480.74
+0.03
511.65
+0.46
7.48
-0.03
+1
Եղանակը Երևանում
Հայ
Խոհարարական իմպրովիզ Եգոր Գլումովից. ինչպես ձուկը ջրում
13:41
28 Հոկտեմբերի 2015
ԵՐԵՎԱՆ, 28 հոկտեմբերի. /Նովոստի–Արմենիա/. Հայաստանում հայտնի ռադիոհաղորդավար և բլոգեր Եգոր Գլումովը «Նովոստի–Արմենիա» գործակալությանը պատմել է այն մասին, թե ինչպես է պատրաստվում վարել «Ձկան օր» նոր խոհարարական շոուն, որի առաջին թողարկումը եթեր կհեռարձակվի նոյեմբերի 8–ին։ Գլումովը նաև խոսել է իր խոհարարական նախապատվությունների և այլ տաղանդների և ունակությունների մասին։

– Ինչո՞վ է բացատրվում այն փաստը, որ Դուք որոշեցիք փոխել մասնագիտացումն ու դառնալ «Ձկան օր» խոհարարական շոուի հաղորդավարը։

– Իրականում, երևի, ես չեմ որոշել, այլ հեռուստաալիքի ղեկավարությունն է առաջարկել ինձ դառնալ այդ ծրագրի հաղորդավարը։ Սակայն այն խոհարարական չէի համարի, չնայած, որ ծրագրի գլխավոր գործընկերը ձկան խանութ է, որը շուտով պետք է բացվի։ Ինձ համար, ամեն դեպքում, ավելի կարևոր է շփվել մարդկանց հետ և փորձել տեսնել նրանց անսովոր միջավայրում, զրուցել նրանց հետ որպես ծնողներ, բարձրացնել «հայրերի և երեխաների» թեման։ Չէ՞ որ մեր երկիրը փոքր է, և հյուրերի թիվը սահմանափակ է։ Նրանք արդեն ամենուրեք եղել են, և նրանց հետ անհեթեթ ու անհետաքրքիր է խոսել նույն թեմաների շուրջ։ Իսկ հետո արդեն կգա ձկան և խոհարարության հերթը։ Ընդհանրապես շատ բան է ասում այն, թե ինչպես է մարդը ուտելիք պատրաստում։  

– Այսինքն արդեն հասկանալի է, թե ինչու է հենց ձուկն ընտրվել որպես հիմնական ճաշատեսակ։ Ով վճարում է, նա երաժշտություն է պատվիրում...

– Ինձ համար կարևոր է, որ ճաշատեսակները պատրաստվելու են Սևանի իսկական ծիածանափայլ իշխանից, որն արդեն վաղուց դելիկատես է։ Եվ հիմա գտնվել են մարդիկ, ովքեր փորձում են Սևան վերադարձնել իշխանն այնպիսին, ինչպիսին այն կերել են մեր պապերն ու նախապապերը։

– Դուք, ամեն դեպքում, հասկանու՞մ եք, որ հայերը միս են նախընտրում։ Որքա՞ն հայտնի կլինի ձկան շոուն։

– Իրականում մեր գեներում առկա է սերը ձկան նկատմամբ` սկսած այն ժամանակներից, երբ Հայաստանը «ծովից ծով էր»։ Ընդհանրապես, ձուկը զարմանալի բան է։ Եկեք չմոռանանք այն մասին, որ ցուրտ և սոված տարիներին մեզ փրկեց ձուկը, քանի որ միս ընդհանրապես չկար։ Հասկանալի է, որ այսօր մենք ավելի շատ միս ենք ուտում, սակայն ձուկը շատ արժեքավոր և օգտակար մթերք է։

– Այսինքն, Դուք միաժամանակ առողջ ապրելակե՞րպ եք քարոզում։

– Իհարկե։ Դատեք ինքներդ. հայերի շրջանում չկա ոչ մի Նոբելյան դափնեկիր, իսկ Ճապոնիայում նրանց թիվն հարյուրից ավել է։ Միաժամանակ ճապոնացիներն օրը երեք անգամ ձուկ են ուտում։  


рыба

– Ու՞մ եք արդեն հրավիրել, իսկ ու՞մ կցանկանայիք տեսնել ծրագրի հյուրի կարգավիճակում։


