480.39
+0.17
536.6
+0.48
8.07
+0.03
+22
Եղանակը Երևանում
Հայ
Գերտերությունները կհակազդեն Թուրքիայի՝ տարածաշրջանում գերակա դիրք զբաղեցնելու փորձերին
12:34
26 Փետրվարի 2010

Գերտերությունները կհակազդեն մերձարևելյան և կովկասյան տարածաշրջաններում գերակա դիրք զբաղեցնելու Թուրքիայի փորձերին, կարծում է Հայաստանի Դեմոկրատական կուսակցության նախագահ Արամ Սարգսյանը:

«Միջազգային ասպարեզում Թուրքիայի դերն ու նրա ակտիվությունը վերջերս զգալիորեն բարձրացել են, քանի որ Թուրքիան փոխել է իր արտաքին-քաղաքական ուղղվածությունն ու փորձում է տարածաշրջանում ինքնուրույն խաղացող դառնալ», - հինգշաբթի «Նովոստի-Արմենիա» գործակալությանը հայտնեց Դեմկուսի նախագահը:

Սարգսյանի կարծիքով, հնարավոր է, որ Թուրքիայի նման պահվածքը կապված է թուրքական համերաշխության գաղափարի իրագործման ցանկության հետ, ինչը չի կարող մտահոգություն չառաջացնել ԱՄՆ-ի, Եվրոպայի, այդ թվում նաև Ռուսաստանի շրջանում, քանի որ Թուրքիան բացեիբաց ցուցադրում է Մերձավոր Արևելքի և Ղարաբաղի խնդիրների լուծման գործում միջնորդի բարձրագույն դերը զբաղեցնելու իր ձգտումները:

Նա նաև նշեց, որ չնայած Իրանը բավականին սառն է վերաբերվում տարածաշրջանում գերակա դիրք զբաղեցնելու Թուրքիայի ձգտմանը, այնուամենայնիվ, Իրան-Թուրքիա հնարավոր տանդեմը կարող է լուրջ ուժ դառնալ և ամբողջովին փոխել տարածաշրջանի աշխարհաքաղաքական դաշտը, ինչը չի համապատասխանում գերտերությունների նպատակներին:

Սարգսյանն ընդգծեց, որ այս ֆոնի ներքո իրական տարաձայնություն է առկա արևմտյան և մահմեդական աշխարհի միջև, իսկ թուրքական համերաշխության գաղափարը, բնականաբար, ուղղակի սպառնալիք է Արևմուտքի համար, որը փորձում է խախտել այդ միությունը:

Դեմկուսի նախագահը կարծում է, որ Թուրքիայում տիրող անբարենպաստ ներքաղաքական իրավիճակի ֆոնի ներքո՝ այդ երկրում մոտ ժամանակներում հնարավոր է իրադարձությունների զարգացման երեք սցենար:

Առաջին հերթին, կուսակցության առաջնորդի խոսքերով, մեծ է ռազմական հեղաշրջման հավանականությունը՝ հաշվի առնելով Թուրքիայի ռազմական և քաղաքական ղեկավարությունների միջև գոյություն ունեցող լուրջ տարաձայնությունները, և դա արդեն հաստատվում է կոնկրետ փաստերով: «Քաղաքական ղեկավարության կողմից բանակի վրա, մասնավորապես՝ ռազմածովային նավատորմի վրա իրականացված հարձակումները մտահոգության առիթ են տալիս Թուրքիայի ռազմական շրջանակներում: Իսկ աշխարհիկ պետության ձևավորման հռչակված սկզբունքներից իշխող ռեժիմի հեռացումը ևս թեժացնում է դրությունը», - նշեց նա:

Բացի այդ, Դեմկուսի նախագահը կարծում է, որ արտաքին-քաղաքական ուղղվածության փոփոխությունը, Թուրքիայի անկախ վարքն ու Եվրամիություն մտնելու հարցի նկատմամբ նրա ցուցադրական անտարբերությունը, միգուցե, հրահրեցին գերտերություններին Թուրքիան մասնատելու փորձ կատարել, ստեղծել անկախ Քրդստան և նույնիսկ Արևմտյան Հայաստան:

Սարգսյանը նշեց, որ նման գաղափար են արտահայտել ոչ միայն հայկական աղբյուրները, այլև անգլիական հեղինակավոր ամսագրերից մեկը, որը հայտարարել է, որ դա անհրաժեշտ է անել Պարսից ծոցի գոտի և դեպի Արևելք դուրս գալու տարանցիկ ուղիների անվտանգությունն ապահովելու համար:

Միաժամանակ կուսակցության նախագահի կարծիքով, վերջին սցենարն այն է, որի դեպքում Թուրքիան ԱՄՆ-ի ճնշման տակ կվավերացնի հայ-թուրքական արձանագրությունները՝ ենթարկվելով համաշխարհային հանրության պահանջներին: Այդ դեպքում Անկարան ստիպված կլինի հաշտվել որոշակի սահմանափակումների հետ, որոնք վերաբերում են մերձարևելյան և կովկասյան տարածաշրջաններում գերակա դեր ունենալու նրա պահանջներին:

Դեմկուսի առաջնորդն ընդգծեց, որ ստեղծված իրավիճակը մանրամասն վերլուծություն է պահանջում հայկական քաղաքական վերնախավի կողմից, քանի որ դրանից է կախված, թե ինչպիսին կլինի աշխարհաքաղաքական դասավորվածությունը մոտակա տասը տարվա ընթացքում:-0-

Loading...
Թեմատիկ նյութեր
Բաժնի այլ նյութեր
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։