486.74
-0.21
511.42
-1.92
8.41
+0.01
-3
Եղանակը Երևանում
Հայ
Ավետիսյանների սպանության գործի վերաբերյալ նոր հանգամանքներ են բացահայտվել. իրավաբան
21:10
14 Մայիսի 2015

ԵՐԵՎԱՆ, 14 մայիսի. /Նովոստի–Արմենիա/. Գյումրիում Ավետիսյանների սպանության գործով անցկացված գենետիկ փորձաքննությունը ցույց է տվել, որ ընտանիքի հայրը` Սերյոժա Ավետիսյանը, մահից առաջ դիմադրություն է ցույց տվել մարդասպանին, հայտնել է Ավետիսյանների ընտանիքի իրավահաջորդների իրավաբան Լուսինե Սահակյանը։

Գյումրիում, որտեղ տեղակայված է ռուսական 102–րդ ռազմակայանը, հունվարի 12–ին վեց հոգանոց ընտանիք էր սպանվել, վիրավորված 6 ամսական տղան մահացել էր հիվանդանոցում մեկ շաբաթ հետո։ Հանցագործության կատարման մեջ կասկածվում է ժամկետային զինծառայող ռուս Վալերի Պերմյակովը։ Նա ձերբակալվել է և ինքնախոստովանական ցուցմունք է տվել։ Կատարվում է քննություն։

«Ընտանիքի հոր և նրա կնոջ մարմինների դիրքը խոսում է այն մասին, որ հարձակման պահին նրանք քնած չեն եղել։ Քննության ընթացքում պարզվել է, որ Ավետիսյանը պայքարի մեջ է մտել մարդասպանի հետ, քանի որ մարմնի վրա, բացի փամփուշտի տեղերից հայտնաբերվել են նաև բութ գործիքով հասցված վնասվածքներ»,– ասաց Սահակյանը։

Ըստ նրա, այդպիսի վնասվածքներ են հայտնաբերվել ձախ աչքի տակ, աջ ուսի վրա և որովայնի հատվածում։

«Դատաբժշկական քննության արդյունքում պարզվել է, որ Սերյոժա Ավետիսյանը փորձել է դիմադրել մարդասպանին, և որ ինքնաձիգի փողի և կոթի վրա քրտնաճարպային հետքեր են հայտնաբերվել»,– նշեց Սահակյանը։

Նրա խոսքով` անկողնուց հասցրել է վերկենալ նաև Սերյոժա Ավետիսյանի որդին` Արմեն Ավետիսյանը, որի մարմինը հայտնաբերվել է հատակին, իսկ նրա կինը` Արաքսյա Պողոսյանը, սպանության պահին եղել է մահճակալին` փոքրիկ Սերյոժայի հետ։

«Նա, ինչպես և երեխան, ստացել են կտրող–ծակող վերքեր, հավանաբար, ինքնաձիգի սվին–դանակով։ Գենետիկ փորձաքննությունը հաստատել է սվին–դանակի վրա զոհերի արյան հետքերը, որոնք հավանաբար պատկանում են մորն ու երեխային»,– ասաց Սահակյանը։

Իրավաբանի խոսքով` ամենայն հավանականությամբ, մայրը փորձել է պաշտպանել երեխային, ինչի հետևանքով էլ ստացել է ձեռքի շրջանում սվին–դանակի հասցրած վնասվածքները։

Սահակյանը նշեց, որ հավանաբար առաջին սենյակում սկեսրոջ սպանությունից հետո, երկրորդ և երրորդ սենյակներում ընտանիքի մյուս անդամներն արթնացել են և փորձել են որոշակի գործողություններ ձեռնարկել։

«Բայց քանի որ տունը շատ փոքր է, և մի սենյակից մյուսն անցնելը երկար ժամանակ չի պահանջում, ապա, ամենայն հավանականությամբ, ընտանիքի մյուս անդամները պարզապես չեն հասցրել վնասազերծել հանցագործին»,– նշեց Սահակյանը։

Ավետիսյանների ընտանիքի իրավահաջորդների մյուս իրավաբան Միհրան Պողոսյանն իր հերթին նշեց, որ փորձաքննությունների արդյունքում հայտնաբերվել է, որ ինքնաձիգից կրակոցն իրականացվել է հորիզոնական դիրքով։

«Տան պատերի և կահույքի վնասվածքները խոսում են այն մասին, որ կրակոցների պահին զենքի փողը գտնվել է հորիզոնական դիրքում։ Այսինքն` վերևից ներքև կրակոցներ չեն եղել»,– ասաց Պողոսյանը։

Նա նշեց, որ խոսքը տանը հայտնաբերված գույքի, այլ ոչ զոհվածների մարմինների վնասվածքների մասին է։

«Ինչ վերաբերում է նրան, թե ինչ դիրքում էին զոհերը կրակոցների պահին, առայժմ չի պարզվել, նշանակվել է նոր փորձաքննություն, որը կպատասխանի այդ հարցերին»,– նշեց Պողոսյանը։

Փորձաքննության տվյալներով, Պերմյակովի արյան նմուշից վերցրած ԴՆԹ–ն 99.99 տոկոսով համընկնում է Ավետիսյանների տանը վառարանի վրա հայտնաբերված ծխախոտի մնացորդի վրա հայտնաբերված ԴՆԹ–ի հետ։

ԴՆԹ–ի նույն հետքերն են հայտնաբերվել նաև սվին դանակի պատյանի և կոթի, սվին դանակի կաշեփոկի և ԱԿՍ-74 ինքնաձիգի, փամփուշտներով պարկուճի և պայուսակի վրա։ -0-

Loading...
Թեմատիկ նյութեր
Բաժնի այլ նյութեր
20:20
22 Փետրվարի 2017
Մոսկվայում Porsche–ով հետիոտնին վրաերթի ենթարկած Սարկիսովը հարբած է եղել
Մոսկվայում մահվան ելքով ՃՏՊ–ի մեղավոր Վարդան Սարկիսովը չի թաքցրել, որ հարբած է եղել վթարի պահին։
16:47
22 Փետրվարի 2017
19–ամյա երիտասարդը դեմքի այրվածք է ստացել Երևանում գողերի վնասազերծելիս
Նախօրեին արտակարգ դեպք է տեղի ունեցել Երևանում։
14:21
22 Փետրվարի 2017
ՌԴ երկու քաղաքացի լուրջ վնասվածքներ են ստացել Ծաղկաձորի դահուկուղում
Նախօրեին ՌԴ երկու քաղաքացի լուրջ վնասվածքներ են ստացել Ծաղկաձորի դահուկուղում։
12:46
22 Փետրվարի 2017
Բացառիկ տեսանյութ. Երևանում Nissan Teana–ն մխրճվում է շինության մեջ
Հրապարակվել է բացառիկ տեսանյութ այն մասին, թե ինչպես է Երևանում փետրվարի 18-ին տեղի ունեցել Honda-ի և Nissan Teana-ի բախումը։
20:07
21 Փետրվարի 2017
Խոշոր ավտովթար Տավուշում. 3 վիրավորների թվում պայմանագրային զինծառայող կա
Այսօր՝ փետրվարի 21-ին, խոշոր ավտովթար է տեղի ունեցել Տավուշի մարզում:
19:21
21 Փետրվարի 2017
27–ամյա աղջկան փորձել են բռնաբարել երևանյան հյուրանոցային համալիրներից մեկում
Երևանում գտնվող հյուրանոցային համալիրներից մեկում աղջկան փորձել են բռնաբարել, ինչի ժամանակ էլ ծեծի են ենթարկել։
18:18
21 Փետրվարի 2017
Գեղարքունիքի մարզում Mitsubishi–ն գլորվել է ձորը. 56–ամյա ուղևորը տեղում մահացել է
Այսօր ցերեկը ողբերգական ավտովթար է տեղի ունեցել Քարվաճառ-Վարդենիս ավտոճանապարհին։
17:55
21 Փետրվարի 2017
Վանաձորցի 44–ամյա կինը հայտարարել է, որ իրեն 7 տարի առաջ բռնաբարել են
Վանաձորցի 44-ամյա կինը հայտարարել է, թե իրեն բռնաբարել են։
16:08
21 Փետրվարի 2017
Երևանում 31–ամյա տղամարդը ինքնասպանության փորձ է կատարել
Այսօր գիշերը 31-ամյա որդին իրենց տանը մոր հետ վիճաբանելուց հետո ինքնասպանության փորձ է կատարել:
13:59
21 Փետրվարի 2017
Արարատում դանակի 7 հարվածներով հորը սպանած որդին տեղափոխվել է հոգեբուժարան (ՏԵՍԱՆՅՈՒԹ)
Նախօրեին դռնփակ դատական նիստ է անցկացվել փետրվարի 16–ին Արարատում կատարված հայրասպանության գործով։
13:37
21 Փետրվարի 2017
«Արմենիա» ԲԿ–ից կալանավորի փախուստի պատճառը պաշտոնեական անփութությունն է. ՀՔԾ
Փետրվարի 4-ին «Արմենիա» բժշկական կենտրոնից փախուստի էր դիմել «Նուբարաշեն» քրեակատարողական հիմնարկի կալանավորը։
19:46
20 Փետրվարի 2017
Հայտնի է դարձել գիշերային ակումբում 4 անձի դանակահարության շարժառիթը
ՀՀ քննչական կոմիտեն պարզում է Աբովյան քաղաքում գործող գիշերային ակումբներից մեկում տեղի ունեցած դանակահարության հանգամանքները: