480.74
+0.03
511.65
+0.46
7.48
-0.03
+1
Եղանակը Երևանում
Հայ
«Կարևոր է պահպանել տնտեսության կայունությունն ու կանխատեսելիությունը», - հայտարարել է ԲՏԱ բանկի գործադիր տնօրեն և վարչության անդամ Գեորգի Իոսիֆյանը
16:52
15 Փետրվարի 2008

- Գեորգի, պատմեք Ձեր բանկի մասին և այն  մասին, թե ի՞նչն է Ձեզ բերել Հայաստան։

- ԲՏԱ բանկը (նախկին ՏուրանԱլեմ բանկ) ոչ միայն Ղազախստանի խոշորագույն բանկն է, այլ նաև ԱՊՀ-ի խոշորագույն բանկերից մեկը՝ ներառելով Ռուսաստանը, առանց պետական կապիտալի մասնակցության։ Մեր ակտիվների և կապիտալի չափերով մենք զիջում ենք միայն Ռուսաստանի երեք պետական բանկերին՝ Խնայբանկին, Գազպրոմբանկին և ՎՏԲ-ին։ 2007 թ.-ին մեր ակտիվները հասել են շուրջ 26 մլրդ դոլարի, և մաքուր եկամուտը գերազանցել է 600 մլն դոլարը։ Իսկ գլոբալացման և աշխարհագրական բազմազանության մասշտաբով մենք, հավանաբար, համար մեկ բանկն ենք, քանի որ ԲՏԱ-ն առկա է ԱՊՀ բոլոր երկրներում, ունի ներկայացուցչություն Լոնդոնում, Դուբայում և Չինաստանում, որտեղ մենք բացում ենք Չինական դուստր բանկը, ինչպես նաև Թուրքիայում, որտեղ մենք ձեռք ենք բերել բանկերի թոփ 20-յակի մեջ մտնող Շեքիրբանկի բաժնետիրական զգալի փաթեթ։ 2007 թ.-ին մի շարք հեղինակավոր ֆինանսական կազմակերպություններ ԲՏԱ բանկը ճանաչել են ԱՊՀ երկրների լավագուն բանկ, ինչպես նաև մենք ստացել ենք մի շարք միջազգային մրցանակներ՝ որպես առևտրային ֆինանսավորման և կապիտալի միջազգային շուկաներում գործարքներ իրականացնող լավագույն բանկ։ Հայաստանում մենք ունենք դուստր բանկ՝ ԲՏԱ Ինվեստբանկը, որի զարգացման ռազմավարության հարցերի պատճառով էլ ես ժամանել եմ հանրապետություն։

- Որքանով ինձ հայտնի է, Դուք վաղուց չեք եղել հայրենիքում և սա Ձեր առաջին այցն է երկար տարիներից հետո։ Ինչպիսի՞ տպավորություններ են Ձեզ վրա թողել երկրում տեղի ունեցած փոփոխությունները։

- Դուք իրավացի եք, ես բավականին երկար ժամանակ չեմ եղել հայրենիքում։ Սակայն վերջին երեք տարիների ընթացքում սա իմ չորրորդ այցն է, և ամեն անգամ ես ավելի շատ եմ հաճելիորեն զարմանում և համոզվում երկրի տնտեսական աճի և նրա զարգացման տեմպերով։ Իմ կարծիքով, Ռոբերտ Քոչարյանի և Սերժ Սարգսյանի գլխավորությամբ հանրապետության ղեկավարությանը հաջողվել է Հայաստանի համար անել այն, ինչ Վլադիմիր Պուտինն արել է Ռուսաստանի համար, այն է՝ ստեղծել տնտեսական կայունություն և կանխատեսելիություն, ապահովել դրա զգալի աճը և ստեղծել գայթակղիչ պայմաններ՝ ներդրումային կապիտալի համար։  Վերջին տարիների ընթացքում 10-12 տոկոս ՀՆԱ-ի զարգացման տեմպերը չեն կարող տպավորություն չգործել։ 

- Ինչպիսի՞ն են բանկի ծրագրերը Հայաստանում

- Վերջերս տեղի ունեցավ ԲՏԱ-ի տնօրենների խորհրդի նախագահ պրն. Մուխտար Աբլյազովի հանդիպումը ՀՀ վարչապես Սերժ Սարգսյանի հետ, որը Աբլյազովի վրա մեծ տպավորություն թողեց։ Ինչպես նա պատմեց ինձ, Սերժ Սարգսյանը հիանալի հասկանում է, թե ինչ խնդիրներ են ծառացած հանրապետության առջև և տեսնում է այդ խնդիրների լուծման ուղիները, ունի կոնկրետ և ռեալ ծրագիր, նա ի վիճակի է Հայաստանը տանելի դեպի բարգավաճման։ ԲՏԱ բանկի նման հզոր ֆինանսական գիգանտ ստեղծած մարդու շուրթերից նման բնութագրումը՝ բավականին լուրջ փաստ է։ Այդ հանդիպումից հետո ինձ հանձնարարեցին գալ Հայաստան՝ իրավիճակին մանրամասն ծանոթանալու և ԲՏԱ-ի բաժնետերերին առաջարկություններ պատրաստելու համար։

- Եվ որո՞նք են Ձեր հնարավոր առաջարկությունները։

- Կոնկրետության մասին խոսել դեռևս վաղ է, ժամանակ և սառը ֆինանսաներդրումային հաշվարկ է անհրաժեշտ։ Մի բան ես կարող եմ հստակ ասել. եթե երկրի ներկա ղեկավարության քաղաքականությունը շարունակվի և վարչապետի նկարագրած ծրագրերը կյանքի կոչվեն և մենք տեսնենք այսօրվա կայունության, կանխատեսելիության հաջորդականությունը, ապա մենք ավելի հարմարավետ կլինենք մեր ներդրումային գործունեության ընդլայմանը վերաբերող որոշումներում։ Ինչպես հայտնի է, կապիտալը ռիսկեր չի սիրում, և ես կարծում եմ, սա իմ անձնական կարծիքն է՝ որպես բանկիրի և ֆինանսիստի, որ ներկա պայմաններում միայն Սերժ Սարգսյանը և նրա թիմն են ի վիճակի ապահովել պայմաններ՝ ռիսկերի նվազեցման և կայունության բարձրացման համար։ 

- Դատելով Ձեր ազգանունից՝ Իոսիֆյան, Դուք Ղարաբաղի հայ եք։ Դրանով չէ՞, արդյոք, բացատրվում թեկնածուի Ձեր ընտրությունը։

-Այո, իմ ծնողները Ղարաբաղի հայեր են, և ես հպարտ եմ դրանով, ինչպես հպարտանում եմ իմ ազգանունով։ Զուր չէ, որ իմ հոր ավագ եղբորը՝ Անդրանիկ Իոսիֆյանին ժամանկաներին կոչել են «Ամենայն Հայոց էլեկտրիկոս»։ Սակայն հավատացեք, Ղարաբաղն այստեղ կապ չունի։ Ես բանկիր եմ, այսինքն, պրագմատիկ և հաշվենկատ մարդ, և իմ խնդիրը կապիտալի առավել արդյունավետ կառավարումն  է և բաժնետիրական արժեքի բարձրացումը։ Եվ միայն ելնելով դրանից՝ ես կարծում եմ, որ նախագահի միակ թեկնածուն, ով ի վիճակի է Հայաստան կապիտալ մուտք գործելու համար գայթակղիչ տնտեսական և ներդրումային եղանակ ստեղծել, Սերժ Սարգսյանն է, այլ մարդու ես չեմ տեսնում։ Մյուսներն ինձ համար ռիսկեր են, անկանխատեսելիություն, անկայունություն, տնտեսական զարգացման հստակ և հիմնավորված ծրագրի բացակայություն։ Դա չի կարող դուր գալ։ Որպես Հայաստանի քաղաքացի՝ ես արել եմ իմ ընտրությունը։   

-Ինչպիսի՞ հանդիպումներ եք Դուք ունեցել և ինչպիսի՞ հարցեր են քննարկվել։

-  Հանդիպումներ շատ են եղել, սակայն կցանկանայի կանգ առնել երկուսի վրա։ Առաջինը ՀՀ տրանսպորտի և կապի նախարար Անդրանիկ Մանուկյանի հետ իմ հանդիպումն էր։ Ես առաջին անգամ հանդիպել եմ նրան երկու տարի առաջ, երբ լինելով ռուսական «Ալֆա-Բանկի» փոխնախագահը՝ եկել էի «Ալֆա-Վիմպելկոմ» խմբի ընկերության համար «ԱրմենՏել» հեռահաղորդակցության ընկերությունը ձեռք բերելու վերաբերյալ բանակցություններ վարելու նպատակով։ Այն ժամանակ պրն. Մանուկյանը շահեց իմ համակրանքը նրանով, որ բավականին խորությամբ էր հասկանում զարգացման ռազմավարության այդչափ բարդ մեխանիզմը և գնագոյացման ու տնտեսության բջջային և հեռահաղորդակցական հատվածների նրբությունները։ Նա բավականին կոշտ բանակցող էր։ Իր դերը նա հիանալի կատարեց և «ԱրմենՏելի» վաճառքի ժամանակ նրան հաջողվեց հասնել երկրի, ինչպես նաև «ԱրմենՏելի» հաճախորդների համար առավել շահավետ պայմանների։   

Երկրորդ հանդիպումը, որը ես ցանկանում եմ նշել նաև այն պատճառով, որ այն շատ կարևոր է յուրաքանչյուր ներդրող-ոչ ռեզիդենտի համար, ՀՀ գլխավոր դատախազ Աղվան Հովսեփյանի հետ էր։ Նա սկզբունքային և անզիջում մարդու տպավորություն թողեց, որի հիմնական խնդիրը սահմանադրական և իրավական օրենսդրության հստակ պահպանումն է։ Այս հանդիպումից ես համոզվեցի, որ յուրաքանչյուր ներդրողի՝ ինչպես ռեզիդենտի, այնպես էլ ոչ ռեզիդենտի շահերը խստագույնս պահպանվելու և ապահովվելու են, եթե այդ ներդրողը գործում է Հայաստանի օրենքների շրջանակում։ Նա հիանալի հասկանում է, որ Հայաստանին անհրաժեշտ են ներդրումներ, իսկ ներդրողներին անհրաժեշտ է համոզված լինել, որ այն երկրում, որտեղ նրանք ներդրում են կատարում, օրենքը գործում է, և դա ուրախացնում է։

-Ի՞նչ կցանկանայիք մաղթել մեր ընթերցողներին։

-Մենք բոլորս այժմ գտնվում ենք քաղաքական կարևոր իրադարձությունների նախաշեմին, որոնք կարող են երկարաժամկետ և խորը ազդեցություն ունենալ երկրի ապագայի, մեր ապագայի և մեր երեխաների ապագայի վրա։ Ես ցանկանում եմ մաղթել, որպեսզի Հայաստանի ամեն քաղաքացի հույսով և վստահորեն նայի վաղվա օրվան, և որքան էլ նա վատատես լինի՝ ընտրությունների օրը գնա ընտրատեղամաս և իր ձայնը տա Հայաստանի ապագայի օգտին։ Նաև կցանկանայի նաև, որպեսզի ամեն հայ իրեն հարց տա. ինչպիսին է նա հիշում Հայաստանը 90-ականներին և ինչպիսին է այն այժմ։ Եվ երկրորդ հարցը. ինչպիսին են նրանք ցնականում տեսնել  իրենց վաղվա օրը՝ ավելի լավ, քանի այսօ՞ր է, թե՞ 90-ականների նման, այսինքն՝ միանգամայն անկանխատեսելի։ Ընտրությունը ձերն է։-0-

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։