483.86
+0.11
572.89
+4.24
8.29
+0.08
-3
Եղանակը Երևանում
Հայ
Հայ շախմատիստները բազմիցս կուրախացնեն մեզ իրենց խաղով. Լպուտյան
16:14
22 Մարտի 2010

Ինչպես հայտնի է, Հայաստանի տղամարդկանց և կանանց հավաքականի վերջին մասնակիցը որոշվում է Հայաստանի առաջնության արդյունքներով՝ վարկանիշով չորս լավագույնները և Հայաստանի չեմպիոնը։ Այս տարի առաջնությանը մասնակցում էին հավաքականի մեր հիմնական թեկնածուները՝ Տիգրան Պետրոսյանը, Արտաշես Մինասյանը, Զավեն Անդրեասյանը, Ավետիք Գրիգորյանը, Հրանտ Մելքոնյանը։ Մեզ շատ հուսադրեց Ավետիք Գրիգորյանի խաղը, նա հավաքեց 7 միավոր հնարավոր իննից, և սա շատ լավ արդյունք է, բացի այդ, երկու միավորով առաջ անցնել երկրորդ մրցանակակրին հազվադեպ է ստացվում։ Ես կարծում եմ, որ Ավետիքը կարող է լիարժեք լրացնել հավաքականի կազմը, եթե աշխատի իր վրա, թեև կարծում եմ, որ նա այժմ էլ լավ խաղացող է։

Ինչ վերաբերում է Անահիտ Խառատյանին, ապա, իհարկե, նա չունի այն փորձը, որն ունի Սիրանույշ Անդրեասյանն, ով երկար տարիներ հանդես է եկել հավաքականում, այդ պատճառով էլ ներկայումս մենք մի փոքր խնդիր ունենք՝ պետք է մինչև սեպտեմբեր բարձրացնենք նրա գիտելիքների մակարդակը։ Եթե հասցնենք, ապա, կարծում եմ, որ Անահիտը նույնպես օգուտ կբերի։ Անշուշտ, նա դեռ շատ պետք է աշխատի, սակայն նա շատ դրական որակներ ունի կանանց շախմատի համար՝ նա շատ վստահ, ակտիվ է խաղում, գրոհում է, ինչը շատ լավ է կանանց շախմատի համար։

Նովոստի-Արմենիա - Ո՞ր հավաքականներն են, Ձեր կարծիքով, լինելու Հայաստանի հիմնական հակառակորդները Խանտի-Մանսիյսկի օլիմպիադայում։

Ս.Լպուտյան - Իմ կարծիքով, տասը թիմեր կհավակնեն մրցանակային տեղերի, և չեմ մտածում, թե դրանք նոր թիմեր կլինեն։ Իհարկե, Ռուսաստանը միշտ ուժեղագուններից է եղել, Ուկրաինան շատ լավ թիմ ունի, Չինաստանն, ԱՄՆ-ն։ Հնդկաստանը բավական աշխուժացել է վերջին ժամանակներս, Ադրբեջանի թիմն էլ է ուժեղ։ Բացի այդ, մրցանակային տեղերի համար կպայքարեն նաև Ֆրանսիայի և Իսրայելի հավաքականները։ Թեև այլ թիմեր էլ կարող են հաղթել ֆավորիտներին, ինչպես, օրինակ, աշխարհի առաջնությունում Հունաստանը, որը հաղթեց մեզ և Ռուսաստանին։ Չէ՞որ հաղթանակը միայն խաղային ուժով չի որոշվում։ Երբ թիմը դուրս է գալիս խաղի, նա բարձր մարտական ոգի պետք է ունենա, լավ մթնոլորտ թիմի ներսում։

Նովոստի-Արմենիա - Կարծիք կա, որ հայկական հավաքականի հաղթանակների գլխավոր պատճառներից մեկը վերջին օլիմպիադաներում ներթիմային հիանալի մթնոլորտն էր։ Ինչի՞ շնորհիվ հաջողվեց դրան հասնել։

Ս.Լպուտյան - Հիմնականում, իհարկե, բոլոր մարզիկները պետք է մարդկային բարձր այնպիսի որակներ ունենան, ինչպիք են զիջողականությունը, համբերությունը, հոգատարությունը, ընկերոջը զիջելու ընդունակությունը, միմյանց պաշտպանելու պատրաստակամությունը։ Այս ներքին կապն ու տրամադրությունը բոլորը զգում էին, և երբ այդ կապն ուժեղ է, մեր հայկական թիմը շատ ուժեղ է դառնում։ Մեզ միշտ դա լավ է հաջողվել։ Եվ թեև ասում են, որ հայերն ուժեղ չեն թիմային մրցումներում, շախմատն ապացուցում է հակառակը, ինչի շնորհիվ մենք 1992 թվականից շատ մեծ հաղթանակներ ենք ունեցել։ Իհարկե, վերջին վեց տարիները մեր հաղթանակների բարձրակետն էին, բայց սկսած 1992 թվականից՝ մենք միշտ լավ թիմ և բարձր ոգի ենք ունեցել։

Նովոստի-Արմենիա - Ողջ Հայաստանը մեր հավաքականի առաջատար Լևոն Արոնյանից աշխարհի չեմպիոնի տիտղոսի նվաճում է ակնկալում։ Բնութագրեք, խնդրեմ, Լևոնին, ի՞նչ է նրան անհրաժեշտ այդ բարձունքին հասնելու համար։

