ԵՐԵՎԱՆ, 20 փետրվարի./Նովոստի–Արմենիա/. Երևանում քաղաքացին դստեր հետ փորձել է մտնել կառավարության շենք` ինքնահրկիզում կատարելու համար, «Նովոստի–Արմենիա» գործակալությանը հայտնեցին ոստիկանության մամուլի ծառայությունից։
«Փետրվարի 19–ին ժամը 11։40–ին տեղեկություն է ստացվել, որ մի տղամարդ աղջկա հետ փորձել է մտնել կառավարության շենք և ինքնահրկիզում կատարել, եթե իր կենցաղային հարցը լուծում չստանա»,– հայտնել են ոստիկանությունում։
Ինչպես հայտնեց մամուլի ծառայության աշխատակիցը, դեպքի վայրում գտնվող ոստիկանները հաղորդել են, որ քաղաքացին իր մոտ վառելիք է ունեցել։ Նա ձերբակալվել և տեղափոխվել է Երևանի կենտրոնական բաժանմունք։ Փաստով նյութեր են նախապատրաստվել։
Հայկական ԶԼՄ–ների հաղորդմամբ, ձերբակալվածը Գյումրիի 54–ամյա բնակիչ Հարություն Պ.–ն է։ Տղամարդուն այս ծայրահեղ քայլին դրդած պատճառների մասին չի հաղորդվում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում