ԵՐԵՎԱՆ, 29 հունիսի./Նովոստի-Արմենիա/. Մոսկվայի հարավ–արևմուտքում գտնվող առևտրային ցանցերից մեկի մանկական հրապարակի աշխատողը կալանքի տակ է վերցվել։
Հայաստանում ծնված 32–ամյա տղամարդը, ով ըստ իր ռեզյումեի, «պատրաստ է ամբողջովին տրվել աշխատանքին», մեղադրվում է մանկապղծության մեջ։
«Քննության վարկածով, տղամարդը, լինելով մոսկովյան առևտրային կենտրոններից մեկի մանկական խաղասենյակի աշխատող, մանկահասակ տղաների հետ խաղալիս` ճնշել է դիմադրելու նրանց կամքը և սեռական բնույթի գործողություններ կատարել նրանց նկատմամբ»,– հայտնել է Մոսկվայի ՔԿ ԳՎ ղեկավարի ավագ օգնական Յուլիա Իվանովան։
Загружается новость ...
"Право"
Հասկանալի պատճառներով, երեխաների ծնողները մեկնաբանություններից զերծ են մնում։ Այժմ հայտնի է միայն, որ տուժել է ոչ թե երկու, և ոչ էլ երեք, այլ ավելի շատ երեխա։ Մանկական խաղահրապարակի ղեկավարության խոսքով, հանցագործությունները կատարվել են հենց խաղային գոտում։ Մի երեխա բողոքել է ծնողներին, տեսախցիկներն ամեն ինչ հաստատել են, հայտնում է
Ռուսաստանի առաջին ալիքի կայքը։
Առևտրային կենտրոնի ղեկավարությունն արդեն հայտարարություն է տվել` այդ դեպքից հետո անիմատորների համար հարցազրույցի պարտադիր մաս է լինելու ստի դետեկտերով ստուգումը։
Աշխատողի կատարած հանցագործության համար, իրավաբան Ալեքսեյ Կանովի խոսքով, գործատուն միայն վարչական պատասխանատվություն կկրի։ Հնարավոր է` աշխատանքից ազատեն նրան, ով մեղադրյալին աշխատանքի է ընդունել։ Այժմ նախկին անիմատորը կալանքի տակ է։ Քննությունը ստուգում է նրա առնչությունն այլ նմանատիպ հանցագործություններին։ -0-
