486.78
-0.64
574.01
+0.22
8.17
+0.03
+4
Եղանակը Երևանում
Հայ
Աշոտ Ջազոյան. Քիփլինգին հակառակ Արևելքն ու Արևմուտքը կմիավորվեն
15:16
13 Օգոստոսի 2009

Աշխարհի լավագույն թանգարաններից մեկի՝ Սանկտ Պետերբուրգի Էրմիտաժի մասին սեփական լուսանկարչական և հեռուստատեսային ռեպորտաժներ ստեղծելու հնարավորություն կստանա 300 երիտասարդ լրագրող՝ հետխորհրդային տարածաշրջանից: Նման ակցիան հնարավոր կդառնա Եվրոպայի և հետխորհրդային տարածաշրջանի երիտասարդ լրագրողների՝ հոկտեմբերի կեսերին նախատեսված «Մշակույթների երկխոսություն» համաժողովի շրջանակներում: Ֆորումի հիմնադիրներից ու տեղեկատվական հովանավորներից մեկը «ՌԻԱ Նովոստին» է, որը ժամանակակից տեղեկատվական լրագրության ամենաառաջատար չափանիշներով աշխատանքի հսկայական փորձ է կուտակել ԱՊՀ և Բալթյան երկրներում: Այն մասին, թե քննարկման ինչ թեմաներ կմիավորեն տարբեր երկրների լրագրողական հանրություններն այս անգամ, ՌԻԱ Նովոստիին տված հարցազրույցում ասաց Լրագրողական միությունների միջազգային համադաշնության գլխավոր քարտուղար Աշոտ Ջազոյանը:   

- Ինչո՞ւ է հենց Պետական Էրմիտաժն ընտրվել որպես հերթական միջազգային հավաքի հրապարակ: Եվ ի՞նչ է «Մշակույթների երկխոսությունը». պրոֆեսիոնալներին միավորելու ձգտում, լրագրության մեջ նոր գաղափարների որոնում, թե՞ տարբերվողներին հավաքելու հերթական փորձ: 

- Երևի, այդ ամենը, բայց ոչ միայն դա: Մեր ֆորումը գաղափարների ու հետաքրքրությունների փոխանակման վայր է: Եվ երկխոսության փորձ հետխորհրդային տարածքում ու Եվրամիության միջև, որտեղ Ռուսաստանը հանդես է գալիս կամրջի դերում: Երկխոսության նոր ձևերը լրագրողական միջավայրում ինչ-որ ընդհանուր տեղեկատվական տարածության վերականգնման հաջող օրինակ են: Սա որոնում է, ստեղծագործություն մաքուր ձևով:

Կարելի է ասել, որ «Մշակույթների երկխոսությունը» փորձ է վերադառնալու նրան, ինչը մեզ մերձեցրել էր ոչ վաղ անցյալում և մերձեցնում է այժմ: Այն մտածված է և իրականացվում է, որպեսզի Արևելքն ու Արևմուտքը միավորվեն: Ճիշտ է, Քիփլինգը հաստատում էր, որ դա երբեք չի պատահի: Ռուսաստանի դեպքում դա արդեն պատմականորեն պատահել է: Քանի որ Ռուսաստանը և Եվրոպա է, և Ասիա, և Արևմուտք, և Արևելք:  

Քիփլինգին հակառակ մեր ֆորումը տարեցտարի ավելի նշանակալից իրադարձություն է դառնում հետխորհրդային տարածքի ու Եվրոպայի լրագրողական համայնքների կյանքում: Այս անգամ Ռուսաստանի հյուսիսային մայրաքաղաքում կհավաքվեն հիմնականում ՌԴ շրջանների, հետխորհրդային տարածքի, Արևելյան և Հին Եվրոպայի երկրների հեռուստառադիոընկերություններն ու Ինտերնետ-կայքերը ներկայացնող երիտասարդ լրագրողներ: Պետական Էրմիտաժի հետ համատեղ նրանց գումարում են «Եվրասիա Մեդիա-կենտրոնը», ՌԴ լրագրողների միությունը, Հեռուստատեսության և Ռադիոյի միջազգային ակադեմիան, «ՌԻԱ Նովոստի» միջազգային տեղեկատվության ռուսական գործակալությունը, ՄՊՀ Հեռուստատեսության բարձրագույն դպրոցը: Ֆորումը կանցկացվի Սանկտ Պետերբուրգի վարչական ղեկավարության և ՅՈՒՆԵՍԿՕ-ի աջակցությամբ: Վալենտինա Մատվիենկոն մասնակցելու և մեզ օգնելու ցանկություն է հայտնել: Հույս ունենք, որ աջակցություն կստանանք նաև ԱՊՀ երկրների հումանիտար համագործակցության հիմնադրամից և ՌԴ նախագահի օգնական Ջահան Պոլիևայից: 

