478.83
-0.02
557.93
-0.17
7.98
-0.01
+24
Եղանակը Երևանում
Հայ
Գյումրիում կատարված սպանությունը չպետք է ազդի Ռուսաստանի և ԵՏՄ–ի հետ Հայաստանի հարաբերությունների վրա. քաղաքագետ
16:35
15 Հունվարի 2015

ԵՐԵՎԱՆ, 15 հունվարի. /Նովոստի–Արմենիա/. Գյումրիում կատարված սպանությունը չպետք է ազդի Ռուսաստանի և ԵՏՄ–ի հետ Հայաստանի հարաբերությունների վրա, կարծում է քաղաքագետ Սերգեյ Շաքարյանցը։

«Նմանատիպ դեպքերը չպետք է ազդեն հայ–ռուսական հարաբերությունների և ԵՏՄ–ի հետ Հայաստանի հարաբերությունների ձևաչափի վրա, որքան էլ հակառուսական ուժերը ցանկանում են շահարկել դա»,– ասաց Շաքարյանցը «Sputnik-Արմենիա» ռադիոկայանին հետ զրույցում։

Ոստիկանության տվյալների համաձայն, հունվարի 12–ի առավոտյան ինքնաձիգից արձակած կրակոցներից սպանվել են նույն ընտանիքի անդամները` 1961թ.–ին ծնված Սերյոժա Ավետիսյանը, 1959թ.–ին ծնված Հասմիկ Ավետիսյանը, 1979թ.–ին ծնված Աիդա Ավետիսյանը, 1981թ.–ին ծնված Արմեն Ավետիսյանը, 1990թ.–ին ծնված Արաքսյա Պողոսյանը և Հասմիկ Ավետիսյանը։ Միակ ողջ մնացած վեց ամսական Սերյոժա Ավետիսյանին նախօրեին վիրահատել են Գյումրու ավստրիական մանկական հիվանդանոցում։ Այս պահին Սերյոժա Ավետիսյանը Երևանի հիվանդանոցներից մեկում է, երեխայի վիճակը գնահատվում է կայուն ծանր։

Ըստ նախնական տվյալների՝ հանցագործությունը կատարել է ժամկետային զինծառայող Վալերի Պերմյակովը: Հունվարի 12–ին նա կամավոր լքել է զորամասը, ինչի կապակցությամբ նրա նկատմամբ հետախուզում էր հայտարարվել։ Հունվարի 13–ին Պերմյակովը ձերբակալվել էր սահմանային ջոկատի կողմից հայ–թուրքական սահմանն անօրինական կերպով հատելու փորձի ժամանակ և արդեն ընդունել է իր մեղքը։

Շաքարյանցի խոսքով` այդպիսի «պերմյակովներ» կան ինչպես Հայաստանի քաղաքացիների շրջանում, այնպես էլ` Ռուսաստանի Դաշնությունում, այդ իսկ պատճառով պետք է հստակ տարանջատել կոնկրետ քրեական գործը միջպետական հարաբերություններից։

Քաղաքագետը նշեց, որ այս հանցագործությունը որևէ կերպ չպետք է ազդի հայ–ռուսական հարաբերությունների վրա, ինչպես չեն ազդում այլ պետություններում տեղակայված ռազմակայանների զինծառայողների կատարած հանցագործությունները։

«Օրինակ կարող են ծառայել Մերձավոր Արևելքի ամերիկյան ռազմակայանները, որտեղ հաճախ են այդպիսի դեպքեր գրանցվում։ Սակայն, ինչպես տեսնում ենք, դա լուրջ ազդեցություն չի ունենում միջպետական հարաբերությունների վրա»,– նշեց Շաքարյանցը։

Քաղաքագետը պատահական չէ համարում այն, որ Գյումրիում սպանությունից 38 րոպե անց այդ մասին գրել է «The Washington Post» ամերիկյան պարբերականը։

«Այդպիսի արագություն նրանք ցույց չէին տվել նույնիսկ ֆրանսիական խմբագրությունում կատարված սպանությունից հետո։ Իսկ այս դեպքում շատ կասկածելի է, որ ամերիկյան թերթի լրագրողը Գյումրիում է եղել»,– ասաց նա։

«Ես նույնիսկ վստահ եմ, որ նա նույնիսկ Երևանում չի եղել։ Բայց, օրինակ, Գյումրիում կա ամերիկյան հյուպատոսություն, որտեղ շտապել են լուրը հրապարակել` ստվեր նետելով ռուս–հայկական հարաբերությունների վրա և վարկաբեկել դաշնակցային հարաբերությունները»,– ասաց նա։

Շաքարյանցը նշեց, որ այդ պատճառով նա պահանջում է իշխանություններից անհապաղ կարգի հրավիրել բոլոր նրանց, ովքեր Հայաստանում ամերիկյան շահերից բխող գործունեություն են իրականացնում, ինչպես նաև, օգտագործելով այս սպանությունը` փորձում են  ապակայունացնել ներքին վիճակը և թուլացնել հայ–ռուսական դաշնակցային հարաբերությունները։

