480.74
+0.03
511.65
+0.46
7.48
-0.03
+1
Եղանակը Երևանում
Հայ
Էկոտուրիզմի զարգացման համար Հայաստանը ռեսուրսների պաշար ունի
13:43
04 Հունիսի 2008

Էկոտուրիզմի զարգացման համար Հայաստանը ռեսուրսների բավականին հարուստ պաշար և բնական ժառանգություն  ունի, կարծում է «Էկոտուրիզմ» հայկական ասոցիացիայի նախագահ Ժաննա Գալյանը։

«Հայաստանը մեծաթիվ հատուկ պահպանվող բնական տարածքներ ունի, որոնք բառառիկ հետաքրքրություն են ներկայացնում զբոսաշրջության, մասնավորապես, էկոտուրիզմի զարգացման համար»,- «Նովոստի-Արմենիա» գործակալությանը տված հարցազրույցում ասաց նա։

Նրա խոսքերով, Հայաստանում ՀՊԲՏ ընդհանուր տարածքը 308 հազար հեկտար է, ինչը կազմում է հանրապետության ողջ տարածքի մոտ 10 տոկոսը, որտեղ դեռ պահպանվել է վայրի կենդանիների և բույսերի կենսաբազմազանությունը։

Հայաստանի հատուկ պահպանվող բնական տարածքների թվին են պատկանում պետական պարկերն ու արգելավայրերը, ազգային պարկերն ու բնության հուշարձանները, մասնավորապես, «Սևան» և «Դիլիջան» պարկերը, «Շիկահող», «Էրեբունի», «Խոսրովի անտառ» պետական արգելոցները, ինչպես նաև ավելի քան 20 պետական արգելավայրերը։ Ծրագրվում է ստեղծել ևս վեց ՀՊԲՏ։

Գալյանն ընդգծեց, որ էկոտուրիզմը պետք է եկամուտ բերի տեղի բնակչությանը, դրանով բնակչությանն ընդգրկելով շրջակա տարածքի պահպանման գործընթացում։ «Եթե բնակչությանը ցույց տալ, որը շրջակա բնությունը կարող է նրանց եկամտի աղբյուր լինել, ապա դա բնության հանդեպ հոգատար վերաբերմունքի ու այն պահպանելու խթան կարող է դառնալ»,- ասաց նա։

Սակայն, Ասոցիացիայի նախագահի կարծիքով, դրա համար պետք է անհրաժեշտ ենթակառուցվածք, գովազդային ու տեղեկատվական նյութեր ստեղծել, աշխատակազմ պատրաստել, ապահովել տեղի բնակչության մասնակցությունը, ինչպես նաև համագործակցել զբոսաշրջության մասնավոր հատվածի հետ։

«Իհարկե, առաջին հերթին դա մասնավոր հատվածի խնդիրն է, սակայն զբասաշրջության կառավարումն ու դրա զարգացման խթանումը, անկասկած, պետության գործն է։ Պետության վրա չափազանց կարևոր խնդիր է դրված՝ երկրի զբոսաշրջային արտադրանքի գովազդը, սակայն մինչ տվյալ արտադրանքը գովազդելը պետք է այն ստեղծել»,- ասաց նա։

Ասոցիացիայի ղեկավարը նշեց, որ 2007 թվականին մեծ աշխատանք է տարվել` «Դիլիջան» ազգային պարկի զարգացման ուղղությամբ։ Մասնավորապես, գովազդային բուկլետներ են թողարկվել, մշակվել են հետիոտն և հեծյալ արշավի տարբեր երթուղիներ, աշխատանքներ են տարվում ուղենշված արահետների բարեկարգման ուղղությամբ։

Բացի այդ Գալյանը նշեց, որ ներկա պահին «Խոսրովի արգելոցում» կառուցվում է այցելուների կենտրոն, որը կոչված է այցելուին տեղեկատվություն տալ տարածքի բնության մասին, նրան շահագրգռել՝ հանգիստն անցկացնելու հատկապես տվյալ պարկում։ Մասնավորապես, նման կենտրոններում կկազմակերպվեն ցուցահանդեսներ, բնապահպանական թեմաներով տարբեր ֆիլմերի ցուցադրություններ։

«Նման կենտրոնները կարող են դառնալ բնապահպանական կրթության, դաստիարակության և տեղի բնակչությանը տեղեկատվությամբ ապահովելու միջոց»,- ասաց նա։

«Սևան» ազգային պարկի կապակցությամբ Գալյանը նշեց, որ դրա ենթակառուցվածքը չի համապատասխանում պահպանվող տարածքին։ ««Սևան» պարկում մի շարք խնդիրեր կան՝ կեղտաջրեր, աղբահանություն, բացի այդ, Սևանի թերակղզում սեզոնին՝ հուլիս-օգոստոսին, նախատեսվածից շատ մարդ է կուտակվում»,- ավելացրեց նա։

Գալյանի խոսքերով, վերջին ժամանակներս աղբամաքրման և աղբահանության  ուղղությամբ որոշակի միջոցներ են ձեռնարկվում, սակայն այս աշխատանքները պարկի ողջ տարածքը չեն ընդգրկում, իսկ Սևանի ջրի մակարդակի մշտական բարձրացումը խնդիրն ավելի արդիական է դարձնում։

Բացի այդ, Ասոցիացիայի ղկավարը նշեց, որ Հայաստանում էկոտուրիզմի շատ հեռանակարային տեսակ կարող է դառնալ թռչուններին և վայրի կենդանիներին հետևելը։

«Հայաստանի համար առավել մատչելի է թռչուններին հետևելը, այն կազմակերպելն ավելի հեշտ է, քան վայրի կենդանիներինը, հատկապես եթե հաշվի առնենք երկրի ողջ տարածքում նրանց բազմազանությունը»,- ասաց նա։

Հայաստանում այսօրվա դրությամբ գրանցված է ինչպես երկրում բնադրող, այնպես էլ չվող թռչունների 351 տեսակ։

Սակայն ամենակարևոր խնդիրը Գալյանը համարում է ՀՊԲՏ անձնակազմին տարածքների ճիշտ ծրագրավորման և կառավարման ուսուցումը, որպեսզի զբոսաշրջությունը ամենաքիչ բացասական ազդեցությունն ունենա բնության վրա։

Այդ նպատակով «Էկոտուրիզմ» հայկական ասոցիացիան՝ Նորվեգիայի կառավարության հետ համատեղ էկոտուրիզմի ոլորտի վերաբերյալ սեմինարներ է կազմակերպում Հայաստանի հատուկ պահպանվող բնական տարածքների աշխատակիցների համար։

Գալյանը նշեց, որ ծրագրով նախատեսվում է քննարկումներ կազմակերպել տեղում, այնուհետև սեմինար կկազմակերպվի Դիլիջանում, որից հետո խումբը հինգ օրով կմեկնի Վրաստան՝ Բորժոմի-Խարագաուլի ազգային պարկ, որի ղեկավարությունը զգալի հաջողությունների է հասել զբոսաշրջության զարգացման ոլորտում։ «Դա մեր աշխատակիցներին թույլ կտա գործնականում տեսնել, թե ինչպես է պետք աշխատել»,- ասաց նա։-0—

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։