Ինչո՞ւ Էրմիտաժը: Բանն այնն է, որ դա սրբազան վայր է: Այստեղ է հավաքված մարդկային քաղաքակրթության պատմամշակութային ժառանգության սերուցքը: Երբ մենք մի սրահից մյուսն ենք անցնում, մենք անցնում ենք ժամանակի, դարաշրջանների, տարբեր քաղաքակրթությունների մշակույթների շերտերով: Եվ մենք հավասարապես ընդունում ենք անտիկ աշխարհն ու Նիբելունգներին, Թիմուրի տարածությունն ու Վերածննդի դարաշրջանը, մեծ հոլանդացի ու մեծ ռուս վարպետներին: Եվ մեզ ամեն ինչ դուր է գալիս: Ահա ինչու այնտեղ. Էրմիտաժն իր էությամբ ու ոգով անընդհատ ուղղորդում է մեզ:       

Բացի այն, որ Էրմիտաժը աշխարհի ամենահազվագյուտ թանգարաններից մեկն է, այն հրապարակ է դառնում երկխոսության նոր ձևերի, լրագրության ոլորտում նոր գաղափարների ու կարծիքների փոխանակման համար: Եվ երիտասարդ լրագրողները կարող են փոխանցել Էրմիտաժի պատերի մեջ իրենց մեջ առաջացած զգացմունքը: Դա է նրանց առաքելությունը:  

-Ինչո՞ւ հենց երիտասարդները: Ի՞նչն է նրանց միավորում:

- Ինձ թվում է, սա արդեն փոքր-ինչ այլ մարդիկ են: Ամեն դեպքում, նրանց կարծիքը հենց նույն հետխորհրդայաին տարածքի, Եվրոպայի մասին այլ է: Նրանք Եվրոպան չեն ընկալում որպես ԵՄ, այլ որպես երկրներ, որտեղ իրենց հետաքրքիր է թափառել, որտեղ կարելի է աշխատանք գտնել: Նրանք այլ մտածելակերպ ունեն: Նրանք «սառը պատերազմի» վերապրուկներ չեն, նրանք ավլում են հին կարծրատիպերը, հին դոգմաները, որոնք կան ինչպես Եվրոպայում, այնպես էլ հետխորհրդային տարածությունում: Նորովի են ապրում, արգելապատնեշներից վեր: Իսկ միավորում է նրանց մի քանի լեզուների իմացությունը, զանգվածային լրատվության նոր տեխնոլոգիաները: Երբ մենք ասում ենք, որ ինտերնետի զարգացում է գնում, մենք նախևառաջ նկատի ունենք ոչ թե իմաստնացած պրոֆեսիոնալներին, հեռացող էությանը, այլ երիտասարդությանը:    

Եվ հետո չի բացառվում, որ ֆորումի ներկա մասնակիցներն արդեն մի քանի տարի անց Եվրասիայի տեղեկատվական տարածության առաջատարներ դառնան: Ինչու նրանք միմյանց հետ չխոսեն հիմա՝ պրոֆեսիոնալ կայացման սկզբում. Երիտասարդներն ավելի լավ են լսում ու տեսնում, չեն վախենում բաց դատողություններից ու հնարավոր սխալներից:

- Ի՞նչ թեմաներ կբարձրացվեն ֆորումի ժամանակ, ի՞նչ նախագծեր կդիտարկվեն:

