Տուլայում ՃՏՊ-ի հետևանքով տուժածների թվում կան հայեր

ԵՐԵՎԱՆ, 18 հունիսի./Նովոստի-Արմենիա/. Հունիսի 18-ին, ժամը 14.13-ին տեղեկություն է ստացվել, որ Ռուսաստանի Դաշնության Տուլայի շրջանում` Մոսկվա-Երևան ավտոճանապարհի 133-րդ կմ-ին, տեղի է ունեցել ՃՏՊ՝ բախվել են «ԿամԱԶ» մակնիշի բեռնատար ավտոմեքենան և երթուղային միկրոավտոբուսը:

Ինչպես հայտնում է Հայաստանի ԱԻՆ մամուլի ծառայությունը, ըստ նախնական տվյալների՝ պատահարի հետևանքով մահացել է 1, տուժել՝ 6 քաղաքացի, որոնց թվում կան ազգությամբ հայեր: Զոհի և տուժածների քաղաքացիությունը և ինքնությունը ճշտվում են:

ԶԼՄ-ները մանրամասներ են հաղորդում Տուլայում տեղի ունեցած վթարի վերաբերյալ>>

«Դեպքի վայր է մեկնել ՌԴ-ում ՀՀ դեսպանատանը ԱԻՆ ներկայացուցիչ փ/ծ գնդապետ Ա. Ղազարյանը, ով ժամը 17:30-ին հաղորդեց, որ բախվել են «ԿամԱԶ» մակնիշի բեռնատար ավտոմեքենան և «Իվեկո» մակնիշի 22 GG 299 պետհամարանիշով միկրոավտոբուսը (որում եղել են 20 քաղաքացի), ինչի հետևանքով կա 1 զոհ և 9 տուժած: Տուժածներից 6-ը տեղափոխվել են Ստուպինո, 3-ը Տուլա քաղաքի հիվանդանոց»,- ասվում է հաղորդման մեջ:

Նախնական տվյալներով, ավտոբուսում եղել է 17 ուղևոր: -0-