482.26
+0.64
516.89
-1.62
7.57
+0.02
+1
Եղանակը Երևանում
Հայ
ԿԱՅԾԱԿ ՀՐԱՏԱՊ. ողբերգական ավտովթար Սյունիքի մարզում. ավտովթարի է ենթարկվել ՀՀ պաշտպանության նախարարի ավտոմեքենան
Հայ երիտասարդությունն ինքնադրսևորման ավելի մեծ հնարավորություններ է ձեռք բերել
18:17
17 Փետրվարի 2009

Որտե՞ղ և ե՞րբ կանցկացվի «Բազե-2009» համահայկական երիտասարդական հավաքը։ Ինչպիսի՞ նոր նախագծեր և ծրագրեր են նախատեսվում հավաքի շրջանակներում։

Ա.Սողոմոնյան. Այս տարվա հուլիսիս կեսին կանցկացվի «Բազե» հավաքի հոբելյանական՝ տասներորդ հավաքը, այդ իսկ պատճառով մենք մանրամասն նախապատրաստվում ենք դրան։ Համահայկական երիտասարդական հիմնադրամն  առայժմ չի որոշել «Բազե-2009»-ի անցկացման վայրը, և այժմ մենք մի քանի տարբերակներ ենք քննարկում։ Վերջնական որոշումը կընդունվի մարտին։ Ինչ վերաբերում է ծրագրին, ապա կարող եմ հավաստիացնել, որ այն շատ հետաքրքիր, անակնկալներով և նորարարություններով հագեցած կլինի։ Կազմկոմիտեն արդեն աշխատում է այդ ուղղությամբ։

Մեր կարևոր նախագծերից մեկը, որին մենք մեծ նշանակություն ենք տալիս, «Բազե» ակումբի ստեղծումն է։ Ակումբը կբացվի երիտասարդական հիմնադրամի շենքում և կմիացնի «Բազե»-ի տարբեր տարիքի մասնակիցներին՝ միավորելով նրանց «Բազեի» գաղափարի շուրջ։ Ակումբի հանդիսավոր բացումը նախատեսվում է անցկացնել փետրվարի երկրորդ տասնօրյակի վերջում։

Ակումբում նախատեսվում է անցկացնել երիտասարդների զանազան խնդիրների քննարկումներ, ինչի հիման վրա կմշակվեն կոնկրետ առաջարկություններ և կուղղվեն համապատասխան պետական անձանց քննարկմանը։ Այստեղ կանցկացվեն նաև մշակութային, ինտելեկտուալ, մարզային տարբեր միջոցառումներ «Բազե» ձևաչափով։ Դրանց կարող են մասնակցել «Բազե»-ի ինչպես երիտասարդ, այնպես էլ այլ տարիքային խմբի ներկայացուցիչներ։ Երիտասարդական առաջին հավաքից յոթ տարի է անցել, և շատ նախկին մասնակիցներ արդեն այդքան էլ երիտասարդ չեն, բայց երիտասարդ են հոգով։ Սրանով տվյալ միջոցառումները կտարբերվեն ամենամյա հավաքներից, որտեղ մասնակիցների տարիքը սահմանափակվում է 30 տարեկանով։

Կթարմացվի նաև www.baze.am կայքը, որը նույնպես կծառայի «Բազե»-ի մասնակիցների միջև կապերի ստեղծման և ամրապնդման գործին։ Այստեղ «Բազե»-ի տարբեր տարիքի մասնակիցները կարող են գրանցվել և կիսել իրենց մասնագիտական հաջողությունները։

«Նովոստի-Արմենիա». Ի՞նչ սկզբունքով են ձևավորվելու «Բազե-2009»-ի ջոկատները։

Ա.Սողոմոնյան. Ինչպես և նախորդ հավաքներին, ջոկատները ձևավորելու են հանրապետական բուհերի ուսանողները, սփյուռքի երիտասարդությունը և երիտասարդական հասարակական կազմակերպությունները։ Ինչպես միշտ, յուրահատուկ ակտիվություն է ցուցաբերում սփյուռքահայությունը։ Օրինակ, վերջերս մեզ հետ կապվեցին Հոլանդիայի հայ համայնքի երիտասարդական կազմակերպության ներկայացուցիչները և հայտնեցին, որ ցանկանում են մասնակցել «Բազե-2009»-ին 30 հոգանոց կազմով («Բազե-2008»-ի յուրաքնաչյուր ջոկատ բաղկացած էր 9 հոգուց)։ Մենք որևէ սահմանափակումներ չենք դնում սփյուռքահայերի մասկանցության համար, բայց գլխավոր պայմանն է, որ մասնակիցները պետք է համապատասխանեն ծրագրի մրցույթների պահաջներին։ Այդ հարցում բոլոր մասնակիցների համար միևնույն պահանջներն են։

«Նովոստի-Արմենիա». Համաշխարհային տնտեսական ճգնաժամն ազդել է՞ արդյոք «Բազե-2009»-ի ֆինանսավորման վրա։

Ա.Սողոմոնյան. «Բազե»-ն պետական ծրագիր է, և դրա ֆինանսավորումը պետական բյուջեում առանձին տողով նշված է որպես համահայկական ծրագիր։ «Բազե»-ի անցկացմանն այս տարի նույնքան գումար է տրամադրվել, որքան նախորդ տարի՝ 60 մլն դրամ։