- Ինքը՝ ֆորումը, կանցկացվի գործնական համաժողովի ձևով: Օրակարգը խոստանում է բազմազան ու ծավալուն լինել: Օրինակ, այսպիսի թեմա. «Հետխորհրդային տարածքն ու Եվրամիությունը. ապագայի սցենար, լրագրողների նոր սերունդ, երկխոսության նոր ձևեր»: Ծրագրերից մեկը, որը մենք մտածել ենք Պետական Էրմիտաժի տնօրեն Միխայիլ Պիոտրովսկու հետ, կկոչվի «Շարժական Էրմիտաժ»:    

Բոլոր մասնակիցներին, իսկ նրանք շուրջ 300-ը կլինեն, հնարավորություն կընձեռվի աշխատելու թանգարանի սրահներում, որպեսզի նրանք կարողանան տեսնել ու պրոֆեսիոնալ տեսախցիկում և բջջային հեռախոսում պատկերել իրենց Էրմիտաժը` աշխարհի մեծագույն թանգարաններից մեկի աչքին հասանելի ու անհասանելի գանձերը, որպեսզի հետո պատմեն իրենց ընկերներին: Իրենց աշխատանքները նրանք կուղարկեն մեզ՝ մրցույթին մասնակցելու համար, լավագույնները կարժանանան ժյուրիի ուշադրությանը: Իսկ հաղթողներին մենք ուզում ենք պարգևատրել Պետերբուրգի ուղեգրով՝ հնարավորություն տալով «սպիտակ գիշերների» մեկ շաբաթ անցկացնել Հյուսիսային Պալմիրայում:   

Երկրորդ թեման ենթասահմանային նախագծերի ստեղծումն է, որոնք կնպաստեն տարբեր երկրների լրագրողների երկխոսությանը: Այսպիսով, առաջին անգամ վերջին 20 տարում մենք հայտարարում ենք «Լավագույնը մասնագիտության մեջ» թեմայով միջազգային մրցույթ, որով մտադիր ենք հայտնաբերել հետխորհրդային տարածության լավագույն լրագրողին:

Մինչև ֆորումի սկսվելը մենք բոլոր երիտասարդ լրագրողների համար «Ես այստեղ ապրում եմ» ֆոտո և հեռուստաաշխատանքների մրցույթ ենք հայտարարել: Եվրասիայի լրագրողներից յուրաքանչյուրը կարող է այս թեմայով իր աշխատանքն ուղարկել: Ողջ սեպտեմբեր ամիսը կաշխատի ընտրական հանձնաժողովը, իսկ ֆորումի ընթացքում նախատեսվում է նոն-ստոպ ռեժիմով քննարկում, մինչև հայտնի կդառնան «լավագույն սյուժե», «լավագույն լուսանկար» անվանակարգերի հաղթողները: Այս մրցույթը կօգնի մասնակիցների աչքերով իմանալ, թե ինչպես են ապրում մարդիկ Եվրասիայի տարբեր երկրներում:

-Իսկ որո՞նք են չափորոշիչները:

-Միայն որակն ու տաղանդը: Ինձ թվում է՝ բոլոր մրցույթներում ցանկացած առաջադրված չափորոշիչ, շրջանակ, սահմանափակում ու ուղղություն անմիջապես հատուկ պատվեր է ստեղծում: Իսկ մենք ջանում ենք ամեն կերպ բացառել դա: Մենք երբեք չպետք է սահմանափակենք նկարչին ինչ-որ շրջանակներով:

Ընդհանրապես, ողջ համաժողովը նվիրված է մի մեծ հիմնախնդրի՝ ԶԼՄ-ներում առկա նորարարություններին ու արվեստին: Մեզ բոլորիս պետք են նոր մեդիա-նախագծեր: Որովհետև զանգվածային լրատվամիջոցներն արդեն զգում են ճգնաժամը: Գերմանիայում ամեն տարի 20, իսկ Անգլիայում 15 տոկոսվ նվազում են թերթերի տպաքանակները: Դրա փոխարեն մեծանում է Համացանցի դերն ու չափերը: Օրինակ, «Թայմս» օրաթերթի տպաքանակը 800 հազար է, իսկ դրա ինտերնետ-օգտվողների թիվը 800 հազար միլիոնի է հասնում:

