477.88
-0.42
573.6
-0.5
8.31
+0.05
+16
Եղանակը Երևանում
Հայ
Թուրքիան պետք է քաղաքական կամք դրսևորի հայ-թուրքական սահմանի բացման հարցում
13:29
08 Հունիսի 2009

Տիկին Վարդանյան, ինչպե՞ս եք գնահատում հայ-թուրքական հարաբերությունների վերջին զարգացումները, ի՞նչ սպասումներ ունեք այդ կապակցությամբ։

Ա. Վարդանյան  - Ես ողջունում են երկկողմ հարաբերությունների կարգավորմանն ուղղված հայկական կողմի ձեռնարկած քայլերը։ Թուրքիան պետք է քաղաքական կամք դրսևորի և բացի սահմանները, քանի որ դա համապատասխանում է նրա շահերին։ Հարևան երկրների միջև փակ սահմանները, իմ կարծիքով, աննորմալ երևույթ է։ Ընդ որում, սահմանի բացումը չպետք է կապվի որևէ այլ քաղաքական հարցի, մասնավորապես՝ ղարաբաղյան հակամարտության կարգավորման գործընթացի հետ։

Թուրքիան սահմանի բացման հարցը կապում է ղարաբաղյան խնդրի հետ, քանի որ Ադրբեջանի դաշնակիցն է։ Սակայն Անկարան պետք է ցուցադրի Հայաստանի հետ հարաբերություններ կարգավորելու պատրաստակամության վերաբերյալ իր հայտարարությունների նկատմամբ հավատարմությունն ու չպետք է ենթարկի իր պետական շահերը Ադրբեջանի շահերին։

Սահմանների բացման հարցը չպետք է նաև կապվի Հայոց ցեղասպանության ճանաչման հարցի հետ։ Ես մտավախություններ չունեմ, որ հայ-թուրքական հարաբերությունների կարգավորումը երկրորդ պլան կմղի Ցեղասպանության ճանաչման հարցի առաջխաղացման գործընթացը։

Հնարավոր է՝ հայկական բնակչության մի մասը դեռ պատրաստ չէ Թուրքիայի հետ հարաբերությունների կարգավորմանը, սակայն պետական շահերն առաջնահերթությունների շրջանում պետք է առաջին տեղում դասվեն։ Հարաբերությունների կարգավորումը բարդ և երկար գործընթաց է, սակայն խնդիրը պետք է լուծվի, առաջին հերթին՝ Հայաստանի և Թուրքիայի միջև բանակցությունների, փոխայցելությունների և հանդիպումների միջոցով։

«Նովոստի-Արմենիա» - ԱՄՆ նախագահ Բարաք Օբաման առաջարկել է նվազեցնել Հայաստանին տրամադրվող ֆինանսական օգնության ծավալները, իսկ Ադրբեջանինը, հակառակը, ավելացնել։ Արդյո՞ք դա չի հանգեցնի տարածաշրջանում ուժերի հաշվեկշռի խախտման։ Ինչպիսի՞ միջոցներ է ձեռնարկում հայկական լոբբին նման որոշումը թույլ չտալու համար։

Ա. Վարդանյան  - Իսկապես, մեզ համար անսպասելի էր, որ նախագահ Օբաման առաջարկել է 2010 թ.-ին նվազեցնել Հայաստանին տրամադրվող ֆինանսավորման միջոցները՝ հասցնելով դրանք 30 միլիոն դոլարի՝ 2009 թ.-ին նախատեսված 48 միլիոնի դիմաց։ Ընդ որում, որպես ռազմական օգնություն՝ երկրին կտրամադրվի 4 միլիոն դոլար, իսկ Ադրբեջանին՝ 5 միլիոն դոլար։

Դա, իհարկե, սպառնում է խախտել Հարավային Կովկասի ռազմական հավասարությունը։ Հատկապես հաշվի առնելով այն, որ Ադրբեջանը մշտապես ռազմատենչ հայտարարություններ է հնչեցնում։ Մենք նույնիսկ ծրագրում էինք հասնել նրան, որ Ադրբեջանը, որպես պոտենցիալ ագրեսոր, չստանա ռազմական օգնություն ԱՄՆ-ից՝ հաշվի առնելով ռազմատենչ հայտարարությունները։

Խոսքը մեծ գումարների մասին չէ։ Այստեղ ավելի կարևոր է հոգեբանական կողմը, քանի որ մի երկրին տրամադրվելիք օգնության ծավալի ավելացումը կարող է դիտարկվել որպես գործելու ազդանշան։

Հայկական լոբբին պետք է ակտիվ աշխատի, որպեսզի օգնությունը հավասար լինի։ Բացի այդ, մենք պետք է աշխատենք այն ուղղությամբ, որպեսզի Լեռնային Ղարաբաղը ևս ներառվի բյուջեի մեջ՝ հաշվի առնելով այն, որ բյուջեի նախագծում ԼՂՀ-ի մասին չի հիշատակվում։ Մեր կարծիքով՝ Ղարաբաղը, հատկապես, հումանիտար օգնության կարիք ունի։

«Նովոստի-Արմենիա» - Ո՞ր փուլում է ԱՄՆ-ի Կոնգրեսում Հայոց ցեղասպանության ճանաչման վերաբերյալ նոր բանաձևի առաջխաղացումը։ Քանի՞ կոնգրեսական է արդեն միացել բանաձևին, ի՞նչ ակնկալիքներ կան։

Ա. Վարդանյան – Այս պահի դրությամբ թիվ 252 բանաձևին արդեն աջակցել է 125 կոնգրեսական։ Մենք ԱՄՆ հայկական համայնքի հետ շարունակում ենք այդ բանաձևի առաջխաղացմանն ուղղված աշխատանքը, աշխատում ենք համայնքների հետ, հուշում ենք, թե ինչպես նրանք կարող են ազդել իրենց համայնքը ներկայացնող կոնգրեսականների վրա։ Դեռևս հայտնի չէ, թե կներառվի՞, արդյոք, բանաձևը Ներկայացուցիչների պալատի օրակարգի մեջ, սակայն կարծում եմ, որ վաղ թե ուշ դա տեղի կունենա։

Կարծիք կար, որ երբ ապրիլի 24-ի իր ուղերձում նախագահ Օբաման 1915 թ.-ի իրադարձությունները «ցեղասպանության» չանվանեց, ապա կոնգրեսականները ձեռնպահ կմնան բանաձևին աջակցելուց, սակայն այդ մտավախություններն անհիմն էին, և կոնգրեսականները շարունակում են հայտարարել իրենց աջակցության մասին։

«Նովոստի-Արմենիա» - Ո՞ր փուլում է գտնվում Վաշինգտոնում Ցեղասպանության թանգարան-ինստիտուտի շինարարությունը։

Ա. Վարդանյան – Աշխատանքներն ակտիվորեն շարունակվում են։ Թանգարանը տեղակայվելու է Սպիտակ տան անմիջական հարևանությամբ։ Ցեղասպանության թանգարան-ինստիտուտը միայն հայերի համար չէ լինելու, քանի որ մենք գիտենք մեր պատմությունը՝ ի տարբերություն ամերիկացիների և երկրի հյուրերի։ Թանգարանի ցուցանմուշները ձևավորելիս՝ կկիրառվեն նորագույն տեխնոլոգիաները, ինչպես աշխարհի բոլոր առաջատար թանգարաններում։ Թանգարանի կառուցումը ֆինանսավորում են տարբեր կազմակերպություններ և հովանավորներ։

Թանգարանի նպատակն է գրավել ամերիկացիների և օտարերկրացիների, հատկապես երիատարդ սերնդի հետաքրքրությունը ցեղասպանությունների նկատմամբ։ Այդ պատճառով շեշտը դրվելու է ոչ միայն Հայոց ցեղասպանության, այլև «ցեղասպանություն» հասկացության վրա ընդհանուր առմամբ։ Չէ՞ որ աշխարհում մինչ օրս տեղի են ունենում ցեղասպանություններ, և դրանց մեղավորները մնում են անպատիժ։ Թանգարանը գտնվելու է Վաշինգտոնի ամենաաշխույժ մասերից մեկում՝ որքան հնարավոր է շատ թվով մարդկանց ուշադրությունը գրավելու համար։

«Նովոստի-Արմենիա»  - Ինչպե՞ս է Ամերիկայի հայկական համագումարը համագործակցում Ամերիկայի հայկական ազգային համագումարի հետ։ Տարաձայնություններ կա՞ն նրանց միջև, թե՞ ուղղակի մրցակցություն է։

Ա. Վարդանյան – Մրցակցութան մասին խոսելու առիթ չկա։ ԱՀՀ-ն և ԱՀԱՀ-ն լոբբիստական կազմակերպություններ են, սակայն նրանցից յուրաքանչյուրն ունի իր ձևաչափը, իր մեթոդներն ու լիազորությունները։ Երկու կազմակերպությունների միջև գոյություն ունեցող հիմնական տարբերությունն այն է, որ ԱՀԱՀ-ն իրավունք ունի զբաղվել քաղաքականությամբ, իսկ ԱՀՀ-ն նման իրավունք չունի։

Մենք, անխոս, համագործակցում ենք, քանի որ մեր նպատակն ընդհանուր է՝ աշխատել ի բարօրություն Հայաստանի և հայ ժողովրդի, վերականգնել պատմական արդարությունը։ Տարբերվում են միայն նպատակին հասնելու ուղիները։ Միաժամանակ, անհրաժեշտ է նշել, որ տարբեր մոտեցումները միայն ամրապնդում են հայկական լոբբիի դիրքորոշումները, քանի որ յուրաքանչյուր կազմակերպություն ունի իր կապերը, լծակների իր զինարանը, իր ներուժը։ Որքան շատ ջանք գործադրվի ընդհանուր գործի մեջ, այդքան շատ այն դրանից կշահի։-0-

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։