486.21
-0.98
517.62
-1.72
8.15
+0.04
-3
Եղանակը Երևանում
Հայ
Հնարավոր է՝ Պերմյակովը ծանոթ է եղել սպանված Ավետիսյանների ընտանիքի անդամների հետ. փորձագետ
17:10
17 Հունվարի 2015

ԵՐԵՎԱՆ, 17 հունվարի. /Նովոստի–Արմենիա/. Հնարավոր է՝ Գյումրիում Ավետիսյանների ընտանիքի վեց անդամների սպանության մեջ մեղադրվող ռուս զինծառայող Վալերի Պերմյակովը ծանոթ է եղել զոհերից ոմանց հետ, շաբաթ օրը լրագրողներին ասաց Քայքայիչ պաշտամունքներից տուժածների օգնության և վերականգնողական կենտրոնի ղեկավար Ալեքսանդր Ամարյանը:

Հունվարի 12–ին Գյումրիում, որտեղ տեղակայված է ռուսական 102–րդ ռազմակայանը, վեց հոգանոց ընտանիք է սպանվել։ Միակ ողջ մնացածը վեց ամսական Սերյոժա Ավետիսյանն է, ով հիմա վերակենդանացման բաժանմունքում է։ Հանցագործության կատարման մեջ կասկածվում է ռուս ժամկետային զինծառայող Վալերի Պերմյակովը, նա ձերբակալվել է երեքշաբթի և արդեն ընդունել է իր մեղքը։

«Ես կարող եմ ենթադրել, որ Ավետիսյաններն աշխատել են Չիտայում և Պերմյակովի հետ ծանոթ են եղել», – ասաց Ամարյանը։

Փորձագետի խոսքով` իրավապահ մարմինները պետք է ուշադրություն դարձնեն այն փաստին, թե ինչ հարաբերությունների մեջ է եղել Պերմյակովը Ավետիսյանների ընտանիքի հետ և Ռուսաստանի որ քաղաքում են նրանք աշխատել։

 «Պերմյակովի և՛  հայրը, և՛  մայրն աղանդավորներ են` «Հույս, Հավատ, Սեր» խարիզմատիկ եկեղեցու անդամներ, որը ստեղծվել է 1987 թ.–ին և որի կենտրոնը Չիտայի մոտակայքում գտնվող Բալեյ քաղաքն է», – ասաց Ամարյանը։

Փորձագետն ընդգծեց, որ այդ աղանդի ղեկավարման մեխանիզմը կոչվում է G12, ըստ որի` յուրաքանչյուր խմբում պետք է 12–ական մարդ լինի։ Նա նշեց, որ նման աղանդները կարող են կիրառել սպանություններ` բացատրելով, որ «մեղսագործներին ճիշտ ուղու վրա են դնում»։

«Ոչ ոք կրոնի քողի տակ հանցագործություն կատարելու և հատկապես մարդկանց կյանքից զրկելու իրավունք չունի», – ընդգծեց փորձագետը։

Ամարյանը նշեց, որ «Հույս, Հավատ, Սեր» աղանդի վերադասը «Փրկությունը Հիսուսի մեջ է» աղանդն է, որի վերադասը «Ավատերանչական հավատքի քրիստոնյաների ռուսական եկեղեցին է», իսկ ամենավերևում Ամերիկայում գործող և աղանդների հայրենիք համարվող «Ֆիլադելֆիա» 50–ականների եկեղեցին է։

«Այս բոլոր եկեղեցիների ղեկավարները հիմնականում ուկրաինացիներ են», – նշեց Ամարյանը։

Նրա խոսքով` Ավետիսյանների ընտանիքի անդամները սպանվել են, այսպես կոչված, «Դանիելի պահքի» օրը, երբ աղանդավորներն ունեն որոշակի «նպատակներ և առաքելություններ»։

Փորձագետը հիշեցրեց նաև, որ Գյումրու ողբերգությունից հետո հակառուսական տրամադրություններ բռնկվեցին։

 «Նկատեք, որ այդ տրամադրությունները հակակրոնական չեն` անգամ հաշվի առնելով այն, որ այս պատմության հետ կարող է աղանդ կապ ունենալ, դրանք ուղղված չեն որևէ կոնկրետ անձի դեմ, դրանք հակառուսական են», – ընդգծեց Ամարյանը։–0–

Loading...
Թեմատիկ նյութեր
Բաժնի այլ նյութեր
12:27
21 Հունվարի 2017
Ժամերի ընթացքում բացահայտվել է նախօրեին Երևանում տեղի ունեցած 57-ամյա տղամարդու սպանությունը. կասկածյալը ձերբակալվել է
Շաբաթ ոստիկանության աշխատակիցները և Հայաստանի քննչական կոմիտեի քննիչները բացահայտեցին նախօրեին Երևանի Թումանյան 37 շենքի բնակարան 8-ում 57-ամյա Արմեն Սուրմենլենյանի սպանությունը։
11:00
21 Հունվարի 2017
Սպանություն է տեղի ունեցել Երևանի կենտրոնում
Նախօրեին սպանություն է տեղի ունեցել Երևանում:
20:27
20 Հունվարի 2017
Երկրաշարժ Վրաստանում. ցնցման ուժգնությունը էպիկենտրոնում կազմել է 5-6 բալ
Ստորգետնյա ցնցման ուժգնությունը էպիկենտրոնում կազմել է 5-6 բալ:
17:50
20 Հունվարի 2017
Սպանության կասկածանքով բերման ենթարկված 44–ամյա տղամարդը հայտնել է անհետ կորած կնոջ դիակի գտնվելու վայրը
Սպանության կասկածանքով բերման ենթարկված Կոտայքի բնակիչը հայտնել է անհետ կորած կնոջ դիակի գտնվելու վայրը։
17:14
20 Հունվարի 2017
Հայաստանում գրանցվել է բոտուլիզմի 2 դեպք` 6 տուժածով. մեկի վիճակը ծանր է
Արմավիրի մարզի Ակնալիճ և Տավուշի մարզի Զորական գյուղերում օրերս արձանագրվել է բոտուլիզմի 2 դեպք` 6 տուժածով:
10:53
20 Հունվարի 2017
Մահվան ելքով ավտովթար է տեղի ունեցել Լերմոնտովո գյուղում
Նախօրեի երեկոյան խոշոր ավտովթար է տեղի ունեցել Լոռու մարզում:
20:35
19 Հունվարի 2017
Երևանում բախվել են Renault և LADA Priora մեքենաները. կան վիրավորներ
Հինգշաբթի ավտովթար է տեղի ունեցել Երևանում:

20:20
19 Հունվարի 2017
Թեհրանի շենքերից մեկի փլուզման հետևանքով տուժածների թվում հայեր չկան. ԱԳՆ
Թեհրանի բարձրահարկ շենքերից մեկում բռնկված հրդեհի հետևանքով տուժածների թվում, նախնական տվյալներով, հայեր չկան:
11:29
19 Հունվարի 2017
Արտառոց միջադեպ Մոսկվա–Երևան չվերթի ժամանակ. ուղևորը հայհոյանքներ է հնչեցրել բորտուղեկցորդների հասցեին
Դեպքի առթիվ ոստիկանությունում հարուցվել է քրեական գործ։
20:43
18 Հունվարի 2017
Երևանի բնակարաններից մեկում դի է հայտնաբերվել
Երևանի բնակարաններից մեկում այսօր դի է հայտնաբերվել։
18:27
18 Հունվարի 2017
Նոր մանրամասներ Կապանի ԲԿ–ում 53–ամյա անեսթեզիոլոգի կողմից կատարված բռնաբարության փորձի մասին
Հայտնի են նոր մանրամասներ Կապանի ԲԿ–ում 53–ամյա անեսթեզիոլոգի կողմից 18–ամյա հիվանդի բռնաբարության փորձի մասին։