ԵՐԵՎԱՆ, 12 նոյեմբերի. /Նովոստի–Արմենիա/. Տուլայի մարզում շրջված Մոսկվա–Երևան ավտոբուսի վարորդին մեդադրանք է առաջադրվել, ՏԱՍՍ–ին են հայտնել մարզային ՆԳՆՎ մամուլի ծառայությունից։ Հիշեցնենք, որ ՃՏՊ–ի հետևանքով ինը մարդ է զոհվել։
«Տուլայի մարզի ՆԳՆՎ քննիչները մեղադրանք են առաջադրել ավտոբուսի վարորդին «Երկու Տրանսպորտային միջոցի շահագործումը, որը հանգեցրել է երկու և ավելի մարդկանց մահվան» հոդվածով։ Այժմ նա մեղադրյալի կարգավիճակում է»,– ասել են մամուլի ծառայությունից, հաղորդում է ՏԱՍՍ–ը։
ՃՏՊ–ից հետո տվյալ փաստով քրեական գործ էր հարուցվել։ Պատիժը նախատեսում է ազատազրկում մինչև յոթ տարի ժամկետով։ Դիտարկվել են պատահարի երկու հավանական պատճառներ` վարորդի քնած լինելը ղեկին և տրանսպորտային միջոցի տեխնիկական անսարքությունը։ Ինչպես հայտնել է ՌԴ ՆԳՆ ղեկավարի տեղակալ Ալեքսանդր Սավյոնկովը, վթարը տեղի է ունեցել ղեկին քնած վարորդի պատճառով։
Այժմ քննությունը շարունակվում է, կատարվում է ավտոբուսի համալիր ավտոտեխնիկական փորձաքննություն։
Ավելի վաղ Տուլայի մարզի Ուզլովայայի դատարանն արտոնել էր ավտոբուսի վարորդի կալանավորումը։ Նա կալանավորված կլինի մինչև 2016 թվականի հունվարի 3–ը։
Նոյեմբերի 3–ի լույս գիշերը Մոսկվա–Երևան ուղևորվող ավտոբուսը կողաշրջվել է Տուլայի մարզի Ուզլովայա շրջանում։ «Կինգ Դելյուքս» ՍՊԸ-ին պատկանող ավտոբուսում եղել է 63 մարդ: Վթարի հետևանքով զոհվել է 9 մարդ։ Ավտոբուսի վարորդի նկատմամբ հարուցվել է քրեական գործ «Ճանապարհային երթևեկության կանոնների խախտում, որն անզգուշությամբ հանգեցրել է երկու կամ ավել անձանց մահվան» հոդվածի հատկանիշներով, նա ձերբակալվել է։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում