484.75
-0.5
571.76
+2.32
8.19
+0.01
-2
Եղանակը Երևանում
Հայ
Աշխարհը դարձավ ԱՄՆ-ի հերթական էքսպանսիայի ձևափոխված տարբերակի ականատեսը
11:18
04 Փետրվարի 2011

Բանն այն է, որ Եգիպտոսում, ինչպես նաև հարևան Թունիսում տեղի ունեցող իրադարձությունները բացահայտ կերպով ցույց են տալիս, որ այս դեպքում համաշխարհային հանրությունը գործ ունի, այսպես կոչված, «հեղափոխությունների» նոր ալիք կազմակերպելու, ամենայն հավանականությամբ, ամերիկյան հատուկ ծառայությունների հերթական փորձի հետ, որոնք «գունավորի» փոխարեն ստանում են ինքնաբուխ քաղաքացիական ընդվզումների կամ քաղաքացիական անհնազանդության ակտերի տեսք:

Այս ամենը խոսում է միայն այն մասին, որ այսօր աշխարհը բախվում է ԱՄՆ հերթական էքսպանսիայի ձևափոխված տարբերակի հետ, քանի որ «գունավոր հեղափոխությունների» հեղինակը հենց նա է: Շատ հնարավոր է, որ այս ամենը մի օր  կհանգեցնի հեղաշրջման Իրանում, ինչին վաղուց նպատակաուղղված են Միացյալ Նահանգների և նրանց դաշնակիցների բոլոր լավագույն ուժերը:

ԱՄՆ-ն արաբական ամենակայուն ռեժիմները խախտելու միջոցով փորձում է իրավիճակը հանգեցնել Բուշ-կրտսերի վարչակազմի՝ գլոբալ Մերձավոր Արևելքի վերակառուցման և այդ հսկայական տարածաշրջանի ռազմավարական նշանակության փոփոխման ծրագրին:

Իրաքի և Աֆղանստանի օկուպացիայի զարհուրելի արդյունքների ֆոնի ներքո ԱՄՆ-ի տնտեսությունն ու քաղաքականությունը «ջրի երեսին պահելու» միայն մեկ միջոց է մնում՝ վերահսկվող քաոսի շղթան տարածել առավելագույն թվով երկրներում: Այս քաղաքականությունում Միացյալ Նահանգները չեն պատրաստվում խնայել ոչ իրենց եվրոպացի դաշնակիցներին, ոչ էլ եվրասիական գերտերություններին:

Այս ամենը խոսում է այն մասին, որ ԱՄՆ-ի մոտ որևէ պահուստային ռեսուրս չի մնացել, որպեսզի այլ կերպ կարգավորի այդ երկրների հետ իր հակասություններն ու տարաձայնությունները:

Ամերիկացիները պետք է ականջալուր լինեն Իրանից վաղուց հնչող նախազգուշացմանը և մտածեն այն մասին, թե ինչ կարող է տեղի ունենալ, եթե ողջ այն աշխարհը, ում դեմ Ամերիկան «ինքնաբուխ ընդվզումներ է» կիրառում, կարողանա միավորվել և հանդես գալ միասնական ճակատով հենց Միացյալ նահանգների դեմ՝ մոռանալով քաղաքական, կրոնական, քաղաքակիրթ և այլ տարաձայնությունները: Այսօր այս վտանգը մի քանի անգամ աճում է:

«Նովոստի-Արմենիա» - Ինչպե՞ս կարող են ազդել վերը նշված գործընթացները ԱՊՀ երկրների, մասնավորապես, Հայաստանի ներքաղաքական կյանքի վրա:

Ս. Շաքարյանց- Այս իրադարձությունները որոշ վտանգ են պարունակում: Սակայն հարկ է ընդգծել, որ այն արդիական է այն երկրների համար, որտեղ ուժայինները ծախու են և ի վիճակի չեն կամ չեն ցանկանում զբաղվել իրենց ուղղակի գործառույթներով և պարտականություններով: Ինչպես նախօրեին տեղեկացրեցին եվրոպական առաջատար հեռուստաալիքներն ու ԶԼՄ-ները, Եգիպտոսում այժմ ամեն ինչ կախված է Զինված ուժերի գործողություններից: Միայն այս արտահայտությունն արդեն մատնանշում է, թե ինչի վրա է արված հաշվարկը: Հարցն այն է, թե որքանով անկաշառ կամ ծախու կլինի այս դեպքում Եգիպտոսի ռազմական վերնախավը:

Ինչպես հայտնի է, Թունիսում ուժայիններն իրենց երկիրը վաճառեցին չգիտես ում, թեև հասկանալի է, որ մոտ ապագայում այնտեղ իշխանության կգան հենց այն մարդիկ, ում վրա խաղադրույքներ էին արվել, այսպես կոչված, «քաղաքացիական ինքնաբուխ ընդվզումների» կազմակերպման քաղաքական տեխնոլոգների ծրագրերում:

Ահա թե ինչի մասին պետք է մտածենք՝ Հայաստանում թունիսյան և եգիպտական իրադարձությունների կրկնությունը թույլ չտալու համար: Այդ պատճառով այսօրվա դրությամբ մենք միայն մեկ այլընտրանք ունենք՝ փորձել փակել այն ուժերի ճանապարհը, որոնք պատրաստ են Հայաստանում նմանատիպ սցենարներ կյանքի կոչել, փորձել հասնել ներքին քաղաքացիական փոխհամաձայնության՝ առանց «նավերի տատանումների»: Նմանատիպ խորհուրդներ կարելի է տալ ԱՊՀ ցանկացած այլ երկրի: Միայն դրանից է կախված՝ արտաքին ուժերը կփորձեն, թե չեն փորձի օգտագործել մեր երկրները, տվյալ դեպքում՝ Հայաստանը՝ որպես հերթական հրաձգարան՝ իրենց  ցնորական գաղափարները կյանքի կոչելու համար:

«Նովոստի-Արմենիա» - Որքա՞ն է մեծ մեր տարածաշրջանում նմանատիպ ընդվզումների առաջացման հավանականությունը:

Ս. Շաքարյանց – Վերջերս ամերիկյան քաղաքագիտական համալսարաններից մեկի պրոֆեսորադասախոսական կազմը հրապարակել է այն երկրների ցանկը, որտեղ նրանք սոցիալական ընդվզումներ են կանխատեսում: Իհարկե, մենք հասկանում ենք, թե ինչ է այս ամենը նշանակում: Ամերիկացի պրոֆեսորները կամ ԱՄՆ Պետդեպարտամենտի կամ Սպիտակ տան պատվերները կատարող անձինք հաճախ արդեն հայտնի սխեմատիկ հաշվարկների ներքո ներկայացնում են այն, ինչ ցանկանում է տեսնել ԱՄՆ քաղաքական վերնախավը այս կամ այն երկրում:

Բավական է միայն նշել, որ պոտենցիալ երկրների ցանկում, որոնց քաղաքացիական ինքնաբուխ ընդվզումներ են սպառնում, առաջին տեղում Իրանն է: Նրանից այնքան էլ հեռու չեն Ռուսաստանն ու Չինաստանը, նշված են նաև մի շարք ԱՊՀ երկրներ, որոնց թվում են Հայաստանը, Ուկրաինան, Բելառուսը, Միջին Ասիայի հանրապետությունները:

Հետաքրքիր է, որ այս ցուցակում չկա Ադրբեջանը: Իհարկե, այստեղ չկա ոչ մի հակասություն: Բանն այն է, որ եթե Վրաստանում, Հայաստանում, Ռուսաստանում, Իրանում և նույնիսկ Թուրքիայում ամերիկացիները ինքնաբուխ քաղաքական ընդվզումներ են կանխատեսում, ապա պետք է, չէ՞, հանդարտության ամերիկամետ գոնե մեկ կղզյակ մնա՝ թեկուզև ոչ ժողովրդավարական,  ինչպիսին ժամանակակից Ադրբեջանն է: Սա է պատճառը, որ ամերիկացի պրոֆեսորադասախոսական կազմի կողմից ներկայացված ցուցակում Ադրբեջանը նշված չէ քաղաքացիական ընդվզումների վտանգ ունեցող երկրների թվում: Թեև անդրկովկասյան այլ երկրների համեմատ՝ այսօրվա դրությամբ հենց Ադրբեջանն է ամենահարմար հարթակը Ալիևի տոտալ դիկտատուրական ռեժիմի դեմ նմանատիպ պայքար ծավալելու համար:-0-

Loading...
Թեմատիկ նյութեր
Բաժնի այլ նյութեր
15:40
11 Դեկտեմբերի 2017
Լեգենդար Իրինա Սլուցկայան կմարմնավորի հայ աստվածուհու կերպարը «Ախթամար» շոուում. ՀԱՐՑԱԶՐՈւՅՑ
Օլիմպիական խաղերի մրցանակակիր, աշխարհի կրկնակի չեմպիոն Իրինա Սլուցկայան առաջին վարպետության դասն է անցկացրել Երևանում:
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին: