485.92
+0.24
514.49
-2.52
8.16
-0.01
-7
Եղանակը Երևանում
Հայ
Սպիվակովն ու Մացուևը Երևանում ելույթ կունենան Հայաստանի պետական երիտասարդական նվագախմբի հետ
21:47
06 Հունիսի 2011

Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի բացառիկ հարցազրույցը

Նովոստի-Արմենիա». Վերջերս Երիտասարդական նվագախումբը հաճախ է ելույթ  ունենում այնպիսի հայտնի երաժիշտների հետ, ինչպիսիք են Մաքսիմ Վենգերովը, Մարիո Ստեֆանո Պիետրոդարկին: Նմանատիպ մասշտաբի ի՞նչ համերգներ ենք նախատեսում առաջիկայում:

Ս. Սմբատյան. Չեմ ուզում անհամեստ երևալ, սակայն այսօրվա դրությամբ Երիտասարդական նվագախումբը հասել է այդ մակարդակին, և դրա վկայությունն են բավականին հայտնի երաժիշտների կողմից համատեղ ելույթների բազմաթիվ հրավերները: Երաժշտական միջավայրում կան վարպետներ, ովքեր իրենց արվեստի հիմնադիրներն են: Նրանց թվում են Վլադիմիր Սպիվակովը և Դենիս Մացուևը, ով այս աշնանը Երևանում համերգ կունենա:

Ինչ վերաբերում է Մաքսիմ Վենգերովին, ապա դա բացառիկ դեպքն է: Հայաստանի անկախության պատմության մեջ առաջին անգամ հանրապետություն է եկել հայտնի երաժիշտ ոչ միայն որպես կատարող, այլ նաև որպես դիրիժոր և տեղի նվագախմբի հետ համերգային ծրագիր ներկայացրեց: Կարծում եմ, որ այս ամենը հատուկ ուշադրության է արժանի, քանի որ Վենգերովը պրոֆեսիոնալ է, հասել է այն ամենին, ինչին կարելի է հասնել երաժշտական կարիերայում, և ահա նա եկավ Երևան և ելույթ ունեցավ Երիտասարդական նվագախմբի հետ:

Պիետրոդարկիի հետ ելույթը մեր ողջ կոլեկտիվի և իմ հատուկ հպարտության առարկան է: Պիետրոդարկիի հետ համերգը տեղի ունեցավ Մաքսիմ Վենգերովի հետ համերգից 20 օր հետո: Այն բացարձակապես այլ ձևաչափի և երանգի ելույթ էր, երաժշտական միտումների այլ ընկալում:

«Նովոստի-Արմենիա». Այս տարի Երիտասարդական նվագախումբը դառնում է հինգ տարեկան: Նախատեսո՞ւմ եք, արդյոք, թողարկել հոբելյանական ձայնասկավառակ և որտե՞ղ եք ծրագրում հանդես գալ հյուրախաղերով:

Ս. Սմբատյան. Մենք շատ ենք ցանկանում ձայնասկավառակ թողարկել՝ նվիրված նվագախմբի հոբելյանին: Կարծում եմ, որ երգացանկում կներառվեն Շոստակովիչի և Չայկովսկու ստեղծագործությունները: Բացի այդ, առաջիկայում Երիտասարդական նվագախումը նախատեսում է հյուրախաղերով հանդես գալ Եվրոպայում, Ռուսաստանում և ԱՊՀ այլ երկրներում:

«Նովոստի-Արմենիա» . Այս տարի Մաքսիմ Վենգերովը Հայաստանում տվեց «Ամեն երեխա ընտանիքի կարիք ունի» սոցիալական ծրագրի մեկնարկը, որի շրջանակներում հանրապետության մարզերում տեղի կունենան ՅՈՒՆԻՍԵՖ-ի Մանկական նվագախմբի ելույթները ձեր ղեկավարությամբ: Ե՞րբ եք նախատեսում սկսել ելույթները և ինչպե՞ս ստացվեց, որ դուք դարձանք նաև այդ նվագախմբի գեղարվեստական ղեկավարը:

Ս. Սմբատյան. ՅՈՒՆԻՍԵՖ-ի մանկական նվագախումբը բացառիկ է Հայաստանում ֆենոմենալ երաժշտական ավանդույթների շնորհիվ: Ինչպես գիտեք, ՅՈՒՆԻՍԵՖ-ը միջազգային ամենահայտնի կազմակերպություններից է, և Մաքսիմ Վենգերովն արդեն ավելի քան տասը տարի է՝ այդ կազմակերպության բարի կամքի դեսպանն է: Երբ նա եկավ Երևան, ես պատմեցի նրան նվագախմբի մասին, և նա երկար ժամանակ չէր կարողանում հավատալ իմ խոսքերին: Երաժիշտը երկար ժամանակ նմանատիպ նվագախումբ ստեղծելու գաղափար էր փայփայում: «Ամեն երեխա ընտանիքի կարիք ունի» ծրագիրը ողջ աշխարհին ուղղված ուղերձ է: Մենք կարծում ենք, որ մանկատների մոդելն անընդունելի է նորմալ հասարակության համար, այն չպետք է լինի, սակայն, ցավոք, փաստ է, որ այն կա: Այդ պատճառով մեր ընկալմամբ ՅՈՒՆԻՍԵՖ-ի մանկական նվագախումբը երաժշտության միջազգային լեզվի միջոցով երեխաների իրավունքների հաստատումն է: Կարծում եմ, որ մենք կիրականացնենք մեր ծրագիրը Հայաստանի մարզերում մինչև այս տարվա աշուն:

Ինչ վերաբերում է մանկական նվագախմբի իմ ղեկավարությանը, ապա պետք է ասեմ, որ ես Սպիվակովի հիմնադրամի թոշակառու էի, և Վլադիմիր Թեոդորովիչը ազդակ հաղորդեց ինձ և իմ կոլեկտիվին: Նվագախմբի բոլոր մասնակիցները Սպիվակովի հիմնադրամի թոշակառուներ են, և ես իմ ղեկավարությունը համարում եմ տրամաբանական շղթայի շարունակությունը:

«Նովոստի-Արմենիա». Երիտասարդական նվագախմբի աշխատանքում ի՞նչ խնդիրներ կարող եք նշել:

Ս. Սմբատյան. Ամեն տեղ կան խնդիրներ, և մենք բացառություն չենք: Սակայն բոլոր խնդիրներն անհնար է լուծել, դրա համար ողջ կյանքն անգամ չի բավականեցնի: Եթե ես դրան ուշադրություն դարձնեի, ապա համոզված եմ, որ այն կխանգարեր մեր առանցքային խնդրին: Ես պրագմատիկ լավատես եմ: Գլխավորն այն է, որ մարդը պատկերացնի, թե ով է նա և ինչ կարող է տալ հասարակությանը: Այսօր Հայաստանում, հատկապես ճգնաժամից հետո, էստրադային համերգների և թատերական ներկայացումների պակաս չկա, սակայն դրանց որակը ցանկալիից հեռու է: Մարդիկ գնում են այդ ներկայացումներին ոչ թե այն պատճառով, որ դա նրանց դուր է գալիս, այլ այն պատճառով, որ դրանք մատչելի են: Իրական արվեստը միշտ ավելի համեստ է, սակայն այդ համեստությունը ևս պետք է պրագմատիկ լինի: Մեր կոլեկտիվի ստեղծումից հետո առաջին երեք տարիների ընթացքում մենք օրական վեց-յոթ ժամ աշխատում էինք անվճար: Ուզում էինք, որ մարդիկ լավ երաժշտություն լսեն: Այսօր մենք հպարտ ենք, որ մեր համերգներն անցնում են լի դահլիճներով: Ավելի վաղ դա դժվար էր, սակայն այժմ դա դարձել է մեր աշխատանքի և մեր կենսակերպի անբաժանելի մասը: Համոզված եմ, որ մարդկանց դուր է գալիս դասական երաժշտությունը, և նրանք կարող են գնահատել այն ըստ արժանվույն:-0-

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։