ԵՐԵՎԱՆ, 12 հունիսի. /Նովոստի–Արմենիա/. Նախօրեին օձերի աննախադեպ ակտիվություն է դիտվել հանրապետության տարածքում։
Հունիսի 11-ին, ժամը 18:23-ին «911» ծառայությանն ահազանգ է ստացվել, որ Երևան քաղաքի Սարի Թաղ 2-րդ փողոցի տներից մեկի մոտակայքում օձ է նկատվել. անհրաժեշտ է փրկարարների օգնությունը:
Դեպքի վայր մեկնած փրկարարները հայտնաբերել են շահմար տեսակի օձ և տեղափոխել անվտանգ տարածք:
Նույն օրն ավելի վաղ օձեր են հայտնաբերվել նաև Տիչինայի փողոցի տներից մեկի մոտակայքում։ Փրկարարները նշված վայրում հայտնաբերել են սահնօձ տեսակի երկու օձ և տեղափոխել անվտանգ տարածք: Նոր Արեշ 15-րդ փողոցի տներից մեկի բակում շահմար տեսակի օձ է հայտնաբերվել։
Սահնօձ է հայտնաբերվել նաև Երևան քաղաքի Էզրաս Հասրաթյան փողոցի թիվ 2/7 շենքի բակում։
Իսկ Լոռու մարզի Ալավերդի քաղաքի Սպենդիարյան փողոցի թիվ 6 շենքի բնակարաններից մեկում միանգամից երկու գյուրզա է հայտնաբերվել։
Բոլոր օձերը տեղափոխվել են անվտանգ տարածք։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում