482.25
+0.32
566.07
-3.09
8.39
+0.02
+9
Եղանակը Երևանում
Հայ
«Առաքելություն Հայաստան» բարեգործական կազմակերպությունն ունի շուրջ 15 հազ. շահառու
19:21
04 Հուլիսի 2007

«Նովոստի-Արմենիա» գործակալության բացառիկ հարցազրույցը «Առաքելություն Հայաստան» բարեգործական կազմակերպության նախագահ Հռիփսիմե Կիրակոսյանի հետ:

«Նովոստի-Արմենիա» - Ինչպե՞ս եք գնահատում «Առաքելություն Հայաստան» կազմակերպության գործունեությունը` նրա ձեռբերումների և անհաջողությունների համատեքստում:

Հ. Կիրակոսյան – Նախ ուզում եմ ընդհանուր տեղեկություններ ներկայացնել «Առաքելություն Հայաստանի» մասին: Կազմակերպության գործունեությունը սկսվել է դեռևս 1988թ.-ին` հայ ժողովրդի համար այդ ծանր օրերին, երբ սկսվեց ղարաբաղյան շարժումը, և տեղի ունեցավ երկրաշարժը: Պաշտոնապես «Առաքելություն Հայաստանը», որպես հասարակական կազմակերպություն, ՀՀ արդարադատության նախարարությունում գրանցվել է 1993թ.-ին: Գործունեության սկզբում «Առաքելություն Հայաստանը» օգնում էր խոցելի խմբերի մարդկանց, մասնավորապես, հաշմանդամներին, ծնողազուրկ երեխաներին, փախստականներին և ծերերին: Հետագայում կազմակերպությունը հիմնականում կենտրոնացավ ծերերին և փախստականներին օգնելու գործի վրա: Սկզբում «Առաքելություն Հայաստան» կազմակերպության մեջ ներգրավված էին մի քանի կամավորներ, բայց տարիների ընթացքում կամավորները դարձան իրենց գործի մասնագետներ, և խումբը զգալիորեն մեծացավ: Այժմ կազմակերպության մասնաճյուղերը գործում են երկրի 8 շրջաններում` ներառյալ Երևանը: Գործունեության ընթացքում կազմակերպությունը ստեղծել է շուրջ 100 մասնաճյուղ, համայնքային կենտրոններ, որտեղ անապահով մարդկանց տրամադրվում է սոցիալական և առողջապահական մատչելի օգնություն, խորհրդատվություն, ինչպես նաև օգնություն` ծեր մարդկանց:

«Առաքելություն Հայաստանի» գլխավոր ձեռքբերումը 2006թ.-ին եղավ այն, որ մեր կազմակերպությունը դարձավ պետության առաջին գործընկեր - հասարակական կազմակերպությունը: Պետությունը գնահատեց մեր գործունեության կարևորությունը և իր վրա վերցրեց մեր կազմակերպության պարտավորությունների մի մասը, քանի որ «Առաքելություն Հայաստանը» միայնակ չէր կարողանում լուծել իր առջև դրված բոլոր խնդիրները:

Առաջին ծիծեռնակը լինելով` մենք ասես կանաչ լույս վառեցինք այլ հասարակական կազմակերպությունների համար և 2008թ-ին ևս երկու հասարակական կազմակերպություններ կստանան պետական աջակցություն:

«Նովոստի-Արմենիա» - Ի՞նչ նոր ուղղություներով է նախատեսում գործունեություն ծավալել «Առաքելություն Հայաստանը» 2007թ.-ին և որո՞նք կլինեն ձեր առաջնահերթությունները:

Հ. Կիրակոսյան – 2007թ.-ին «Առաքելություն Հայաստանը» ծրագրել է զարգացնել հաշմանդամ երեխաների համար «տաք անկյունների» ծրագիրը, երեխաներ, որոնք մանկատնից հետո չգիտեն` ուր գնալ: Եթե առողջ շրջանավարտները մանկատնից  հետո ապահովվում են բնակարանով, ապա մտավոր և ֆիզիկական արատ ունեցող 16-28-ամյա շրջանավարտները, փաստորեն, անօթևան են մնում: Առաջին փորձնական «տաք անկյունն» արդեն ստեղծված է: Նրա փորձարկման ժամանակ ուսումնասիրվում են բոլոր խնդիրներն ու առավելությունները, ինչից հետո համանման կառույցներ կստեղծվեն նաև այլ մարզերում: «Առաքելություն Հայաստանը» ծրագրում է դիմել պետական կառույցներին` ֆինանսական օժանդակության համար և առաջարկով, որպեսզի պետությունը ևս ստեղծի նմանատիպ հաստատություններ հաշմանդամ երեխաների համար: Այդպիսի «տաք անկյուններում» հաշմանդամ երեխաները կստանան շուրջօրյա խնամք, սնունդ, կկազմակերպվի նրանց ժամանցն ու հանգիստը: Նրանց կսովորեցնեն նաև վարսահարդարում, կարուձև, սոցիալական շփման հիմունքներ, որպեսզի նման հաստատություններից ելնելով` նրանք կարողանան ինտեգրվել հասարակության մեջ: «Տաք անկյուններից» բացի, «Առաքելություն Հայաստան» կազմակերպությունը ծրագրում է հիմնել սեփական գործ:

Թեև համագործակցում ենք դոնորների և տեղի հասարակական կազմակերպությունների ու պետության հետ, մենք ինքներս ենք ուզում ապահովել մեր միջոցները: «Առաքելություն Հայաստանը» հիմնել է «իր գործը»` ուղղորդելով դրանից ստացվող եկամուտը խնամքի կարիք զգացող ծերերին: Օգնության համար մեզ կարող են դիմել ծեր մարդկանց այն հարազատները, որոնք այս կամ այն պատճառով չեն կարող ինքնուրույն հոգալ իրենց հարազատների մասին:

Այդ ծառայություններն արդեն վճարովի կլինեն, քանի որ մենք կոչված ենք օգնելու   միայն բնակչության անապահով խավին:

Այդ նախագծերից բացի, Երևանի Քանաքեռ-Զեյթուն համայնքում շարունակվում է սոցիալ-առողջարարական տան շինարարությունը, որը սկսվեց երկու տարի առաջ և ձգձգվեց՝ ֆինանսական բարդությունների պատճառով: Նախագծի ընդհանուր գումարը կազմում է 1 մլն ԱՄՆ դոլար: Ծրագրվում է կառուցել քառահարկ շենք, որի առաջին երկու հարկերում կտեղակայվեն 34 ծերերի համար նախատեսված մեկսենյականոց բնակարաններ, իսկ մյուս երկու հարկերում կլինեն ճաշարանը, սպորտային սենյակը, վարսահարդարման սենյակը և լվացքատունը:

Շինարարությունը նախատեսվում է ավարտել մինչև 2007թ.-ի աշունը: Նախագծի դոնորն է Շվեդիայի կառավարությունը (70%), իսկ մնացած մասը տրամադրել է «Առաքելություն Հայաստան» կազմակերպությունը:

 «Նովոստի-Արմենիա» - Ի՞նչ տեղական և արտասահմանյան կազմակերպությունների հետ է համագործակցում «Առաքելություն Հայաստանը»` իր ծրագրերն իրագործելու համար:  

Հ. Կիրակոսյան - «Առաքելություն Հայաստանի» գլխավոր դոնորներն են ՄԱԿ-ի փախստականների հիմնադրամը (UNHCR), ԱՄՆ միջազգային զարգացման գործակալությունը (USAID),  շվեդական CARITAS կազմակերպությունը, Զարգացման և համագործակցության շվեյցարական գրասենյակը (SDC), Փախստականների դանիական խորհուրդը (DRC), Թուֆենկյան հիմնադրամը, Ավստրալիայի և ԱՄՆ (Լոս-Անջելեսի) «Առաքելություն Հայաստան» կազմակերպության ներկայացուցչությունը: ­­­

Մենք նաև համագործակցում ենք շուրջ 50 հասարակական կազմակերպությունների և համայնքային իշխանությունների հետ, որոնք ցուցաբերում են ֆինանսական և այլ օգնություն: Նման համագործակցության շնորհիվ կազմակերպության խնդիրները լուծվում են արագ և արդյունավետ:

 «Նովոստի-Արմենիա» - Որքա՞ն մարդ է օգտվում Ձեր կազմակերպության ծառայություններից:

Հ. Կիրակոսյան – Անցած տարիների ընթացքում կազմակերպությունը չի դավաճանել իր առաքելությանը և հավատարիմ է մնացել իր սկզբունքներին: Մեր աշխատանքը կազմակերպվում և իրագործվում է շատ բարձր մակարդակով: Ներկայում միջազգային դոնոր կազմակերպությունների աջակցությամբ և տեղի իշխանությունների օգնությամբ ստեղծվել են շուրջ 100 ենթակառույցներ, մասնավորապես, 32 բարեգործական ճաշարան, որտեղ անապահով մարդիկ ճաշակում են տաք, սննդարար ուտեստներ, 16 սոցիալական կենտրոն, 40 բժշկական կետ, 16 ուսումնական ռեսուրսային կենտրոն, գրադարան: «Առաքելություն Հայաստանը» օգնում է շուրջ 15 հազար մարդու, որոնցից 8 հազարը միայնակ ծերունիներ և հաշմանդամներ են, 7 հազարը՝ փախստականներ, որոնք բնակվում են ժամանակավոր կացարաններում: Բացի այդ, «Առաքելություն Հայստանը» մատուցում է տնային ծառայություններ այն մարդկանց, որոնց առողջական վիճակը թույլ չի տալիս նրանց դուրս գալ տնից: «Առաքելություն Հայաստանի» կառույցներում տրամադրվում են սոցիալական և առողջապահական ծառայություններ, ինչպես նաև կազմակերպվում է մեր շահառուների ակտիվ հանգիստը:

«Նովոստի-Արմենիա» - Նշեք, խնդրեմ, կազմակերպության այս տարի իրականացվելիք ծրագրերի համար նախատեսված միջոցների ծավալը` անցյալ տարվա համեմատությամբ:

Հ.Կիրակոսյան- «Առաքելություն Հայասատան» կազմակերպության բյուջեն 2006թ.-ին կազմել է շուրջ 1 մլն ԱՄՆ դոլար: Տվյալ գումարով ծառայություններ մատուցեցինք  մեր կազմակերպության խնամյալներին,  կազմակերպեցինք «Առաքելություն Հայաստանի» ենթակառուցվածքների, մասնավորապես, ճաշարանների, սոցիալական և վերականգնողական կենտրոնների գործունեությունը: 2007թ.-ին սպասվում է բյուջեյի աճ, բայց այդ ամենը կախված կլինի կազմակերպության ռազմավարության մշակումից: Մենք հիմա բանակցություններ ենք վարում դոնորների և պետության հետ` ճշտելու համար ծրագրերի ծավալը: Կազմակերպությունն ամեն ինչ կանի`  պահպանելու համար արդեն ստեղծվածը: –0—

Loading...
Թեմատիկ նյութեր
Բաժնի այլ նյութեր
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։


12:52
06 Հունիսի 2017
Ադրբեջանի հետ Հայաստանի խնդիրներն ինքնաբերաբար չեն լուծվի
«Ոսկանապատ» հետազոտական կենտրոնի ղեկավար Հրանտ Մելիք–Շահնազարյանը բացառիկ հարցազրույց է տվել «Նովոստի–Արմենիա» գործակալությանը։  
19:18
16 Մայիսի 2017
Ինչու՞ է Հայաստանին պետք «Նոյյան Տապան». ԲԱՑԱՌԻԿ
Հայաստանը շուտով կդառնա նոր «Նոյյան Տապան»-ի հայրենիք, ընդ որում` բառացիորեն:
14:14
27 Ապրիլի 2017
Պատրաստվում ենք ամռանը. խորհուրդներ ֆիթնես մարզիչից
Ամռան գալստին մնացել է մի ամսից մի փոքր ավելի։
20:22
13 Ապրիլի 2017
Հայաստանը «Եվրատեսիլում» հաղթելու մեծ հնարավորություններ ունի. Գերմանիայի ներկայացուցիչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
Եվրատեսիլ» երգի միջազգային մրցույթում Գերմանիան ներկայացնող երգչուհի Լևինա Մյուզիքը հարցազրույց է տվել «Նովոստի–Արմենիա» գործակալությանը։
16:52
23 Մարտի 2017
Ինչպե՞ս խուսափել գրիպից և ի՞նչ անել, եթե դուք, ամեն դեպքում, հիվանդացել եք. խորհուրդ է տալիս փորձագետը
Գարնան սկզբին գրիպով և սուր շնչառական  վիրուսային վարակներով հիվանդանալու վտանգը մեծանում է։
17:30
02 Փետրվարի 2017
Սուրենյան. առաջիկա գիշերը Երևանում ձմեռվա ռեկորդային ամենացուրտ գիշերն է լինելու
Վերջին ամիսներին Հայաստանի բնակիչների համար ամենաքննարկվող թեման եղանակն է:
15:58
23 Հունվարի 2017
Հայաստանում բացվել է Yandex-ի ծրագրավորման դպրոցը
Հայաստանը դարձավ Ռուսաստանից հետո առաջին երկիրը, որտեղ սկսեց գործել Yandex-ի ծրագրավորման դպրոցը:
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։