Ոստիկանությունը պարզում է Երևանում ավտոբուսի պայթյունի հանգամանքները

ԵՐԵՎԱՆ, 25 ապրիլի. /Նովոստի-Արմենիա/. Ոստիկանությունը պարզում է Երևանում ավտոբուսի պայթյունի հանգամանքները, «Նովոստի-Արմենիա» գործակալությանը հայտնեց Հայաստանի ոստիկանության հասարակայնության հետ կապերի վարչության պետ Աշոտ Ահարոնյանը:

«Պայթյունի պատճառները դեռևս պարզ չեն: Տեղում աշխատում են մասնագետները»,- ասաց Ահարոնյանը:

Ինչպես հայտնում է «Նովոստի-Արմենիա» գործակալության թղթակիցը, դեպքի վայր են ժամանել Հայաստանի ոստականապետ Վլադիմիր Գասպարյանը և ԱԻ նախարար Արմեն Երիցյանը:

Այս պահին առկա տեղեկություններով, զոհերի թիվը երկուսն է, վեց տուժածներ տեղափոխվել են «Արմենիա» ԲԿ:
Արտակարգ պատահարի մասին ահազանգը ստացվել է 21:51-ին: Ավտոբուսի պայթյունը տեղի է ունեցել Հալաբյան փողոցում` «Թումո» ստեղծարար տեխնոլոգիաների կենտրոնից ոչ հեռու:

Դեպքի վայր են մեկնել նաև ՃԿԱԿ ՕԽ-ն, ՀՆՓԱԻԿ փրկարարական ջոկատը և երկու մարտական հաշվարկ:
Դեպքի վայրում է գտնվում Ճգնաժամային կառավարման կենտրոնի պետ, փրկարար ծառայության գնդապետ Հովհաննես Խանգելդյանը: --0--