ՀՀ գլխավոր դատախազ Գևորգ Կոստանյանը հինգշաբթի վերահաստատել է, որ ռուսական ռազմակայանի զինծառայող Վալերի Պերմյակովը, ով կասկածվում է Գյումրիում վեց մարդու սպանության մեջ և որին հինգշաբթի հայկական կողմը մեղադրանք կներկայացնի, պատասխանատվության կենթարկվի Հայաստանի տարածքում։

ՀՀ պաշտպանության նախարար Սեյրան Օհանյանն ավելի վաղ հայտարարել է, որ չպետք է քաղաքականացնել այս հարցը` նշելով երկու երկրների դաշնակցային հարաբերությունները։ Ավելի վաղ նաև հաղորդվում էր, որ սպանությունը քննվում է Ռուսաստանի և Հայաստանի իրավապահների սերտ փոխգործակցությամբ։

Ողբերգությունից հետո Հայաստան է ժամանել ՌԴ ՊՆ հանձնաժողովը` գերատեսչության փոխնախարար, բանակի գեներալ Արկադի Բախինի գլխավորությամբ, ով Օհանյանի հետ հանդիպման ժամանակ հայտարարել է, որ Ռուսաստանը կշարունակի համագործակցել Հայաստանի հետ միջադեպի քննության շրջանակում։ ՌԴ ԱԳՆ–ն ևս հայտարարել է, որ ՌԴ–ի իրավասու մարմինները Հայաստանի իշխանություններին ցուցաբերում են անհրաժեշտ աջակցություն, «որպեսզի այս ողբերգության մեղավորները ենթարկվեն ամենադաժան պատասխանատվության»։-0-

Loading...
Թեմատիկ նյութեր
Բաժնի այլ նյութեր
17:34
25 Հուլիսի 2017
Սևանում դուստրը փորձել է խեղդել մորը
47–ամյա դուստրը փորձել է խեղդել 81–ամյա մորը։
16:43
25 Հուլիսի 2017
Վանաձորում երեք անհայտ անձ աղջկա են բռնաբարել
Վարաձորում երեք անհայտ անձ աղջիկ են առևանգել, ինչից հետո բռնաբարել են նրան։
12:18
25 Հուլիսի 2017
Տղամարդու դի է հայտնաբերվել Գյումրու բենզալցակայանում
Երեքշաբթի առավոտյան արտակարգ դեպք է տեղի ունեցել Շիրակի մարզում:
11:34
25 Հուլիսի 2017
«Գոյության կռիվ» Վերնիսաժում. կանայք ծեծել են իրար (ՎԻԴԵՈ)
Երեքշաբթի առավոտյան «Վերնիսաժում» առևտրային կետի համար ծեծկռտուք է տեղի ունեցել։
10:34
25 Հուլիսի 2017
Wolksvagen Golf-ում հրդեհ է բռնկվել. մեքենան վերածվել է մոխրակույտի
Նախօրեին խոշոր ավտովթար է տեղի ունեցել Երևանում:
19:29
24 Հուլիսի 2017
Մասիս–Նուբարաշեն ճանապարհին մեքենա է կողաշրջվել. կա 1 զոհ, 3 վիրավոր (ՎԻԴԵՈ)
Նախօրեին խոշոր ու ողբերգական ավտովթար է տեղի ունեցել Արարատի մարզում։
14:56
24 Հուլիսի 2017
Մեծամորում հանցավոր մեծ խումբ է վնասազերծվել (ՎԻԴԵՈ)
Օրեր առաջ Մեծամորում 9 հոգանոց հանցավոր խումբ է վնասազերծվել։
13:29
24 Հուլիսի 2017
«Զվարթնոց» օդանավակայանում 65–ամյա ուղևոր է մահացել
«Զվարթնոց» օդանավակայանում Քաթարից ժամանած 65–ամյա ուղևոր է մահացել։
13:18
24 Հուլիսի 2017
Ավտովթար Լոռիում. երկու հոսպիտալացվածներից մեկը ՌԴ քաղաքացի է
Կիրակի՝ հուլիսի 23-ին, խոշոր ավտովթար է տեղի ունեցել Լոռու մարզում։
11:40
24 Հուլիսի 2017
36–ամյա քաղաքացի է կորել Շիրակում. ենթադրվում է, որ նա ջրահեղձ է եղել
Այս գիշեր Շիրակի մարզում 36–ամյա քաղաքացի է կորել։
10:45
24 Հուլիսի 2017
Պայթյուն Արտաշատի գազալցակայաններից մեկում. 1 մարդ հոսպիտալացվել է
Վաղ առավոտյան պայթյուն է որոտացել Արտաշատի գազալցակայաններից մեկում։
10:15
24 Հուլիսի 2017
Երևանում ուղևորատար «Գազել» է վթարվել. 7 մարդ հոսպիտալացվել է
Նախօրեին՝ հուլիսի 23-ին, խոշոր ավտովթար է տեղի ունեցել Երևանում: