ԵՐԵՎԱՆ, 29 նոյեմբերի. /Նովոստի–Արմենիա/. Հայաստանի վարչապետի պաշտոնակատար Նիկոլ Փաշինյանը Վարդենիսի բնակիչների հետ հանդիպմանն ասաց, որ Գեղարքունիքի մարզի Կախակն գյուղից ոչ հեռու ձնահյուսի տակ հայտնված ժամկետային զինծառայողը մահացել է։
Նոյեմբերի 27-ին, ժամը 14:58-ին «911» ծառայությանը տեղեկություն է հաղորդվել, որ Գեղարքունիքի մարզի Կախակն գյուղի մոտակայքում քաղաքացի Մ. Հ.-ն (1994 թ.) մնացել է ձնահյուսի տակ. անհրաժեշտ է փրկարարների օգնությունը:
Նոյեմբերի 28-ին, ժամը 06:55-ին ԱԻՆ ՓԾ հատուկ նշանակության փրկարարական աշխատանքների իրականցման կենտրոնից երկու մարտական հաշվարկ (10 փրկարար) մեկնել են որոնողափրկարարական աշխատանքներ իրականացնելու:
«Խոսքը ժամկետային զինծառայողի մասին է, ով երեք օր առաջ մնացել էր ձնահյուսի տակ։ Վատ լուր ունեմ` գտել են նրա դին։ Ցավակցում եմ նրա հարազատներին, մտերիմներին և ընկերներին»,– ասաց Փաշինյանը։
Նա նաև առաջարկեց հավաքվածներին լռության րոպեով հարգանքի տուրք մատուցել զինծառայողի հիշատակին։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում