողությունների մի մասը։ Մենք ցանկանում էինք առաջարկել միացնել այդ բոլոր գործառույթները, ինչը թույլ կտա բարձրացնել ոստիկանության աշխատանքի արդյունավետությունը։

Նախատեսված են նաև ոստիկանների կրթական համակարգի բարեփոխումները։ Այժմ Ոստիկանական ակադեմիայում սովորում է միայն բարձրաստիճան սպայակազմ, և նրանք ավարտելուց անմիջապես հետո սպաներ կդառնան, առանց ոստիկանական փորձի, բայց մենք կարծում ենք, որ դա սխալ է։ Մեր կարծիքով, բոլոր ոստիկանները պետք է նույն ճանապարհն անցնեն, այդ պատճառով մենք մեր ոստիկանության մեր գործընկերների հետ համատեղ բազմաստիճան կրթական համակարգ ենք մշակել, որտեղ բոլոր ոստիկանները պետք է սկսեն այն նույն ուսուցումից, այնուհետև մի քանի տարի աշխատելով որպես ոստիկաններ՝ պրակտիկայում կիրառեն իրենց հմտությունները։ Հետո նրանք կարող են դիմել պաշտոնի բարձրացման համար և կարող են սովորել ոստիկանական քոլեջում, որը նրանց առավել խորը գիտելիքներ և բակալավրի աստիճան կտա։ Ծառայության մի քանի տարիներից հետո նրանք կարող են բարձրագույն կրթություն ստանալ Ոստիկանական ակադեմիայում, իսկ այն ավարտելով՝ բարձր կոչում ստանալ։

Հայկական ոստիկանության համար ևս մեկ մարտահրավեր ենք համարում հավաքների և խոսքի ազատության համար քաղաքացիների իրավունքների առանց սահմանափակման հասարակական կարգի պահպանումը։ Մենք բոլորս հիշում ենք 2008թ.-ի մարտյան իրադարձությունները։ Ցանկացած ժողովրդավարական երկրում նման դրվագը լուրջ մարտահրավեր է իրավապահ մարմինների համար։ Մարդկանց ցանկացած խումբ իրավունք ունի իր տեսակետը հայտնելու ցույցերի և հավաքների ճանապարհով, և պետությունը պարտավոր է ապահովել այդ իրավունքի իրականացումը։ Մենք առաջիկայում սպասում ենք Մեծ Բրիտանիայից ժամանող փորձագետի՝ ոստիկանության բարձրաստիճան ղեկավարության հետ համատեղ այդ մարտահրավերը կանխելու համատեղ հայեցակարգի մշակելու համար:

«Նովոստի-Արմենիա». Ինչպե՞ս եք գնահատում ոստիկանության հետ համագործակցությունը։ Ե՞րբ կարող ենք տեսնել բարեփոխումների արդյունքները։

Կ.Հոֆսթրա. Ընդհանուր առմամբ մենք գոհ ենք ոստիկանության հետ մեր համագործակցությունից։ Բնականաբար, բոլոր այդ բարեփոխումները մեկ օրում չեն արվում։ Առաջիկա տարիների ընթացքում մենք հուսով ենք, որ հստակ արդյունքներ կտեսնենք։ Դժվար է բարեփոխումների լիարժեք ծավալի իրականացման ինչ-որ հստակ ժամկետներ դնել։ Նույնիսկ ամենազարգացած արևմտյան երկրներում այդ գործընթացը տևում է շուրջ հինգ-վեց տարի կամ նույնիսկ ավելի շատ։ Կարծում եմ, որ երկու տարիների ընթացքում դրական միտում պահպանելու դեպքում բարեփոխումներն արդեն շոշափելի կլինեն։

«Նովոստի-Արմենիա». Ի՞նչ գնահատական կտաք ՀՀ կառավարության կողմից անցկացվող հակակոռուպցիոն պայքարի վերաբերյալ։ Այդ հարցում  ԵԱՀԿ երևանյան գրասենյակը համագործակցո՞ւմ է կառավարության հետ։
Կ.Հոֆստրա. ՀՀ կառավարությունը որոշակի միջոցներ է ձեռնարկում կոռուպցիայի դեմ պայքարի ուղղությամբ, բայց մենք ավելիին ենք սպասում։ Ինստիտուտներ են ստեղծվել, որոնք կոչված են հակակոռուպցիոն ռազմավարություն իրականացնել, բայց դրանք այդքան էլ արդյունավետ չեն աշխատում, որքան ցանկալի էր։ Հասարակական կարծիքի ուսումնասիրությունը ցույց տվեց, որ Հայաստանում կոռուպցիայի մակարդակը ոչ միայն չի իջնում, այլ աճում է որոշ ոլորտներում։

Առավել վճռական միջոցներ են հարկավոր, առաջին հերթին՝ իշխանությունների կողմից։ Հասարակությունը, իհարկե, պետք է անհանդուրժողականություն ցուցաբերի կոռուպցիոն երևույթների նկատմամբ, իր ներդրումն ունենա այդ չարիքի դեմ պայքարում, սակայն, ինչպես ցույց է տալիս փորձը, շարքային քաղաքացիները քիչ բան կարող են փոխել։

