Niva–ի և Opel Astra–ի բախումն ԱՄՆ դեսպանատան մոտ (ԲԱՑԱՌԻԿ ՏԵՍԱՆՅՈՒԹ)

ԵՐԵՎԱՆ, 6 հուլիսի. /Նովոստի–Արմենիա/. Հունիսի 3-ին Երևանում ԱՄՆ դեսպանատան հարևանությամբ բախվել են Niva և Opel Astra ավտոմեքենաները։

Ինչպես հայտնում է shamshyan.com–ը, բախման հետևանքով Niva-ն դուրս է եկել երթևեկելի գոտուց և հայտնվել հետիոտնի համար նախատեսված վայրում:

Դեպքի վայրում վարորդները միմյանց էին մեղադրում, իսկ կանաչապատման աշխատանքներ կատարող 2 քաղաքացի, ովքեր չէին ցանկացել ներկայանալ, ասում էին, որ վթարի մեղավորը Opel-ի վարորդն է եղել, մինչդեռ SHAMSHYAN.com-ի տրամադրության տակ գտնվող տեսանյութում երևում է, թե ով է վթարի մեղավորը:

Ինչպես ավելի հայտնել էր աղբյուրը, դեպքը տեղի էր ունեցել հունիսի 3-ին ժամը 11։00-ի սահմաններում Իսակովի պողոտայում։ Բախվել էին Երևանի բնակիչներ՝ 24-ամյա Դավիթ Հարությունյանի վարած ВАЗ 2121 և 47-ամյա Արմեն Էլբակյանի վարած Opel Astra ավտոմեքենաները։


Ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկային, սակայն Нива-ն դուրս էր եկել երթևեկելի գոտուց և հայտնվել հետիոտնի համար նախատեսված մայթին։

Դեպքի վայր են ժամանել Երևանի Ճանապարհային ոստիկանության ծառայողներն ու «Սիլ Ինշուրանս ապահովագրական ընկերության ներկայացուցիչը։

Փաստի առթիվ նյութեր են նախապատրաստվել։ Նշանակվել են մի շարք փորձաքնություններ, որոնց պատասխանները լինելուց հետո կպարզվի, թե ով է եղել վթարի մեղավորը: -0-