Փլուզում Գյումրու տներից մեկում. բնակիչներ են տարհանվել

ԵՐԵՎԱՆ, 23 փետրվարի. /Նովոստի–Արմենիա/. Ուրբաթ լույս գիշերն արտակարգ պատահար է տեղի ունեցել Գյումրիում։

Ժամը 03:30-ին ահազանգ է ստացվել, որ Գյումրու Գ.Նժդեհի փողոցի թիվ 7 շենքի 4-րդ հարկից տեղի է ունեցել փլուզում։

Դեպքի վայր է մեկնել մեկ մարտական հաշվարկ:


Հայաստանի ԱԻՆ մամուլի ծառայության տվյալներով, փլուզվել է թիվ 7 կիսաքանդ շենքի 4-րդ և 3-րդ հարկերի ծածկի պանելային հատվածը (մոտ 30 քմ):

Փրկարարները տարահանել են 11 բնակիչ, այդ թվում` 2 երեխա, անվտանգության ժապավենով սահմանազատել վտանգավոր հատվածը:

Գյումրու քաղաքապետարանի բնակտնտեսության և համատիրությունների համակարգման բաժնի պետի կողմից տարահանված բնակիչները տեղափոխվել են ժամանակավոր կացարան: -0-