ԵՐԵՎԱՆ, 28 հունիսի. /Նովոստի–Արմենիա/. Նախօրեի ուշ երեկոյան ողբերգական ավտովթար է տեղի ունեցել Վայոց Ձորի մարզում, հայտնում է ԱԻՆ մամուլի ծառայությունը։
Ժամը 23:20-ի սահմաններում Ագարակաձոր գյուղի բնակիչ 32-ամյա Վահե Գալստյանը իր Vaz 2101 ավտոմեքենայով Ջերմուկ Մ-2 ավտոճանապարհի 10.4 կմ հատվածում դուրս է եկել ճանապարահի երթևեկելի գոտուց և հարվածել ճանապարհի երկաթյա արգելապատնեշին:
Դեպքի վայր է մեկնել մեկ մարտական հաշվարկ:
Загружается новость ... "Лево"
Ինչպես հայտնում է shamshyan.com–ը, վթարի հետևանքով վարորդն ու նրա ուղևորուհի, Արարատ քաղաքի բնակիչ 28-ամյա Սիրուն Հարությունյանը, ով տեղի ուժերով դուրս է բերվել ավտոմեքենայից, մարմնական վնասվածքներով տեղափոխվել են Վայքի բժշկական կենտրոն:
Ըստ աղբյուրի, հիվանդանոցի ճանապարհին Ս. Հարությունյանը մահացել է:
Փաստի առթիվ հարուցվել է քրեկան գործ ՀՀ Քր-օրի 242 հոդվածի 2-րդ մասի (Ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթեւեկության եւ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) հատկանիշով: -0-
