Սարսափելի ՃՏՊ Երևան-Աշտարակ ճանապարհին. կա 2 զոհ, 3 ծայրահեղ ծանր վիրավոր

ԵՐԵՎԱՆ, 11 մարտի./Նովոստի–Արմենիա/. Նախօրեին՝ մարտի 10-ին, խոշոր ու ողբերգական ավտովթար է տեղի ունեցել Երևան-Աշտարակ ավտոճանապարհի Քասաղ գյուղի վարչական տարածքում:

Shamshyan.com–ի հաղորդմամբ, ժամը 18:40-ի սահմաններում Opel մակնիշի ավտոմեքենայի վարորդը, դեպի Երևան ընթանալիս, դուրս է եկել ճանապարհի երթեևեկելի գոտուց, բախվել էլեկտրասյանը և կողաշրջված վիճակում հայտնվել հանդիպակաց երթևեկելի գոտում:

Վթարի հետևանքով 2 մարդ տեղում մահացել է, 3–ը ծայրահեղ ծանր ախտորոշմամբ հոսպիտալացվել են:

Փաստի առթիվ հարուցվել է քրեական գործ ՀՀ ՔՕ 242 հոդվածի 3-րդ մասի հատկանիշներով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ): 

Ոստիկանությունն ու քննչական բաժինը պարզում են վարորդի, մահացածների և վիրավորների ինքնությունը:–0–