Սևանում ՃՏՊ-ի հետևանքով հայրը մահացել է, որդու վիճակը ծայրահեղ ծանր է

ԵՐԵՎԱՆ, 14 հունվարի. /Նովոստի-Արմենիա/. Կիրակի խոշոր ու ողբերգական ավտովթար է տեղի ունեցել Գեղարքունիքի մարզում:

Ժամը 01:00-ի սահմաններում Սևան քաղաքի Նաիրյան փողոցի բնակիչ, 38-ամյա Հովիկ Ներսիսյանը Սևան քաղաքի Նաիրյան փողոցում իր վարած BMW-ով դուրս է եկել ճանապարհի երթևեկելի գոտուց և բախվել հաստաբուն ծառին:


Ինչպես հայտնում է shamshyan.com-ը, վթարի հետևանքով վարորդ Հ. Ներսիսյանն ու նրա ուղևոր, 30-ամյա Լևոն Հայրումյանը տեղում մահացել են: Մյուս ուղևորը` 16-ամյա Արման Ներսիսյանը, մարմնական վնասվածքներով տեղափոխվել է Սևանի բժշկական կենտրոն, որտեղից էլ Երևանի Սուրբ Աստվածամայր բժշկական կենտրոն:

Փաստի առթիվ Սևանի քննչական բաժնում ՀՀ քր. օր.-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով:

Աղբյուրի հաղորդմամբ`վիրավոր Ա. Ներսիսյանը վարորդ Հ. Ներսիսյանի տղան է, բժիշկների տեղեկացմամբ` գտնվում է ծայրահեղ ծանր վիճակում: -0-