ԵՐԵՎԱՆ, 1 սեպտեմբերի. /Նովոստի–Արմենիա/. Հայաստանի տրանսպորտի, կապի և տեղեկատվական տեխնոլոգիաների նախարարության աշխատակիցները տարհանվել են, հայտնեց նախարարի մամուլի քարտուղար Անահիտ Առաքելյանը։
Առավոտյան ժամը 10։25–ին ահազանգ է ստացվել, որ նախարարության շենքում ռումբ է տեղադրված։ Ներկայում շենքում աշխատում են կինոլոգների և փրկարարների խմբեր։
Загружается новость ...
"Право"
«Նախարարությունից տարհանումը սկսվել է ժամը 11–ի սահմաններում։ Բոլոր աշխատողները կազմակերպված և արագ լքեցին իրենց աշխատատեղերը»,– ասաց նա լրագրողներին։
Նրա խոսքով, նախարարությունը չի գործում, աշխատողները դրսում են։
Նա նաև ավելացրեց, որ շենքը հինգհարկանի է, և նախարարության մուտքը խիստ վերահսկվում է, ինչը բացառում է կողմնակի անձանց մուտքը շենք։ -0-