Մենք համագործակցում ենք կառավարության հետ, միասին չորս տարվա հակակոռուպցիոն ծրագիր ենք մշակել, գործողությունների ծրագիր, որն իրականացվում է, սակայն ոչ այդքան արագ տեմպերով, քան կցանկանայինք։ Ծրագրում ներառված են այնպիսի ուղղություններ, ինչպիսին են դատական համակարգը, ոստիկանությունը, առողջապահության ոլորտը, հարկային և մաքսային համակարգերը։

Ըստ մեզ, կոռուպցիայի դեմ պայքարում գլխավոր դերը պատկանում է հատկապես կառավարությանը։ Իհարկե, հոգեկերտվածքի խնդիր կա, բայց եթե քաղաքացին կարող է լուծել իր որոշակի խնդիրները միայն կաշառք տալով, ապա կոռուպցիան երբեք չի անհետանա։ Պայքարը պետք է տարվի կոռումպացված պաշտոնյայի դեմ, այդ թվում՝ իշխանության բարձր օղակներում։

«Նովոստի-Արմենիա». Ի՞նչ փոփոխություններ եք տեսնում Հայաստանի ժողովրդավարական զարգացման ոլորտում։

Կ.Հոֆսթրա. Հայաստանի ժողովրդավարական զարգացումն անհավասար է ընթանում տարբեր ոլորտներում։ Կան ոլորտներ, որտեղ առաջընթացն ակնհայտ է, մյուսներում՝ հակառակը, բարելավումներն են աննշան։ Դրական օրինակներից ես կցանկանայի ընդգծել ՀՀ Զինված ուժերում մարդու իրավունքների հետ կապված իրավիճակը։ Իհարկե, իրավիճակը դեռ հեռու է կատարելությունից, բայց մենք տեսնում ենք հստակ քայլեր, քաղաքական կամք։ Դրա շնորհիվ շատ բացասական երևույթներ հաջողվել է նվազագույնի հասցնել։

ԶԼՄ-ների և բազմակարծության ազատության հարցում  իրավիճակն ավելի բարդ է։ Դեռ շատ խնդիրներ են մնում։ Անցյալ տարի փոփոխություններ են կատարվել հեռուստատեսության և ռադիոհեռարձակման օրենքում, և դա լավ հնարավորություն էր տեղեկատվության ազատության մակարդակը բարձրացնելու համար։ Ողջ աշխարհում թվայնացման գործընթացը բերում է հեռուստաալիքների թվի ավելացման, և որպես հետևանք՝ կարծիքների բազմակարծության զարգացման։ Սակայն Հայաստանում, չգիտես ինչու, հակառակ գործընթացը տեղի ունեցավ։ Դա զարմացնում է։ Պետք է, որ դա կապված լինի թվային հեռարձակմանն անցնելու նախապատրաստության թափանցիկության պակասի հետ։ Այժմ մենք՝ Օմբուդսմենի գլխավորությամբ, աշխատանքային խմբի հետ աշխատում ենք օրենքի բարելավման վրա։
 
Օրենսդրական առումով բազմաթիվ դրական միտումներ են նկատվում, որոնք ոչ միշտ են գտնում իրենց արտացոլումը գործնականում։ Հայաստանում ժողովրդավարության հետ կապված այն խնդիրները, որոնք կային դեռ տասը տար, կան նաև այսօր։ Այն դեպքում, երբ տասը տարին բավական ժամկետ է պետության ժողովրդավարական զարգացման ճանապարհի հիմնական խոչընդոտները վերացնելու համար։

«Նովոստի-Արմենիա». Ի՞նչ ծրագրեր է նախատեսում իրականացնել ԵԱՀԿ երևանյան գրասենյակն ընթացիկ տարում։

Կ.Հոֆսթրա. Հայաստանում ԵԱՀԿ կողմից իրականացվող բոլոր ծրագրերը երկարաժամկետ բնույթ են կրում։ Այժմ մենք Արտակարգ իրավիճակների նախարարության հետ համատեղ քիմիական թափոնների գերեզմանոցների ոչնչացման ծրագիր ենք մշակում։ Այդպիսի գերեզմանոցներ կան Նուբարաշենում, Ալավերդիում։ Կառավարությունը մտադիր է մեկընդմիշտ լուծել այդ խնդիրը, և ԵԱՀԿ երևանյան գրասենյակը աջակցություն կցուցաբերի այդ հարցում։ Շուտով մենք կսկսենք գործողությունների ծրագրի մշակումը։

Մեր կարծիքով ևս մեկ առանցքային նախագիծ՝տնտեսական կարգավորման բարեփոխումներին վերաբերյալ։ Հայաստանում շուրջ 26 հազար օրենք և ենթաօրենսդրական ակտ կա, որոնք վերաբերում են բոլոր ոլորտներին։ Դա չափազանց մեծ թիվ է։ Մենք կհամագործակցենք կառավարության հետ այդ թվի կրճատման հարցում, քանի որ այդ նորմատիվ ակտերի որոշ մասը չեն գործում կամ կորցրել են արդիականությունը։ Աշխատանքային խումբ կձևավորվի, որը կսկսի դիտարկել յուրաքանչյուր օրենքն ու ենթաօրենսդրական ակտը՝ այսօրվա իրողություններին համապատասխան։ Օրենքների քանակի կրճատումը Հայաստանն առավել հասկանալի, և հետևաբար գրավիչ կդարձնի ներդրողների համար։ Դա շատ կարևոր նախագիծ է, որը մենք հուսով ենք սկսել այս տարվա աշնանը և ավարտել երկու տարում։ -0-

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։