Եթե ճգնաժամն ուժեղ արտահայտվի պետության վրա, ապա կարող է ազդել նաև երիտասարդական ծրագրերի ֆինանսավորման վրա։ Սակայն հույս ունեմ, որ դա տեղի չի ունենա, և մենք կկարողանանք ողջ ծավալով իրականացնել հոբելյանական հավաքի հետ կապված մեր բոլոր մտահղացումները։

Բացի այդ, Համահայկական երիտասարդական հիմնադրամը անհրաժեշտության դեպքում իր կողմից գումար է ներդնում հավաքների անցկացման համար։ Օրինակ, անցյալ տարի, բացի բյուջետային միջոցներից, հիմնադրամը «Բազե-2008»-ի անցկացման նպատակով ծախսեց 10 մլն դրամ։

Ինչ վերաբերում է մասնակիցների թվին, ապա հույս ունենք, որ այս տարի այն չի զիջի նախորդ տարվա հավաքին, որին մասնակցում էր 680 մարդ։ Նրանցից 600-ը ջոկատների անդամներ էին, մնացածը՝ ժյուրիի, կազմկոմիտեի անդամներ, ԶԼՄ ներկայացուցիչներ։

 «Նովոստի-Արմենիա». Որպես «Բազեի» ակունքների մոտ կանգնած և այս յոթ տարիների ընթացքում երիտասարդության հետ շփվող մարդ, ի՞նչ եք կարծում, այս տարիների ընթացքում փոխվե՞լ է արդյոք հայ երիտասարդությունը։

Ա.Սողոմոնյան. Ցանկացած ժամանակ ինքն է թելադրում վարքի կանոնները, և երիտասարդությունը, լինելով հասարակության ամենազգայուն հատվածը, յուրովի է ընկալում այդ ազդակները։

Ընդհանուր առմամբ, ներկայիս երիտասարդությունը ապակենտրոնացված է։ Եթե համեմատենք ներկայիս իրավիճակը տասնամյա վաղեմության դեպքերի հետ, ապա, անշուշտ, ժամանակակից երիտասարդությունն ավելի մեծ հնարավորություններ ունի ինքնադրսևորման համար։ Ներկայում ավելացել է ակումբների, հասարակական կազմակերպությունների, տարբեր կուսակցությունների երիտասարդական թևերի թիվը, և երիտասարդությունն ունի հնարավորություն ընտրելու, թե որ ուղով գնա։

Անգամ վիճակագրության տեսանկյունից, եթե նախկինում Հայաստանում գոյություն ուներ 50 հասարակական կազմակերպություն, ապա այսօր դրանց թիվը հասնում է հինգ հարյուրի։ Այլ բան է, թե դրանցից քանիսն են գործում, բայց թիվն ինքնին խոսուն է։

Ներկայում երիտասարդական հաասարակական կազմակերպությունները մեծ աշխատանք են իրականացնում տարբեր ոլորտներում, սկսած սոցիալական հարցերից և վերջացրած մշակութային և կրթական ծրագրերով։ Դրանցից յուրաքանչյուրը յուրովի է ներկայացնում իր խնդիրները, ունի ֆինանսավորման սեփական աղբյուրները, նպատակային խմբերը, ծրագրերի իրականացման ուղիները։

«Նովոստի-Արմենիա». Ի՞նչ ծրագրեր է մտադիր իրականացնել Համահայկական երիտասարդական հիմնադրամն ընթացիկ տարում բացի «Բազե»-ից։

Ա.Սողոմոնյան. Մենք նախատեսում ենք մեծ թվով ակումբների բացում, մասնավորապես, լրագրողների, հոգեբանների, սոցիոլոգների, ինչպես նաև ծրագրերի կազմակերպման և իրականացման ակումբ։ Այստեղ երիտասարդներին հուզող հարցեր կբարձրացվեն, կառաջարկվեն որոշակի լուծումներ։ Ծրագրերի կազմակերպման և իրականացման գործում ակումբի հիմնական խնդիրը կլինի տեղեկատվության հավաքումը և ծանոթացումը տարածաշրջանային երիտասարդական հասարակական կազմակերպություններին, որոնք հաճախ չունեն տեղեկություններ միջազգային կազմակերպությունների նախագծերի մասին, որանց կարող են մասնակցել։

Մենք նաև ունենք ավանդական միջոցառումներ, որոնք կփորձենք վերականգնել, քանի որ վերջին տարիներին մեր շենքի շինարարության պատճառով չենք կարողացել դրան բավարար ուշադրություն հատկացնել։

Օրինակ, տարեվերջին նախատեսվում է կրկին անցկացնել «Հայկյան» մրցանակաբաշխությունը, մրցանակը հանձնվում է երիտասարդության ոլորտում իրենց դրսևորած կազմակերպություններին, պետական և ոչ պետական գործիչներին։

«Հայկյան» մրցանակը հիմնվել է 2000 թվականին և գործել մինչև 2005 թվականը։ Մենք մտադիր ենք վերականգնել այն, քանի որ այն երկրի հասարակական կյանքին ակտիվորեն մասնակցող երիտասարդությանը խրախուսելու լավ միջոց է։ -0-

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։