480.74
+0.03
511.65
+0.46
7.48
-0.03
+3
Եղանակը Երևանում
Հայ
Էյլենկրիգ. երջանիկ եմ, քանի որ հենց երաժշտության Աստծո հետ եմ նվագել
17:57
11 Նոյեմբերի 2015
ԵՐԵՎԱՆ, 11 նոյեմբերի. /Նովոստի–Արմենիա/. Հայտնի ջազմեն, վիրտուոզ շեփորահար, ռուս ամենապահանջված երաժիշտներից մեկը` Վադիմ Էյլենկրիգը, երկու համերգ է տվել Երևանում։ Էյլենկրիգը ելույթ է ունենում աշխարհի ամենահեղինակավոր հարթակներում և գործակցում է Լարիսա Դոլինայի, Սերգեյ Մազաևի, Դմիտրի Մալիկովի,  Uma2rmaH խմբի և ուրիշների հետ։ Նրա նվագով հիանում են բազմաթիվ երկրպագուներ, իսկ ջազ մամուլն Էյլենկրիգին անվանում է «ռուս Քրիս Բոտտի»։ Այդ ամբողջ ջազի, իր դաջվածքների և Ուիթնի Հյուսթոնի մասին Էյլենկրիգը պատմել է «Նովոստի–Արմենիա» գործակալությանը տված բացառիկ հարցազրույցում։

- Ջազը ձեզ համար...

– ազատություն է... Շարադրման, գիտակության, ներքին ազատություն։ Ի տարբերություն դասական երաժշտության, որտեղ քեզ ոչ միայն նոտաներ են տալիս, այլ նաև գրում են, թե ինչ պետք է նվագես և ինչ` զգաս։ Անկասկած, դասականը հզոր երաժշտություն է, և միանգամայն հնարավոր է, որ ես պարուրաձև պտույտ կատարել և կրկին ցանկանամ դասական նվագել։ Բայց դա կլինի դասական երաժշտության իմ ընկալումը։

– Դուք «Մեծ ջազ» ինքնատիպ մի նախագծի հաղորդավարն եք։ Ինչո՞վ է ձեզ գրավել այդ նախագիծը և հաղորդավարի դերը։

– Նախագիծն ինձ գրավել է նոր ամպլուայում ինքս ինձ փորձելու համար։ Սա ծավալուն, շատ պիտանի նախագիծ է։ Հեռուստատեսությունում ընդհանրապես այսպիսի օրիգինալ նախագիծ չի եղել։ Սովորաբար բոլոր նախագծերը համարվում են ֆրանշիզներ, որտեղ գրվում է ամեն ինչ, նույնիսկ հերոսների զգացողությունները։ Բացի այդ, «Մեծ ջազը» մասսայականացնում է իմ ժանրը։

– Դուք մի բեմում եք ելույթ ունեցել ամենահայտնի երաժիշտների հետ։ Ո՞վ է ձեր վրա ամենամեծ տպավորությունը թողել։

– Բոլորը։ Ամեն մեկի մասին ինչ–որ լավ բան կարող եմ ասել։ Բայց, օրինակ, հիշում եմ, թե որքան բախտս բերեց Էլ Ջերոյի հետ աշխատելիս։ Ավելի բաց, բարեհամբույր մարդ կյանքում չէի հանդիպել։ Հիշում եմ, որ համերգից առաջ մոտեցա և ասացի. «Էլ, քո երաժշտությունը կատարյալ է, և ես վախենում եմ այն փչացնել»։ Ինչին նա պատասխանեց. «Վադիմ, այդ ի՞նչ ես ասում։ Մեզ համար մեծ պատիվ կլինի, եթե նվագես մեզ հետ»։ Մինչ օրս հիշում եմ, թե ինչպես բեմ դուրս գալուց առաջ լսում էի այն հիթերը, որոնք լսել եմ ուսանողական տարիներին, հիշում էի, ինչպես էի սիրահարվում այդ երաժշտության ներքո և կարծում էի, թե դա Աստված է։ Ես լսում էի, թե ինչպես է նա երգում, և լալիս էի...

– Իսկ մեծ երաժիշտներից ու՞մ հետ եք երազում նվագել։ Կարող եք նշել նույնիսկ անցյալում եղած երաժշտի։

– Երևակայությունս այնքան չէ, որ երազեմ նվագել երաժիշտի հետ, ով այժմ ողջ չէ։ Թեև այն ժամանակ, երբ թույլ էի տալիս ինքս ինձ երազել, իմ ամենամեծ երազանքը Ուիթնի Հյուսթոնի հետ շրջագայության մեկնելն էր։ Այն ժամանակ դեռ չգիտեի, որ նա հիստերիկ լիրբ է։ Ւսկ այսօր երջանիկ կլինեի, եթե ինձ զանգահարեր Թոնի Բենեթը և ասեր. «Վադիմ, կցանկանայի, որ սոլո նվագեիր իմ երգերից մեկում»։ Դա զիլ կլիներ...

– Երևանը խորհրդային ժամանակ համարվում էր ԽՍՀՄ ջազ մայրաքաղաք։ Ջազը Հայաստանում հարուստ ավանդույթներ ունի։ Ծանոթ եք, արդյո՞ք, հայկական ջազին։ Համագործակցե՞լ եք հայ ջազմենների հետ։

– Այո, իհարկե։ Հայաստանում փայլուն երաժիշտներ կան։ Նրանք երաժշտության  բացարձակ այլ ընկալում ունեն։ Բացի այն, որ նրանք տիրապետում են ջազի լեզվին և ոճաբանությանը, նրանք միանգամայն ազգային տեսլական ունեն։ Նրանք ջազի մեջ ինչ–որ անձնական, ինչ–որ մեդեղային տարր են ընդգրկում... Երեկ նվագում էինք ջազմեն Վահագն Հայրապետյանի հետ, կարծում եմ` վատ չէր լինի նրա հետ մի գործ ձայնագրել։ Իմ կարծիքով, հնրա հայկական մեղեդայնությունը կարող է լավ համադրվել իմ հրեականի հետ։

– Բազմաթիվ յուրօրինակ դաջվածքներ ունեք։ Դա աչքի ընկնելու, առանձնանալու, երկրպագուների համար ավելի հետաքրքրիր լինելու ցանկությու՞ն է։

– Այսօր առանձնանալու համար դաջվածք անել պետք չէ, քանի որ դաջվածքներով մարդկանց թիվը գնալով մեծանում է։ Ես տառապել եմ այդ դաջվածքներն անելիս, քանի որ դրանք դաջել եմ այն տարիքում, երբ հիմնականում մարդիկ փորձում են դրանք դուրս բերել։ Դաջվածքը կյանքի նկատմամբ իմ վերաբերմունքն է` մտովի դրանք ինձ մոտ ավելի վաղ են եղել, քան հայտնվել են։

– Հիմնվելով Թվիթերի ձեր գրառումների վրա` կարելի է եզրակացնել, որ տարիքի խնդիրը գոնե չորս տարի առաջ անհանգստացրել է ձեզ։ Դուք վերանայե՞լ եք այդ հարցում ձեր մոտեցումը թե անհանգստանում եք մոտեցող հիսնամյակի կապակցությամբ։

– Երևի յուրաքանչյուր մարդ իր կյանքի ընթացքում անցնում է փուլեր, երբ տարիքի հարցը նրան հուզում է։ Քառասուն տարեկանում ինձ այդ հարցը շատ էր անհանգստացնում, այժմ` ոչ։ 50–ն էլ ինձ չի անհանգստացնում, որովհետև հեռու է։ Ինչ–որ պահի ավելի կարևոր է, թե ֆիզիկական և ստեղծագործական ինչ վիճակում ես։ Կարևոր է ինքը` զգացումը, որ դու քո տեղում ես։ Ես երջանիկ մարդ եմ, քանի որ եթե հնարավորություն լիներ կյանքում որևէ բան փոխելու, ես չէի անի դա։

– Գեթե քառասուն տարի երաժշտությունում... Որտեղի՞ց եք ոգեշնչում ստանում։

– Ոգեշնչումն արտաքինից չէ, այն ներսից է։ Ինձ միշտ լարում են մարդիկ, ում լավ տրամադրության համար անհրաժեշտ է, որ աչքերի առաջ պատկերը փոխվի։ Դա պրիմիտիվ, պապուսական դիրքորոշում է։ Ոգեշնչման, ինչպես և սիրո աղբյուրը մարդու ներսում է...

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։