ԵՐԵՎԱՆ, 24 հոկտեմբերի. /Նովոստի–Արմենիա/. Բենզասղոցով տղամարդը հարձակվել է ոստիկանության աշխատողների վրա Դիլիջան քաղաքում, հայտնում է Հայաստանի ոստիկանության մամուլի ծառայությունը։
Միջադեպը կատարվել է հոկտեմբերի 11–ին կեսօրին Մյասնիկյան փողոցի տներից մեկի մոտակայքում։
Դիլիջանի ոստիկանական բաժանմունքի օպերատիվ խումբը մեկնել էր տվյալ հասցեով կնոջ զանգից հետո, ով հայտնել է, թե ամուսինը վիճում է ընտանիքի անդամների հետ։
Կնոջ ամուսինը` Արման Հովսեփյանը, բենզասղոցով հարձակվել է ոստիկանների վրա և սպառնացել է սպանել։
Ոստիկաններից մեկը կատարել է նախազգուշական կրակոց օդ, ինչից հետո Հովսեփյանը վնասազերծվել է և տեղափոխվել ոստիկանություն։
Բժշկական փորձաքննությունը հաստատել է, որ հանցագործության փորձ կատարելիս Հովսեփյանը եղել է ալկոհոլի ազդեցության ներքո։
Հովսեփյանը կալանավորվել է, փաստի առթիվ հարուցվել է քրեական գործ իշխանության մարմնի նկատմամբ կյանքի կամ առողջության համար վտանգավոր բռնություն կիրառելու փորձի հատկանիշներով։
Ավելի վաղ Հովսեփյանն ազատազրկված է եղել սպանության և սպանության փորձի համար։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում