480.74
+0.03
511.65
+0.46
7.48
-0.03
+1
Եղանակը Երևանում
Հայ
Գյումրեցի գեղեցկուհի Լիլիթ Մարտիրոս. փշերի միջով դեպի «Miss Earth 2015»
19:12
20 Հոկտեմբերի 2015

ԵՐԵՎԱՆ, 20 հոկտեմբերի./Նովոստի–Արմենիա/. Հայ աղջիկների և կանանց գեղեցկությունը դարեր շարունակ հիացրել է ոչ միայն հայ տղամարդկանց, այլ նաև այլ ազգությունների ներկայացուցիչներին։ Հայ մասնակիցները միշտ հաջողության են հասել գեղեցկության միջազգային մրցույթներում։ Այս տարին ևս բացառություն չէր, Հայաստանը ներկայացնող Դայանա Դավթյանը, մասնակցելով «Միսս Մոլորակ 2015» մրցույթին, արժանացավ «Միսս էլեգանտություն» տիտղոսին։

Իսկ հիմա մեկ այլ հայ գեղեցկուհի` Լիլիթ Մարտիրոսը պատրաստվում է մասնակցել «Miss Earth 2015» գեղեցկության և նորաձևության ամենահեղինակավոր մրցույթներից մեկին։

Հայաստանն առաջին անգամ կմասնակցի այս մրցույթին։ Հարկ է նշել, որ «Miss Earth» մրցույթն իր վարկանիշով գերազանցում է այնպիսի հեղինակավոր մրցույթներին, ինչպիսիք են «Միսս Մոլորակը» և «Միսս Աշխարհը»։ Մրցույթի նպատակն է պայքարել շրջակա միջավայրի աղտոտվածության դեմ, պահպանել բնությունը, բարելավել մարդկային հարաբերությունների բարոյական կերպարը։ Այս տարի մրցույթն առաջին անգամ կանցկացվի Ավստրիայի մայրաքաղաքում նոյեմբերի 18–ից դեկտեմբերի 6–ը, իսկ եզրափակիչը`դեկտեմբերի 5–ին։ «Miss Earth» մրցույթին Հայաստանը ներկայացնող Լիլիթ Մարտիրոսը «Նովոստի–Արմենիա» գործակալությանն է պատմել իր մասին, ինչպես նաև խոսել է մրցույթի մասնակցությունից ակնկալվող սպասումների մասին։

– Պատմեք ձեր մանկության մասին...

– Ես ծնվել եմ Գյումրիում 1988 թ.–ին, երբ այնտեղ տեղի ունեցավ երկրաշարժը։ Մայրիկիս դժվարությամբ է հաջողվել փրկել ինձ փլատակների տակից։ Դրանից հետո սկսվեց մեր կյանքը ավերված քաղաքում։ Մենք սովորեցինք երբեք չզիջել դժվարությունների առաջ և հավատալ, որ ամեն ինչ լավ կլինի։ Դժվարությունները շատ էին, սակայն դրանք մեր ընտանիքն ավելի ուժեղ դարձրեցին։ Եվ մի բան էլ. փոքր տարիքում ծնողներս ինձ ներշնչում էին, թե ինչ կարևոր է սովորել։

Երկու տարեկանից սկսել եմ նկարել, այցելել եմ գեղարվեստի դպրոց։ Նկարչության նկատմամբ սերն արյանս մեջ է, դա ժառանգական է։ Իսկ պապիկս գրող է եղել, նա սովորեցրել է ինձ սիրել գրքերն և գրել։ Ուրախությամբ պետք է նշեմ, որ չնայած ծանր և ցուրտ տարիներին, ես ապրել եմ արվեստի մթնոլորտում։ Մինչև հիմա ապրում եմ դրանով, չէ՞ որ ես ծնունդով արվեստի և արհեստի քաղաքից եմ։

Лилит Мартирос

– Ովքե՞ր են ձեր ծնողները։

– Մայրս հոգեբան է, իհարկե, հիմա զբաղվում է տնային տնտեսությամբ, իսկ հայրս մարզիկ է, նա ֆիզկուլտուրա է դասավանդում Գյումրու քոլեջներից մեկում։ Ծնողներս շատ են ինձ օգնում, իսկ մայրս իմ ոգեշնչման աղբյուրն է։