Պետերբուրգի համաժողովին էլ կհավաքվեն լավագույն ինտերնետագործները, որպեսզի խոսեն ճգնաժամից դուրս գալու մասին: Դրան էլ կնվիրենք մեր նիստերից մեկը՝ «Մուլտիմեդիա, նոր ձևաչափ, երկխոսության նոր ձևեր» թեմայով: Բացի այդ, կքննարկվեն «Հետխորհրդային տարածքի և Եվրամության ԶԼՄ-ների կարծրատիպերը» թեման: Մենք ցանկանում ենք այս տարի Պետերբուրգ հրավիրել երկու երիտասարդ լրագրողի Ադրբեջանից և Հայաստանից, որպեսզի Էրմիտաժի պատերի ներսում նրանք խոսեն իրենց, այդ թվում և մեզ հուզող հարցերի շուրջ: 

Երիտասարդ լրագրողների համար իրենց վարպետության դասերը կանցկացնեն ժամանակից հեռուստալրագության հեղինակավոր դեմքերը, ինչպիսիք են Լև Նիկոլաևը, Անատոլի Լիսենկոն, Իգոր Շադխինը, Դարիգա Նազարբաևան:

Ահա այս ամենն էլ կլինի մշակույթների երկխոսությունը: Միաժամանակ մենք կստանանք մեր մայրցամաքի, հատկապես հետխորհրդային տարածքի ընթացքի ողջ իրական ներկապնակը:

-Երկխոսության մեջ իրար միացնողն այնուամենայնիվ ռուսերե՞նը կլինի:

-Ընդհանրապես համաժողովի աշխատանքային լեզուներն են ռուսերենն ու անգլերենը: Բայց, իհարկե, ավելի շատ դեպքերում՝ ռուսերենը: Թեպետ այստեղ դրված չէ այս կամ այն լեզվի կիրառումը: Ռուսաստանի այսօրվա երիտասարդությունը շատ լավ է տիրապետում նաև անգլերենին: Այ բոլորն ասում են՝ հսկայական է Ռուսաստանը, մեծամասամբ Ասիայում է գտնվում, ձեզ մոտ, իբր, աշխարհագրությունն ասիական է: Բայց չէ որ Խաբարովսկի կամ Նախոդկայի բնակիչը նույնքան եվրոպացի է, որքան Սանկտ Պետերբուրգի, Վարշավայի ու Բեռլինի բնակիչը:

Ռուսաստանն այն տարածքն է, որտեղ կորչում են աշխարհագրական հասկացությունները: Եվ այն, որ մենք ձգված ենք Բալթիկ ծովից մինչև Խաղաղ օվկիանոս, դեռ չի խոսում այն մասին, թե մենք ասիացիներ ենք: Նրանց մոտ չափազանց ուժեղ են ազգային ավանդույթները, բայց նրանք ապրում են եվրոպական կանոններով: Այնտեղ խորհդարանի եվրոպական մոդել է գործում, եվրոպական համակարգին են պատկանում հասարակական արժեքները:

- Կրկին «Մշակույթների երկխոսության» մասին: Լրագրությունը պատկանու՞մ է մշակույթի ոլորտին ու դրա խնդիրներին, թե այն, այնուամենայնիվ, քաղաքական գործիք է:

-Լրագրությունն, իհարկե, նաև քաղաքական գործիք է: Սակայն նրա խնդիրը ողջ աշխարհում տեղի ունեցածը նկատելն է, այն գրառելն ու անաչառ կերպով հանրությանը ներկայացնելը: Ամենակարևորն այն է, որ բացի պատասխանատվություն և հանրային նշանակություն բառերից, լրագրությունը տարբեր մշակույթներ է միավորում: Իր այս գործունեությամբ լրագրությունը շատ դեպքերում նոր մշակույթ է ձևավորում: Իսկ դա նշանակում է, որ այն համաշխարհային մշակույթի մշտապես նորացվող մասն է հանդիսանում:-0-

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։