Ս.Լպուտյան - Լևոն Արոնյանն, առաջին հերթին, մարդկային բարձր որակներով օժտված անձ է։ Ես վստահ եմ, որ Արոնյանի գլխավորությամբ մենք դեռ շատ հաղթանակներ կտանենք։ Նա շատ տաղանդավոր է, բնատուր շնորհքով օժտված և եթե կարողանա անել այն, ինչ պահանջվում է և աշխատել ինքն իր վրա, ապա կարող է աշխարհի չեմպիոն դառնալ։ Անշուշտ, նա որոշ ժամանակ է կորցրել, շուտով նա 27 տարեկան կլինի, իսկ շախմատի համար սա բավականին հասուն տարիք է։ Ինձ թվում է, որ Լևոնն իր համար մի այնպիսի թիմ պետք է գտնի, որի հետ կարող է աշխատել այդ նպատակին հասնելու համար, քանի որ աշխարհի չեմպիոնի տիտղոսի համար պայքարը շատ բարդ և դժվարին գործընթաց է, որի ժամանակ շախմատիստին մեծ օգնություն է պետք: Ֆեդերացիան միշտ պատրաստ է օժանդակել նրան, ներկայումս նա թիմ ունի, որի հետ աշխատում է, բայց կարծում եմ, որ թիմը պետք է հզորացնել տիտղոսի համար պայքարի նպատակով։ Նրան պետք է գտնել այն մարդկանց, ովքեր նրան օգտակար կլինեն այդ դժվար ճանապարհին, քանի որ բոլոր չեմպիոնները հաջողության են հասել շնորհիվ երկար տարիների քրտնաջան աշխատանքի։

Նովոստի-Արմենիա - Ո՞վ կլինի Լևոնի հիմնական մրցակիցը շախմատային թագի համար պայքարում։

Ս.Լպուտյան - Կրամնիկը վերջին ժամանակներս շատ լավ խաղ է ցույց տալիս, նրա ոճը փոխվել է, ավելի ակտիվ է դարձել։ Եթե ավելի վաղ նա շատ ուժեղ դիրքային խաղացող էր, ապա այժմ նաև ակտիվություն է հայտնվել։ Անանդը ավելի ստվերում է հիմա, ցույց չի տալիս իր ներուժը, պահում է իր ուժերը տիտղոսի պաշտպանության համար և պատրաստվում է Տոպալովի հետ խաղին։ Կարծում եմ, այդ խաղում էլ նա կդրևսորի իրեն, ինչպես Կրամնիկի հետ խաղում։ Մագնուս Կառլսենը երիտասարդ է, նպատակասլաց, ինչի մասին ես արդեն ասել եմ, և ուղղում է իր ողջ էներգիան աշխարհի չեմպիոնի տիտղոսի նվաճմանը։ Կան նաև Տոպալովը, Նակամուրան ԱՄՆ-ից՝ երիտասարդ, շատ տաղանդավոր շախմատիստ։ Կարյակինն, ասում են, լավն է, բայց առայժմ ես չեմ տեսնում նրա այդ ուժը։ Կա նաև 15-ամյա Կյուրուշին, ով արդեն հայտ է ներկայացնում, իհարկե, ոչ այժմ, բայց ապագայում՝ հաստատ։ Ադրբեջանցի շախմատիստներն էլ շատ լավն են, բայց նրանց առայժմ չեմ տեսնում շախմատային պսակի համար պայքարում։ Իմ կարծիքով՝ աշխարհի չեմպիոնի կոչման ֆավորտիներն են Կատռլսենը, Արոնյանը, գումարած, իհարկե, Կրամնիկը, Անանդը և Տոպալովը։

Նովոստի-Արմենիա - Որո՞նք են ֆեդերացիայի ծրագրերը 2010 թվականի համար։

Ս.Լպուտյան - Այս տարի նշվում է Հենրիկ Գասպարյանի 100-ամյա հոբելյանը։ Մեկ միջոցառում մենք արդեն անցկացրել ենք շախմատի ակադեմիայում Երևանի և մարզերի 340 երեխաների մասնակցությամբ։ Գիրք է հրատարակվել, նամականիշ է մարվել՝ բոլորը նվիրված Գասպարյանին։ Նաև անցկացվեց Հայաստանի էտյուդների չեմպիոնատ, իսկ ներկայումս ավարտվում է էտյուդի միջազգային մրցաշարը։

Հունիսի 23-ից հուլիսի 5-ը Հայաստանում կանցկացվի ՖԻԴԵ-ի կանանց Գրան-պրիի փուլը, ինչպես նաև Ջերմուկի միջազգային մանկապատանեկան ավանդական մրցաշարը, աշնանը՝ Կարեն Ասրյանի հիշատակի մրցաշարը և, հնարավոր է, Մարտունիի ավանդական մրցաշարը։

Բացի այդ, օգոստոսի 15-23-ը կանցկացվի շախմատի օլիմպիադա Հայաստանի և սփյուռքի թիմերի միջև։ Սա կլինի առաջին համահայկական օլիմպիադան, որը կկազմակերպեն Շախմատի ֆեդերացիան և Սփյուռքի նախարարությունը։ -0-

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։