481.62
+0.7
518.51
+7
7.55
+0.01
-4
Եղանակը Երևանում
Հայ
Դավիթյան. «Նովոստի–Արմենիա»–ի պես մեդիառեսուրսների պահանջարկը կաճի
15:57
08 Դեկտեմբերի 2015
Տասը տարի առաջ` 2005 թվականի դեկտեմբերի 8–ին, Հայաստանի լրատվական դաշտում հայտնվեց ևս մեկ ազգային ռեսուրս` «Նովոստի–Արմենիա» միջազգային լրատվության գործակալությունը։ Իր գործունեության տասը տարիների ընթացքում գործակալությունը շոշափելի արդյունքների է հասել և իր տեղը զբաղեցրել հայկական մեդիադաշտում։ Տասնամյա գործունեության, խնդիրների և ծրագրերի մասին «Նովոյե վրեմյա» թերթին տված բացառիկ հարցազրույցում պատմել է «Նովոստի–Արմենիա» գործակալության գլխավոր տնօրեն Գալինա Դավիթյանը։

- «Նովոստի–Արմենիա» գործակալությունը նշում է իր առաջին լուրջ հոբելյանը` տասնամյա աշխատանքային գործունեությունը Հայաստանի լրատվական դաշտում։ Կարող եք, արդյո՞ք, ամփոփել առաջին տասնամյակի արդյունքները։

- Կարծում եմ` կարելի է առանց չափազանցնելու ասել, որ ԱՄԻ «Նովոստի–Արմենիան» Հայաստանի լրատվական տարածքում կայացած լուրջ մեդիանախագծերից է։ Մենք ստեղծվել ենք ՌԻԱ Նովոստի ռուսական պետական գործակալության գործընկերությամբ, և մեր հիմնական խնդիրը Հայաստանի, Ռուսաստանի և հետխորհրդային տարածքի ընթերցողներին մեր երկրների քաղաքական, տնտեսական, գիտական և մշակութային կյանքի բոլոր ոլորտներում բոլոր կարևոր իրադարձությունների մասին իրազեկելն էր։ Իհարկե, նախևառաջ, դա պետք է լիներ ազգային հայկական մեդիառեսուրս, որին կվստահեին մեր ընթերցողներն ինչպես Հայաստանում, այնպես էլ սահմաններից դուրս։ Նշենք, որ գործակալությունը բավականաչափ գործ է արել Ռուսաստանի հետ լրատվականի փոխանակման ընդլայնման հարցով, որ մեր երկու երկրների հասարակությունները ավելի մտերմանան և հնարավորություն ունենան ավելի լավ լսել և հասկանան միմյանց։

Իմ կարծիքով, մենք այդ խնդիրը կատարել ենք, և այդ մասին վկայում են մեր ընթերցողների բազմաթիվ արձագանքները, որոնց թվում են` հեղինակային քաղաքական գործիչներ, փորձագետներ, ինչպես նաև միջազգային կառույցները։ Գործակալությունն անընդհատ հայտնվում էր ԶԼՄ–ի գլխավոր ցուցանիշի` մեջբերման ցուցիչով առաջատար հորիզոնականներում։

Տասը տարիների ընթացքում մեզ հաջողվել է մշակել սեփական ոճը, խուսափել մեդիատարածքի լղոզման և հատվածայնության կործանիչ հետևանքներից և պահպանվել որպես դասական լրատվական գործակալություն, որին վստահում են և որին հղում են կատարում օգտատերերն ու զանգվածային լրատվամիջոցների առաջատար համաշխարհային միջոցները հանրապետության կարևոր իրադարձությունների լուսաբանման ժամանակ։

- Այդ դեպքում, ինչու՞ ՌԻԱ Նովոստին 2014 թվականի հոկտեմբերին հայտարարեց Հայաստանում իր ներկայացուցչությունը փակելու և իր բարեկամ հայկական ԶԼՄ–ի հետ գործակցության դադարեցման մասին։

- Ինչպես մեզ հայտնեցին, 2014 թվականին ֆինանսավորման կրճատման հետևանքով ՌԻԱ Նովոստին որոշում կայացրեց 2014 թվականի հունվարի 1–ից իր գրասենյակների փակման մասին Հայաստանում, Մոլդովայում և Ադրբեջանում և ենթատարածաշրջանային գործունեության անցնելու մասին։ Հայտարարվել է նաև այդ երկրներում գործընկերային գործակալությունների աջակցության դադարեցման մասին։

Բանն այն է, որ գործակալությունն ավանդաբար ընկալվում էր որպես ամենաազդեցիկ ԶԼՄ–ներից մեկը Հայաստանի տարածքում, որը կապող օղակ էր Հայաստանի և Ռուսաստանի միջև։ Ռեսուրս, որն ամբողջովին համապատասխանում էր իր առաքելությանը և որպես ներգործության հիմնական գործիք կիրառում «մեղմ ուժի» քաղաքականությունը։

- Դուք ինչ–որ կերպ փորձու՞մ էիք դիմակայել ՌԻԱ Նովոստիի այդ որոշմանը։

- Անշուշտ, չէ՞ որ չէինք ուզում զրոյի հավասարեցնել այդքան տարիների աշխատանքը։ Մեզ սատարեցին Հայաստանի և Ռուսաստանի փորձագիտական միությունների ներկայացուցիչներ, հասարակական կազմակերպություններ, Ռուսաստանի Դաշնության դեսպանությունը և պաշտոնական այլ կառույցներ։ Իրավիճակն արմատապես փոխվեց 2013 թվականի դեկտեմբերի 9–ին, երբ Ռուսաստանի նախագահը հրամանագիր ստորագրեց ՌԻԱ Նովոստիի լուծարման և դրա հիման վրա «Ռոսիա սեգոդնյա» ՄՏԳ–ի ստեղծման մասին։ Նոր գործակալության կազմում նաև «Գոլոս Ռոսիի» ռուսական պետական ռադիոհեռարձակող ընկերությունն էր։ Նախագահի հրամանագրի համաձայն, «Ռոսիա սեգոդնյա» ՄՏԳ դաշնային պետական ունիտար ձեռնարկության գործունեության հիմնական ուղղությունը պետք է լիներ ՌԴ պետական քաղաքականության լուսաբանումն արտերկրում և հասարակական կյանքի լուսաբանումը` Ռուսաստանում։ Արդյունքում «Նովոստի–Արմենիան» շարունակեց գործակցությունն արդեն «Ռոսիա սեգոդնյայի» հետ։

- Ինչպե՞ս էին գնահատում ձեր աշխատանքը ռուս գործընկերները։

Մեր աշխատանքը գերազանց էին գնահատում, մասնավորապես, «Ռոսիա սեգոդնյայի» ԱՊՀ և Բալթյան երկրների խմբագրության ղեկավարի արդեն նախկին տեղակալ Էլլա Տարանովայի խոսքով, «Նովոստի–Արմենիան» ԱՊՀ–ում ՌԻԱ Նովոստիի լավագույն գործընկեր գործակալություններից է։

- Ինչպե՞ս զարգացան հարաբերությունները հետագայում։

- Հետագայում, չես հավատա, բայց ամեն ինչ կատարվեց, ինչպես Լյուիս Քերոլի «Ալիսան հրաշքների աշխարհում» հայտնի հեքիաթում։ 2014 թվականի նոյեմբերին «Ռոսիա սեգոդնյա» ՄՏԳ–ն գործարկեց Sputnik նոր նախագիծը։

- Իսկ ի՞նչ տեղ էր զբաղեցնում «Նովոստի–Արմենիան» այդ նախագծում:

- Ոչ մի տեղ։ Իհարկե, վիրավորական էր, բայց ոչ մահացու։ «Նովոստի–Արմենիան» ինքնաբավ, լուրջ ռեսուրս է, այն այսպես թե այնպես զարգանալու է։

- Ինչպե՞ս էին ընթանում գործերը Sputnik-Armenia–ում։
 
- Անկեղծ լինեմ` ստեղծագործական վերելք ապրեցինք։ Կարճ ժանանակում մեր թիմը կարողացավ ապահովել Sputnik-Armenia կայքի այցելությունների բարձր ցուցանիշներ, ինչը ոչ ոք չէր սպասում։ Իսկ Sputnik-Armenia ռադիոն թափ էր հավաքում և ճանաչում վայելում, այն չորսժամյա հեռարձակումից անցավ ութժամյա հեռարձակման։ Սակայն շուտով մեզ հայտարարեցին թոփ–մենեջմենթի փոփոխության և նոր ղեկավարների նշանակման մասին։

Չեմ մանրամասնի, բայց այդ բոլոր փոփոխություններից հետևանքով հեռացավ գրեթե ողջ անձնակազմը։ Այժմ մենք մեր ողջ ջանքերը կրկին ուղղեցինք «Նովոստի–Արմենիա» գործակալության զարգացմանը։ Գործարկվեց նոր ժամանակակից մուլտիմեդիոն կայք, որը համապատասխանում է այսօրվա պահանջներին։ Մենք շատ ծրագրեր ունենք, մշակման փուլում են մի քանի նախագծեր։ Բացի այդ, առաջիկայում կրկին կսկսի գործել «Նովոստի–Արմենիա» մամուլի արդիականացված կենտրոնը։

- Կարծում եք, որ այսօրվա աշխարհաքաղաքական զարգացումների պայմաններում հայկական ԶԼՄ–ներն ավելի պահանջված կլինե՞ն։

- Կարծում եմ` դա միանգամայն տրամաբանական է։ Որովհետև ռուս–թուրքական հարաբերությունների սրման ֆոնին Հայաստանի դերը որպես Ռուսաստանի միակ լիարժեք դաշնակից կմեծանա, իսկ հայկական այնպիսի ռեսուրսների պահանջարկը, ինչպիսին «Նովոստի–Արմենիան» է, կաճի։ Չէ՞ որ, Հայաստանը նաև Եվրասիական միության անդամ է, և մեր նախկին վարչապետը` Տիգրան Սարգսյանը, 2016 թվականի փետրվարի 1–ից կգլխավորի Եվրասիական տնտեսական հանձնաժողովի կոլեգիան, որը ԵՏՄ–ի մշտական կարգավորող մարմինն է։ Այնպես որ, ինչպես տեսնում եք, որ անելու բան ունենք, մեզ համար գործակության մեծ դաշտ է բացվում եվրասիական ինտեգրման հարցերի առաջխաղացման ուղղությամբ։

 «Նովոստի–Արմենիա» գործակալությունը Ռուսաստանի միակ հեղինակավոր բարեկամական մեդիակառույցն է մեր հանրապետությունում։ Գործակալությունը հսկայական դեր է խաղում Ռուսաստանում կատարվող նշանակալի իրադարձությունների ողջ շրջանակի օբյեկտիվ տեղեկատվության տարածման և Ռուսաստանի` որպես Հայստանի ռազմավարական դաշնակցի դրական կերպարի ձևավորման գործում։ Մեկ այլ հարց է, թո որքանով են Ռուսաստանում ընկալում նման մեդիոն ռեսուրսների նշանակությունը։ Այդ հարցն ինձ համար բաց է մնում։-0-
 




Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։