Փրկարարները երրորդ օրն է` չեն կարողանում մարել սառնարանների պահեստի հրդեհը Երևանում (ՎԻԴԵՈ)

ԵՐԵՎԱՆ, 21 օգոստոսի. /Նովոստի-Արմենիա/. Արշակունյաց պողոտայում «Ձյունիկ Սառնարան» ԲԲԸ–ում հրդեհի մասին «911» ծառայությանն ահազանգ է ստացվել օգոստոսի 19–ին ժամը 13։54։

Պարզվել է, որ հրդեհը բռնկվել է Արշակունյաց 9/2 հասցեում գտնվող սառնարանային տնտեսության շենքի 3-5 հարկերում։ Յուրաքանչյուր հարկի մակերեսը կազմում է 740 քմ։

Հրդեհի մարման աշխատանքներին ներգրավվել է 11 մարտական հաշվարկ, հատուկ փրկարարական աշխատանքների կենտրոնի ջոկատը և 3 հրշեջ սանդուղք։

Աշխատանքների ընթացքի մասին պարբերաբար զեկուցվում է ԱԻ նախարար Ֆելիքս Ցոլակյանին։ -0-