526.4
7.25
475.99
+27
Եղանակը Երևանում
Հայ

Ստամբուլյան կոնվենցիա. հայկական ավանդական արժեքների սպառնալիք և մանիպուլյատիվ հնարք. փորձագետի կարծիքը

14:25
07 Օգոստոսի 2019

ԵՐԵՎԱՆ, 7 օգոստոսի./Նովոստի–Արմենիա/. Արդարադատության նախարարության օգոստոսի 6-ին տարածած հաղորդագրությամբ հայտնվել է, որ Ստամբուլյան կոնվենցիայի վավերացման նպատակահարմարությունը բխում է ՀՀ Սահմանադրությունից։

Հիշեցնենք, որ «Կանանց նկատմամբ բռնության և ընտանեկան բռնության կանխարգելման և դրանց դեմ պայքարի մասին» կոնվենցիայի վերաբերյալ, որը հանրության մեջ հայտնի Ստամբուլյան կոնվենցիա անվամբ, առկա են մասնագիտական իրարամերժ տեսակետներ: Մասնավորապես՝ մասնագետների մի մասը պնդում է, որ այն հակասում է Սահմանադրությանը, իսկ մյուս մասն էլ հակառակը:

Այս առնչությամբ «Նովոստի–Արմենիա» գործակալությունը զրուցել է «Բաբայան Քոնսալթինգ» խորհրդատվական ընկերության հիմնադիր և գլխավոր տնօրեն Արսեն Բաբայանի հետ:

«Նովոստի–Արմենիա». պարոն Բաբայան, Արդարադատության նախարարությունը, փաստորեն, պետության անունից արդեն հայտարարեց, որ Ստամբուլյան կոնվենցիայի շուրջ առկա են թյուրընկալումներ և դրա վավերացումը բխում է հենց ՀՀ Սահմանադրությունից, մինչդեռ, ինչպես գիտենք, բազմաթիվ իրավաբան-գիտնականներ հակառակն են պնդում:

Բաբայան. նախ նկատենք, որ միջազգային իրավական ակտերի վերաբերյալ պետության անունից չի կարող հանդես գալ գործադիր իշխանությունը, առավել ևս դրա մեկ անդամը, այն պարզ պատճառով, որ այդ ակտերի վավերացումը պարտադիր անցնում է իշխանության երեք ճյուղերի միջով: Գործադիրն իր հավանություն տալուց հետո ուղարկում է Սահմանադրական դատարան, որից հետո, եթե առկա է ՍԴ-ի դրական եզրակացությունը, ուղարկում է Ազգային ժողովի հաստատմանը, հետևաբար՝ իմ կարծիքով, արդարադատության նախարարությունը դրսևորել է շտապողականություն և վերազանցել է իր լիազորությունները:

«Նովոստի–Արմենիա». բայց արդարադատության նախարարությունը, փաստարեն, արդեն նշել է, որ կոնվենցիայի վավերացումը բխում է Սահմանադրությունից:

Բաբայան. Նախ նկատենք, որ Սահմանադրությունից բխելն ու սահմանադրականությունը էապես տարբեր երևույթներ են: Իրավական ակտի նախագիծը կամ վավերացման ենթական կոնվենցիան իսկապես կարող են բխել Սահմանադրությունից, բայց այդ ակտի տեքստն արդյո՞ք համապատասխանում է Սահմանադրությանը և սահմանադրական է, թե ոչ, շատ տարբեր բաներ են: Հենց այս հարցերի պատասխանն էլ, մեր Սահմանադրության համաձայն, կարող է տալ բացառապես Սահմանադրական դատարանը, իսկ պաշտոնական պնդումը, որ վավերացումը բխում է Սահմանադրությունից, ունի մեկ հիմնական նպատակ, այն է՝ բառախաղի միջոցով (բխել Սահմանադրությունից և սահմանադրականություն) հանրության մոտ ստեղծել կանխակալ դիրքորոշում կամ կարծիք, թե իբր կոնվենցիան համապատասխանում է Սահմանադրությանը, ինչը հայտնի մանիպույլացիոն հնարք է։

«Նովոստի–Արմենիա». իսկ Ձեր կարծիքով, որն է այդ կոնվենցիայի կռվանը: Ինչո՞վ է այն հակասում Սահմանադրությանը:

Բաբայան. ձեր այն հարցին, թե ինչով է այն հակասում Սահմանադրությանը, չեմ փորձի պատասխանել, քանի որ շուտով այդ հարցի պատասխանը պետք է տա իրավասու միակ մարմինը, Սահմանադրական դատարանը: Ինչ կարծիք էլ, որ ես հայտնեմ հիմա, դա կարող է սխալ մեկնաբանվել կամ ընկալվել: Իսկ ինչ վերաբերվում է կռվանին, ապա հիմնական խնդիրը, իմ համոզմամբ, «գենդեր» եզրույթն է ու կոնվենցիայով դրա մեկնաբանությունը և պարտադիր պահանջը, որ ՀՀ օրենսդրությունը հետագայում է պետք է համապատասխանեցվի հենց այդ սահմանմանը: Այսինքն՝ մեր ամբողջ օրենսդրությունը պետք է փոփոխվի այնպես, որ համապատասխանի «գենդեր» եզրույթի իմաստային մեկնաբանությանը:

«Նովոստի–Արմենիա». իսկ ինչո՞վ է վտանգավոր «գենդեր» եզրույթը: Բազմաթիվ մարդիկ պնդում են, որ այն նշանակում է սեռ:

Բաբայան. Եզրույթի վտանգավորությունը մեր իրավական համակարգում սկսվում է ազգային մտածողությունից, ազգային արժեքներից ու ավանդույթներից: Ի դեպ, նկատեմ, որ Կոնվենցիան իր կառուցվածքով պարտադրում է ազգային ավանդույթները մղել երկրորդ կամ երրորդ պլան և առաջ շարժվել այսպես կոչված ժամանակակից մտածողությամբ, քանի որ թյուր կարծիք կա, թե մեր ազգային արժեքների անբաժան մասն է կազմում կանանց ստորադասելը տղամարդկանցից: Այդպիսի բազմաթիվ դրույթների կարելի է հանդիպել Կոնվենցիայում:

Իսկ ինչ վերաբերվում է հարցին, թե արդյոք «Գենդեր»-ը նույն «Սեռ» եզրույթն է, պետք է նկատեմ, որ «Գենդեր» եզրույթը չի տեղավորվում սեռերի կենսաբանական նշանակության մեջ: Ավելին, սեռականության ոլորտում «Գենդեր» եզրույթի ողջ իմաստը կայանում է հենց նրանում, որ սեռերը՝ իգական և արական, հենց կենսաբանականից առանձնացնելն է, այսինքն՝ անհրաժեշտ է համարվում հասնել նրան, որ «տղամարդը» և «կինը» որևէ կերպ պայմանավորված չլինի նրանց կենսաբանական սեռով, այլ՝ կանացիությունն ու տղամարդկայնությունը հիմնված լինի սոցիոմշակութային իմաստի վրա: Էլ ավելին՝ «Գենդեր» եզրույթի արմատավորմամբ հրապարակ է բերվում «երրորդ սեռ» հասկացությունը, քանի որ, ըստ սեռականության ոլորտի գրականության, Գենդերային ինքնությունն այն է, ինչը դու ունես քո գլխում հասարակության մեջ քո դերի մասին` կին, տղամարդ կամ այլ գենդեր՝ տրանսգենդեր: Այս իմաստով նրանք, ովքեր դեմ են արտահայտվում Կոնվենցիայի վավերացմանը, հստակ տեսնում են վտանգ, որ դրանով պարտադրվում է թույլատրել միասեռ (կենսաբանական) ամուսնությունները: Վտանգ են տեսնում, որ միասեռականություն է քարոզվում, ինչը խաթարում է ավանդական ազգի արժեքները:

Բայց, հաշվի առնելով, որ դեռ Սահմանադրական դատարանը պետք է քննության ենթարկի Կոնվենցիան, ինչպես նաև դեռ կլինեն մասնագիտական լայն քննարկումներ, թույլ տվեք այսքանով սահմանափակվել:–0–


Թեմատիկ նյութեր
Բաժնի այլ նյութեր
11:06
14 Հունիսի 2019
Փաշինյանը պատասխանել է այն հարցին, թե արդյոք վեթինգը վրեժ էր Քոչարյանի ազատման համար
Միջազգային հանրությունը 100 տոկոսով սատարում է Հայաստանի դատական համակարգի բարեփոխման օրակարգին:
18:33
14 Մարտի 2019
Սրբուկը` ստեղծագործելու, բաղձալի երազանքի և «Եվրատեսիլի» ելույթի մասին (ԷՔՍԿԼՅՈՒԶԻՎ, ՎԻԴԵՈ, ՖՈՏՈ)
Հայաստանը «Եվրատեսիլ 2019»–ում ներկայացնող երգչուհի Սրբուկը բլից հարցազրույց է տվել «Նովոստի–Արմենիա» գործակալությանը։
12:30
07 Մարտի 2019
«Նոր սերնդի» խոհարարները հայկական խոհանոցն արտերկրում ներկայացնող դեսպաններն են դառնալու
«Երեմյան փրոջեքթս» խոհարարական արվեստի ու հյուրընկալության ակադեմիան դռները կբացի 2019 թվականի գարնանը: Ներկայացնում ենք հարցազրույց «Երեմյան Փրոջեքթս» ընկերության գլխավոր տնօրեն Դավիթ Երեմյանի հետ:
11:11
04 Փետրվարի 2019
Արմինե Ադիբեկյանը` հայերի և ադրբեջանցիների փոխհարաբերությունների մասին. հնարավոր չէ հրամանով արթնանալ առավոտյան և սկսել սիրել միմյանց
Հրապարակվել է ադրբեջանցի լրագրող Գյունել Մովլյութի հարցազրույցը AzeriChild կայքի հեղինակ, սոցիոլոգ Արմինե Ադիբեկյանի հետ։
17:55
10 Հունվարի 2019
Մեցո Իգիթյան. Հայաստանը չի կարող սպասել 2–3 սերունդ` նորարարական բարձր տեխնոլոգիաների երկիր դառնալու համար
Անցած տարին իրավամբ կարելի է անվանել անկախ Հայաստանի պատմության ամենահագեցածներից մեկը։
11:54
28 Հուլիսի 2018
Իսկանդարյան. Քոչարյանի գործով մոտիվացիան մեծ մասամբ քաղաքական է
Վերջին երկու օրը հայկական հասարակության ուշադրությունը սևեռված է վերջին տասնամյակների ամենաաղմկահարույց իրադարձություններից մեկի վրա. մեղադրանք է առաջադրվել ՀՀ նախկին նախագահ Ռոբերտ Քոչարյանին։
13:55
11 Հուլիսի 2018
Մոնակոյում կանցկացվեն Հայաստանի օրեր (ՏԵՍԱՆՅՈՒԹ)
Սեպտեմբերին Մոնակոյում կանցկացվեն Հայաստանի օրեր: Միջոցառման մանրամասներին ծանոթանալու համար զրուցեցինք «Armenian Collection» ծրագրի ղեկավար Վրույր Փենեսյանի հետ։
18:09
26 Հունիսի 2018
Հեղափոխական էյֆորիայից հետո Հայաստանում, բացի «տեսարաններից» հաց պետք կլինի տալ. փորձագետ (ՎԻԴԵՈ)
Հայկական «թավշյա հեղափոխության» առանձնահատկությունը, քաղաքական նոր իրականության պայմաններում երկրի զարգացման հեռանկարները հասկանալու համար զրուցել ենք «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանի հետ։
15:10
12 Մայիսի 2018
Ա. Աբովյան. այսօր քաղաքական բոլոր ուժերը կենտրոնացած են արտահերթ ընտրությունների վրա
ՀՀ ԱԺ–ն մայիսի 8–ին երկրորդ փորձից վարչապետ ընտրեց ընդդիմության առաջնորդ Նիկոլ Փաշինյանին:
15:14
06 Ապրիլի 2018
Վ. Խոտինենկո. Հայաստանը զարմանալի, հրաշքներով լի երկիր է
Հայաստանից ստացած տպավորությունների, ժամանակակից կինոարդյունաբերության և դրա զարգացման հնարավորությունների մասին խոսել է կինոռեժիսոր, ՌԴ ժողովրդական արտիստ  Վլադիմիր Խոտինենկոն։
17:20
21 Փետրվարի 2018
Miss Supermodel Worldwide-ի հայաստանյան ներկայացուցիչը հաղթելու հնարավորություններ ունի (ՀԱՐՑԱԶՐՈՒՅՑ)
Մարտի 15-ից 23-ը Հնդկաստանի Դելի քաղաքում կանցկացվի Miss Supermodel Worldwide գեղեցկության մրցույթ:
13:23
15 Դեկտեմբերի 2017
Սարյանը շարունակում է լինել Հայաստանի այցեքարտը. տուն–թանգարանի տնօրեն
Երևանի գանձերից մեկը` հռչակավոր նկարիչ Մարտիրոս Սարյանի տուն–թանգարանը, այս տարի նշում է  իր 50–ամյակը։