486.78
-0.64
574.01
+0.22
8.17
+0.03
+7
Եղանակը Երևանում
Հայ
Մեր երկիրը Հարավային Կովկասում տեղի ունեցող բարդ գործընթացների կենտրոնում է. Արմեն Սմբատյան
17:52
23 Սեպտեմբերի 2009

Հայաստանի Անկախության օրվա կապակցությամբ Ռուսաստանի Դաշնությունում ՀՀ արտակարգ և լիազոր դեսպան Արմեն Սմբատյանը բացառիկ հարցազրույց է տվել «ՌԻԱ Նովոստի» գործակալությանը

- Պրն Սմբատյան, թույլ տվեք, առաջին հերթին, շնորհավորել ձեզ պետական տոնի՝ Անկախության օրվա առթիվ: Ձեր կարծիքով, այս տարվա ո՞ր իրադարձություններն էին առավել էական ձեր երկրի համար:

- Ճիշտն ասած, այս տարին Հայաստանի համար շատ հագեցած էր, լի ինչպես քաղաքական, այնպես էլ տնտեսական և հումանիտար իրադարձություններով: Հարավային Կովկասում 2008թ.-ի օգոստոսին տեղի ունեցած հայտնի իրադարձություններից հետո տարածաշրջանի գործընթացների սովորական դինամիկան արմատապես փոխվեց: Փաստորեն, դա տեղի ունեցավ, ինչպես կարելի է արդեն այսօր պնդել, աշխարհաքաղաքական բնույթի գլոբալ փոփոխությունների շրջանակներում:

Անհրաժեշտ է նշել հայ-թուրքական հարաբերություններում տեղ գտած առաջընթացը, ղարաբաղյան բանակցային գործընթացի կայուն զարգացումը, ՌԴ նախագահի այցը Հայաստան, մեր պետությունների ղեկավարների կանոնավոր հանդիպումները: Համակարգային համատեքստում Հայաստանի համար հատուկ նշանակություն ունի ուղղվածության փոփոխությունը ռուս-ամերիկյան հարաբերությունների զարգացման գործում: Հումանիտար ոլորտում հիշվել է Երևանում մաեստրո Գրիգորովիչի կողմից «Սպարտակ» բալետի բեմականացումը և այն, որ Հայաստանի շախմատի հավաքականը երկրորդ անգամ անընդմեջ դարձավ Օլիմպիական չեմպիոն, ինչպես նաև ուրախացնող և հուսադրող մի շարք այլ իրադարձություններ:

- Ռուսաստանն ու Հայաստանը ռազմավարական գործընկերն են, մեր երկու ժողովուրդներին միավորում է բազմադարյա փոխադարձ համակրանքը: Իսկ ի՞նչ կարող էիք ընդգծել տնտեսական համագործակցության ոլորտում, և այստեղ ի՞նչ ներուժ դեռ մինչև վերջ գործարկված չէ:

- Իրոք, Ռուսաստանը բազմաթիվ տարիների ընթացքում մեր գլխավոր տնտեսական գործընկերն է: Հատկանշական է, որ մեր երկրների միջև փոխադարձ ապրանքաշրջանառության ոլորտում միլիարդ դոլարային սահմանը նվաճվել և գերազանցվել է ճգնաժամից շատ ավելի շուտ: Ապրանքաշրջանառության ծավալի հետագա ավելացման ակնհայտ և որոշիչ սահմանափակումը, բացի ճգնաժամից, մեր երկրների միջև տրանսպորտային հաղորդակցության հնարավորությունների սահմանափակումներն են:

Փաստորեն, Հայաստանից դեպի Ռուսաստան ապրանքների տեղաշարժման միակ ուղին անցնում է Վրաստանի տարածքով, ում հետ Ռուսաստանը, ցավոք, լուրջ և դեռևս չլուծված խնդիրներ ունի, որն արտացոլվում է ինչպես լակմուսային ինդիկատոր Հայաստանի տնտեսական իրավիճակում: Տրանսպորտային հաղորդակցության հետ կապված խնդիրների լուծման դեպքում մեր երկիրը կարող է առավել գրավիչ դառնալ ռուսական (և ոչ միայն ռուսական) կապիտալի համար: Հաշվի առնելով այս հանգամանքը՝ Հայաստանը նախատեսում է որոշակի հեռանկարներ նաև հայ-թուրքական բանակցային գործընթացի հետ կապված:

- Ռուսական որոշ շրջանակներում մտավախություն կա, թե նշմարվող հայ-թուրքական մերձեցումը կարող է ուղղված լինել տարածաշրջանում Ռուսաստանի շահերի դեմ: Ի՞նչ կարող եք ասել այս կապակցությամբ:

- Ինձ հայտնի են այդ մտավախությունները, և ես ցանկանում եմ միանգամից պարզություն մտցնել: Մեր երկրների միջև ռազմավարական գործընկերությունն ու երկարաժամկետ համագործակցությունը, որը ձևավորվել է մեր ժողովուրդների միջև բազմադարյա բարեկամության հիման վրա և հանդիսանում է դրա բնականոն շարունակությունը, վաղուց ապացուցել են իրենց անհրաժեշտությունը, ամրությունը, արդյունավետությունն ու օգտակարությունը:

Կարող եմ պատասխանատու կերպով հավաստիացնել, որ հայ-թուրքական բանակցային գործընթացն ուղղված չէ որևէ երրորդ կողմի դեմ, առավել ևս՝ Ռուսաստանի դեմ: Զուր չէ, որ ռուսական կողմը՝ վարչապետ Պուտինն ու ՌԴ ԱԳ նախարար Լավրովը, ողջունել են այդ մերձեցումը, Ռուսաստանը ևս սերտ քաղաքական և տնտեսական հարաբերություններ է զարգացնում Թուրքիայի հետ:

- Հայաստանը Հավաքական անվտանգության պայմանագրի կազմակերպության ակտիվ մասնակիցն է: Ինչպիսի՞ սպառնալիքներ են այսօր առավել իրատեսական ձեր հանրապետության համար:

- Մեզ համար ՀԱՊԿ-ին մասնակցելը ելնում է կենսական կարևորություն ունեցող շահերից: Մենք չենք մոռանում, որ մինչ այժմ ղարաբաղյան հակամարտության զինադադարը չի ստացել պատշաճ իրավաբանական կարգավիճակ այն պայմաններում, երբ Ադրբեջանը շարունակում է ավելի լավ, ավելի դրական կիրառման արժանի համառությամբ հնչեցնել սեփական խնդիրները ռազմական ուղով լուծելու մտադրությունները: Բացի այդ, մենք ՀԱՊԿ-ի գործունեությունն ու այդ կազմակերպությունում մեր մասնակցությունը գնահատում ենք որպես Հայաստանի անվտանգության մակարդակի բարձրացման կարևոր բաղադրիչ՝ ահաբեկչության և թմրաբիզնեսի տարածման դեմ պայքարի տեսակետից:

- Հոկտեմբերի վերջին «ՌԻԱ Նովոստին» Կովկասյան գիտագործնական խորհրդաժողով է անցկացնում Ռուսաստանի, Հայաստանի, Ադրբեջանի, Վրաստանի գիտնականների, քաղաքագետների, հասարակական գործիչների, ԶԼՄ-ների ոլորտում մասնագետների մասնակցությամբ: Սա արդեն թվով չորրորդ խորհրդաժողովն է, որն, ըստ ավանդույթի, ընդունում է հյուրընկալ Երևանը: Ո՞րն է փորձագիտական և լրագրողական միության ներկայացուցիչների դերը Հարավային Կովկասում քաղաքականկայունության և քաղաքացիական խաղաղության ամրապնդման գործում:

- Ցանկանում են ողջունել այս արդիական խորհրդաժողովի անցկացման ձեր նախաձեռնությունը և շնորհակալություն հայտնել «ՌԻԱ Նովոստիի» ողջ կոլեկտիվին՝ այս ուղղությամբ իրականացվող աշխատանքի համար: Ես հետևում եմ այդ գործընթացին և կարող եմ նշել, որ այն արդեն, ակնհայտորեն, տալիս է իր դրական քաղաքական արդյունքները: Շնորհիվ նման միջոցառումների՝ հայկական հասարակությունն իրազեկվում է Հարավային Կովկասում գործընթացի վերաբերյալ կարծիքների ողջ շրջանակի մասին:-0-

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։