– Առաջին հաղորդման հյուրը, ամենայն հավանականությամբ, կլինի դերասան Լևոն Հարությունյանը, իսկ երկրորդը` երգիչ Գրիգոր Կյոկչյանը, ով ներկայացրեց Հայաստանը «Նոր ալիք» մրցույթում։ Կցանկանայի, որպեսզի իմ հաղորդման հյուրը լիներ ՀՀ նախագահ Սերժ Սարգսյանը։ Նրա հետ շատ թեմաների շուրջ կարելի էր խոսել։

Ընդհանրապես, կցանկանայի, որպեսզի մենք հնարավորություն ունենայինք մեր հաղորդմանը մասնակցելու համար հրավիրել Հայաստան այցելող բոլոր հետաքրքիր մարդկանց։ Ես ստուդիայում կցանկանայի տեսնել հեռուստահաղորդավար Վլադիմիր Պոզներին, հաղորդավար, երաժիշտ և մոլի ձկնորս Անդրեյ Մակարևիչին։ Նրանցից, ովքեր արդեն ողջ չեն, կցանկանայի հրավիրել գրող Էրնեստ Հեմինգուեյին, ում հետ ևս հաճելի կլիներ զրուցել։

– Բացի ձկից, էլ ինչո՞վ կտարբերվի Ձեր շոուն նմանատիպ այլ շոուներից։

– Այս շոուի համար ոչ ոք սցենար չի գրում։ Այդ ամենը ես եմ անելու։ Իսկ որպես չափազանց ծույլ մարդ` ես այդ ամենը սկսում եմ անել օն–լայն, այսինքն այն ժամանակ, երբ տեսնում եմ այդ մարդուն ստուդիայում և հասկանում, թե ինչի մասին կարելի է խոսել նրա հետ, իսկ ինչի մասին` ոչ։ Ահա և նոր շոուի հիմնական «մեխը»։

– Սննդի պատրաստումը որոշ չափով ինտիմ գործընթաց է։ Ձեր կարծիքով` այդ պահին մարդը սովորականից ավելի շա՞տ է բացահայտվում։

– Գիտեք, այն, թե ինչպես է մարդը բռնում դանակը, գազար կտրում, կարողանու՞մ է, արդյոք, կանաչի կտրել, շատ բան է ասում նրա մասին։ Ուշադիր մարդը, անգամ առանց իմ մեկնաբանությունների, կարող է ինչ–որ բան հասկանալ։

– Դուք նույնպե՞ս պատրաստելու եք Ձեր հյուրերի հետ։

– Իհարկե, ես ևս օգնելու եմ կամ խանգարելու։ Ինչպես կստացվի...

– Ո՞րն է ձկով պատրաստվող Ձեր սիրած ճաշատեսակը։

– «Ռիգայի շպրոտներ» հիանալի պահածոներն են։ Ես դրանք շատ եմ սիրում թե սև հացով, թե «Միմոզա» աղցանում։ Նաև սիրում եմ թոնրում պատրաստված ձկան խորոված։

–  Իսկ ինքներդ կարողանու՞մ եք արդյոք պատրաստել։

– Ես շատ հազվադեպ եմ պատրաստում։

– Ներկայացրեք ձկով պատրաստվող ճաշատեսակի Ձեր սիրած բաղադրատոմսը։

– Սևանի իսկական ծիածանափայլ իշխանով կարելի է ամեն ինչ պատրաստել։ Իշխանի փափկամիսը կարելի է պարզապես տապակել մի քանի րոպե` նախօրոք թաթախելով այն ալյուրի մեջ, և դա չափազանց համեղ կլինի։ Մեկ այլ տարբերակ է, իշխանի վրա լցնել լիմոնի հյութ և փաթաթել փայլաթիթեղով, պատրաստել ջեռոցում։ Ընդհանրապես կան ձկան տեսակներ, որոնք պատրաստելիս հարկավոր է ջանք գործադրել, որպեսզի այն համեղ լինի, իսկ կա ձուկ, որն ինքնին արդեն չափազանց համեղ է։ Կարևոր է այն չփչացնել որևէ ավելորդ բաղադրամասով։ Իմ կարծիքով` որքան քիչ են ձկան ճաշատեսակների բաղադրամասերը, այնքան ավելի համեղ է այն ստացվում։ –0–
Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։