ԵՐԵՎԱՆ, 7 դեկտեմբերի. /Նովոստի Արմենիա/. Այսօր՝ դեկտեմբերի 7-ին, խոշոր ավտովթար է տեղի ունեցել Սյունիքի մարզում:
Ինչպես հայտնում է shamshyan.com–ը, ժամը 12:00-ի սահմաններում Երևան-Երասխ-Մեղրի ավտոճանապարհի 205.5 կմ հատվածում՝ Իշխանասար գյուղի վարչական տարածքում, բախվել են УАЗ մակնիշի և Mercedes Sprinter մակնիշի ավտոմեքենաները: Վթարի հետևանքով УАЗ-ը կողաշրջվել է:
Վարորդը տեղում ստացել է առաջին բժշկական օգնությունը, ինչից հետո նրան տեղափոխել են հիվանդանոց:
Ըստ աղբյուրի, Mercedes Sprinter-ում եղել է 14 ուղևոր ու, բարեբախտաբար, նրանք չեն տուժել: Փաստի առթիվ նյութեր են նախապատրաստվում: –0–