ԵՐԵՎԱՆ, 13 սեպտեմբերի. /Նովոստի–Արմենիա/. Այս օրերին Սոչիում անցկացվում է հետխորհրդային տարածքի ամենահայտնի մրցույթներից մեկը` «Նոր ալիք 2017»–ը։ Մրցույթի եզրափակիչը, որին մասնակցում է 14 կատարող 9 երկրից, անցկացվում է սեպտեմբերի 8–17–ը։
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան), ով մասնակցել է «Հայաստանի ձայնը» նախագծի եզրափակչին։ Էռնան առաջին երկու ելույթներից հետո գլխավորում է մրցութային աղյուսակն ու հավակնում է հաղթանակի։ Հերթական ելույթից առաջ Էռնան «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։
«Նովոստի–Արմենիա». ի՞նչ է զգում երիտասարդ երգչուհին Հայաստանը նման հայտնի մրցույթում ներկայացնելիս։
Էռնա Մ. Հիանալի զգացողություն է։ Ինձ վաղուց են պատրաստում այս մրցույթին, ես «Մանկական նոր ալիքում» հայտնվելու երկու անհաջող փորձ եմ ունեցել։ Այնպես որ սա արդեն ինչ–որ տեղ սկզբունքի հարց է, ոչ միայն հայտնվել, այլև փորձել հաղթել, ավելին, որ «Արցախի ձայնը» մեր նախագծի փոքրիկներին արդեն հաջողվել է հաղթել «Մանկական նոր ալիքում»։ Կփորձեմ հասնել հաղթանակի, դառնալ մասշտաբային մրցույթի մրցանակակիր։ Աջակցե′ք ինձ։
Загружается новость ... "Лево"
«Նովոստի–Արմենիա». դուք առաջատարի դիրքում եք մրցութային երկու օրերից հետո, ի՞նչ եք զգում հաջող ելույթներից հետո։
Էռնա Մ. Առաջինը զգում եմ, որ կարողացա խնդիրը կատարել 80-90%–ով, իհարկե ոչ ամբողջ 100%–ով։ Այս ամենում մեծ դեր է խաղում հուզմունքն ու այն, որ «Նոր ալիքը» 15 օր տևող մրցույթ–մարաթոն է։
Սակայն մեր նախագծում կոփվածության շնորհիվ ես դիմանում եմ այս ճնշմանը, չէ՞ որ Եվրոպայում նախատեսված վերջին փուլում մենք խմբի հետ ստիպված էինք ելույթ ունենալ ամեն օր` ճամփորդելով քաղաքից քաղաք։ Եվ ընդհանրապես բեմում շատ աշխատելը, փորձ անելը, նոր բեմադրություններ փորձելն իմ մանկավարժի ու պրոդյուսերի ամենօրյա պահանջներն են։
Այնպես որ, ես, առաջին հերթին, բավարարված էի` գիտակցելով, որ կատարել եմ իմ առջև դրված խնդիրները։ Եվ, իհարկե, հաճելի է տեսնել 11 միավոր ժյուրիի բոլոր անդամներից և հանդիսատեսի վերաբերմունքը։ Շնորհակալ եմ բոլորին աջակցության համար։
Загружается новость ...
"Право"
«Նովոստի–Արմենիա». ինչպե՞ս եք ընտրել մրցութային երգերը։
Էռնա Մ. Մրցութային երգերի ընտրությունը ամենակարևոր պահերից է ընդհանուր հաջողության համար։ Դրա վրա ծախսվել է շատ ժամանակ, փող, ուժ։ Եվ արդյունքում ամեն ինչ արվեց ճիշտ, պրոֆեսիոնալ, գրագետ, հաշվի առնվեցին նաև հենց այս մրցույթի երեք օրերի առանձնահատկությունները։ Իմ երգացանկում շատ այլ երգեր կան, սակայն «Նոր ալիքի» երաժշտական պրոդյուսեր Անաստասիա Մուխինայի և իմ պրոդյուսեր Լիրա Քոչարյանի հետ մենք ընտրեցինք հենց այս երգերը։ Ուրախ եմ, որ ժյուրին գնահատեց մեր ընտրությունը։
«Նովոստի–Արմենիա». ինչպե՞ս եք գնահատում ձեր շանսերը, ի՞նչ եք ակնկալում մրցույթի եզրափակչից։
Էռնա Մ. Մրցութային երկու օրերից հետո շանսերն ակնհայտ են։ Իսկ ինչ վերաբերում է ինձ, ապա ես կանեմ ամեն ինչ։ Մնացածը տիեզերքի, Աստծո, էներգետիկայի գործն է, որն ինձ սատարողները փորձում են փոխանցել հեռավորության վրա։
«Նովոստի–Արմենիա». մրցույթի մասնակիցներից ո՞վ է ձեր ֆավորիտը։
Էռնա Մ. Շատ եմ համակրում Ղազախստանի և Վիետնամի ներկայացուցիչներին։ Ընդհանուր առմամբ, մրցույթի մասնակիցներից յուրաքանչյուրը հետաքրքիր է յուրովի։ Ցանկանում եմ բոլորին հաջողություն կարիերայում։–0–