–Պատմեք մոդելային կարիերայի մասին։

– Մոդելային կարիերան պատահական է սկսվել, ես երբեք չեմ մտածել և չեմ երազել այդ մասին։ 2012 թ.–ին մորս խորհուրդով ես մասնակցեցի «Միսս Հայաստան» մրցույթին և արժանացա «Միսս Շիրակ» տիտղոսին։ Մրցույթին հաջող մասնակցելուց հետո ինձ հետ պայմանագիր կնքեց հեղինակավոր մոդելային գործակալություններից մեկը, և ես շատ շուտ հասա հաջողությունների։ Հասել եմ անհավանական բարձունքների։

– Ինչպե՞ս ստացվեց, որ հենց Դուք եք ներկայացնելու Հայաստանը «Miss Earth 2015» մրցույթին։ Ձեզ համար ի՞նչ է նշանակում մրցույթին մասնակցելը։

– 2015 թ.–ին ես մասնակցել եմ «Թոփ–մոդել Հայաստան» մրցույթին, որտեղ հաղթել եմ և իրավունք ստացել մասնակցելու «Աշխարհի թոփ–մոդել» մրցույթին, որը վերջերս անցկացվեց Եգիպտոսում։

Քանի որ Հայաստանն առաջին անգամ է մասնակցում «Miss Earth 2015» մրցույթին, ինձ համար մեծ պատասխանատվություն և պատիվ է ներկայացնել իմ երկիրը։

– Ծանո՞թ եք մնացած մասնակիցների պորտֆոլիոներին։

– Այս տարի մրցույթն առանձնանում է մասնակիցների աննախադեպ թվով, ընդհանուր առմամբ մրցույթին մասնակցում են 115 երկրներ ներկայացնող աղջիկներ։ Նրանք բոլորը շատ գեղեցիկ են։ Նրանցից շատերի հետ արդեն հասցրել եմ ընկերանալ Facebook–ի միջոցով, նրանք բոլորը շատ բարյացակամ և խելացի են։

– Հավատու՞մ եք ձեր հաղթանակին։ Ըստ ավանդույթի` հաղթողը հանդես է գալիս ելույթով։ Արդեն մտածե՞լ եք, թե ինչ եք ասելու։

– Երբեք չեմ ապրում սպասումներով, քանի որ կյանքն անկանխատեսելի է, և ամեն ինչ Աստծո ձեռքերում է։ Ես երկրաշարժից ավերված Գյումրու փլատակների տակից փրկված երեխա եմ, ներկայացնում եմ Հայաստանը գեղեցկության ամենահեղինակավոր մրցույթներից մեկում։ Եթե անգամ չհասնեմ հաջողության, այն, որ Հայաստանն առաջին անգամ մասնակցել է այս մրցույթին, արդեն հիանալի է։ Պարզապես հարկավոր է հավատալ, աղոթել և լինել հայրենասեր։ Չէ՞ որ գեղեցկության քարտեզի վրա կհայտնվի նաև Հայաստանը։

Դեռ չեմ մտածել ելույթիս մասին, այն պետք է բխի սրտից և լինի պահի ազդեցության տակ...

– Հավատու՞մ եք, որ գեղեցկությունը կփրկի աշխարհը։

–Այո, գեղեցկությունն ու բարությունը կփրկեն աշխարհը...

– Որտե՞ղ եք սիրում հանգստանալ և հանգստի  ի՞նչ ձև եք գերադասում` ակտի՞վ, թե պասի՞վ։

– Շատ եմ սիրում ծովեր և օվկիանոսներ և նախընտրում եմ հանգիստն անցկացնել այնտեղ, որտեղ կա ծով, ավազ և արև։ Այդ ամենը թույլ է տալիս ավելի շատ հիանալ մեր երկրագնդի գեղեցկությամբ և ստիպում է զբաղվել ստեղծագործական գործունեությամբ հանգստի ժամանակ։

– Պահպանու՞մ եք հատուկ դիետա։

– Խիստ ընտրողաբար եմ մոտենում սննդին, սակայն դիետայի չեմ հետևում։ Հարկավոր է ճիշտ սնվել, խմել շատ ջուր և, իհարկե, զբաղվել սպորտով, լինել դրական, լավատես և խուսափել սթրեսներից։ Յուրաքանչյուր կին գեղեցիկ է և առանձնահատուկ, երբ երջանիկ է։

Лилит Мартирос

– Օրվա ո՞ր ժամն եք ամենից շատ սիրում։

– Մայրամուտն ու լուսաբացը։ Ես ամեն օր հետևում եմ բնության այդ զարմանահրաշ երևույթներին,  որոնցից շունչդ կտրվում է։ Այդ րոպեներին կարելի է պարզապես վայելել այն գեղեցկությունը, որով շրջապատել է մեզ Աստված։

– Ո՞րն է ձեր սիրած երաժշտական ոճը։

– Դաշնամուրի համար գրված դասական երաժշտությունը, ինչպես նաև Chillout ոճը։

– Իսկ ո՞րն է ձեր սիրած գիրքը։

– Վերջերս ինձ հետաքրքրել է հնդիկ փիլիսոփա, գրող և նոբելյան դափնեկիր Ռաբինդրանաթ Թագորի «Գիթանջալի» գիրքը։ Ընթերցում եմ նաև գիտական գրքեր գլխուղեղի, գիտակցության և ենթագիտակցության մասին։ Այսպես, հիմա ես ամեն օր քնելուց առաջ ընթերցում եմ Խոսե Սիլվայի «Բանականության կառավարում» գիրքը։

–Դուք, իհարկե, ունեք նաև սիրած ֆիլմ...

– «Մեր մանկության տանգոն»։

– Ունե՞ք, արդյոք, զուգընկեր։

– Ոչ և չեմ ունեցել։

– Ուզու՞մ եք ունենալ շատ երեխաներ։

– Շատ եմ սիրում երեխաներին, սակայն դեռ չեմ մտածել այդ մասին։ Ամեն ինչ Աստծո ձեռքերում է...

Ինչի՞ մասին եք երազում։

– Ունեմ նպատակներ, իսկ դրանց հասնելու համար կան շատ ծրագրեր և ուղիներ, որոնք ես երազանքներ չեմ համարում։ Մենք բոլորս ցանկանում ենք լինել երջանիկ, սակայն յուրաքանչյուր մարդ տարբեր կերպ է ընկալում և սահմանում այդ հասկացությունը։–0–

Loading...
Թեմատիկ նյութեր
Բաժնի այլ նյութեր
18:58
15 Նոյեմբերի 2016
«Նոր հայեր». երեխաների պես ուրախանում էինք, որ կարողացել ենք նվաճել ՈՒՀԱ–ի գավաթը
«Նոր հայեր» թիմի անդամ և դերասան Արմեն Պետրոսյանը «Նովոստի-Արմենիա» գործակալությանը տված բացառիկ հարցազրույցում խոսել է այն մասին, թե ինչպես է թիմը նվաճել ՈւՀԱ–ի 55-ամյակի հոբելյանական միջոցառման գավաթը, արդյոք կյանք կա՞ ՈՒՀԱ-ից հետո, և նա պատրա՞ստ է, արդյոք, վարպետության դասեր տալ ՈւՀԱ–ի երիտասարդ հայ անդամներին:
12:05
26 Հոկտեմբերի 2016
Ադրբեջանը սահմանային լարվածության հրահրմամբ վերահաստատում է, որ հակամարտության կարգավորումը տեսնում է միայն ռազմական ուղիով. ՊՆ
ՀՀ ՊՆ տեղեկատվության և հասարակայնության վարչության պետ, գեներալ–մայոր Վարդան Ավետիսյանը «Նովոստի–Արմենիա» գործակալությանը տված բացառիկ հարցազրույցում խոսել է «Ազգ–բանակ» նոր գաղափարախոսության, շփման գծում Ադրբեջանի ԶՈւ–ի ակտիվացման, ինչպես նաև հայ ժողովրդի հայրենասիրական ոգու մասին։
13:37
18 Հոկտեմբերի 2016
Քերոլայն Քոքս. աշխարհը պետք է Ադրբեջանին ագրեսոր ճանաչի
Մեծ Բրիտանիայի Լորդերի պալատի անդամ, նախկին փոխխոսնակ, բարոնուհի Քերոլայն Քոքսը վերջերս հերթական անգամ այցելել է Ղարաբաղ:
17:19
17 Հոկտեմբերի 2016
Իսկանդարյան. կես տարում ոչ մի լուրջ տնտեսական առաջընթաց չի կարող գրանցվել
ՀՀ նորանշանակ վարչապետին որքանո՞վ է հաջողվել պրոֆեսիոնալների կառավարություն ձևավորել, ինչպե՞ս է կառավարությունը պայքարելու մենաշնորհների դեմ, ի՞նչ ակնկալել իշխող ՀՀԿ-ի համագումարից։
18:29
25 Սեպտեմբերի 2016
Հոլիվուդյան հանրաճանաչ Jessica ապրանքանիշի հիմնադիրը ցանկանում է մատնահարդարման դպրոց բացել Հայաստանում
Ամերիկահայ հանրաճանաչ մատնահարդար Ջեսիկա Վարթուխյանը, ով եղունգների և ձեռքերի խնամքի հեղափոխական «Jessica» համակարգի ստեղծողն է,«Նովոստի-Արմենիա» գործակալությանը տված բացառիկ հարցազրույցում ներկայացրել է ոլորտի համաշխարհային միտումները, ինչպես նաև Հայաստանի և հայաստանցի մասնագետների մասին տպավորությունները:
18:24
03 Սեպտեմբերի 2016
Միհրան Հարությունյան. ես գնում էի Ռիո միայն մեկ մտքով` հաղթելու. ուրիշ ոչ մի ելք չէի տեսնում, ոչ մի արդարացում
Ռիոյի ամառային 31-րդ Օլիմպիական խաղերն այլևս պատմություն են:
15:30
04 Օգոստոսի 2016
«Սեգոդնյա նոչյու» ռուսական հայտնի ռոք խումբը ցնցել է արցախյան բեմը
Ստեփանակերտում օգոստոսի 3-ին տեղի ունեցավ ռուսական ամենաճանաչված ռոք խմբերից մեկի` «Սեգոդնյա նոչյու» խմբի երկար սպասված համերգը: Խումբը Ստեփանակերտի բնակիչներին իսկապես անմոռանալի երեկո և վառ զգացումներ պարգևեց`կատարելով իր ամենաճանաչված հիթերը, որոնք արցախցիները դեռ երկար կհիշեն:
11:15
07 Հուլիսի 2016
Մխիթարյանն իր առաջին հարցազրույցն է տվել MUTV-ին (ՏԵՍԱՆՅՈՒԹ)
Հայաստանի ազգային հավաքականի ավագ, կիսապաշտպան Հենրիխ Մխիթարյանն իր առաջին հարցազրույցն է տվել «Մանչեսթեր Յունայթեդի» պաշտոնական ալիքին:
13:51
06 Հուլիսի 2016
Ժողովրդական համերգ Արցախի համար
Ռուսաստանում Արցախի ընկերները միջոցներ են հավաքում Լեռնային Ղարաբաղի Հանրապետության քաղաքներից մեկում հայտնի ռուս երաժիշտների մասնակցությամբ «կենդանի» համերգ կազմակերպելու համար։ Մենք մի քանի հարց ենք տվել նախաձեռնող խմբի ղեկավար, հայտնի հրապարակախոս Դենիս Դվորնիկովին։
18:55
04 Հուլիսի 2016
Մխիթարյան. կցանկանայի մի օր հանդես գալ Զիդանի գլխավորությամբ
Հայաստանի հավաքականի կիսապաշտպան Հենրիխ Մխիթարյանը հարցազրույց է տվել «Marca» պարբերականին, որում պատմել է անգլիական «Մանչեսթեր Յունայթեդ» իր տեղափոխության, բարեգործության ու շատ այլ բաների մասին:
15:35
27 Հունիսի 2016
Դիշդիշյանը երազում է ֆիլմ նկարահանել Ֆրունզիկ Մկրտչյանի մասին և հուսով է «Օսկար» ստանալ «Երկրաշարժ» ֆիլմի համար
Ռուսաստանաբնակ հայ հայտնի պրոդյուսեր, «Mars media entertainment» ընկերության ղեկավար Ռուբեն Դիշդիշյանը «Նովոստի–Արմենիա» գործակալությանը տված բացառիկ հարցազրույցում պատմել է իր երազանքի մասին։
11:43
30 Մայիսի 2016
Իվետա Մուկուչյան. իմ երկրպագուներին շատ չեմ սպասեցնի
«Նովոստի–Արմենիա» գործակալությանը տված բացառիկ հարցազրույցում երգչուհին խոսել է մրցույթի ընթացքում վերապրած իր հույզերի, Արցախի դրոշը ծածանելու մասին, ներկայացրել է իր կարծիքը մրցույթի հաղթողի մասին։