481.93
+0.2
569.16
+0.19
8.37
-0.02
+9
Եղանակը Երևանում
Հայ
«Հարսնաքարի» գործով ամբաստանյալները դատապարտվեցին 12-ական տարվա ազատազրկման
17:40
24 Մարտի 2014

ԵՐԵՎԱՆ, 24 մարտի. /Նովոստի–Արմենիա/.  Երևանի Ավան և Նոր-Նորք վարչական շրջանների դատարանում հրապարակվեց 2012թ.–ի հունիսի 17-ին «Հարսնաքար»  ռեստորանային համալիրի տարածքում բռնարարքի գործով դատավճիռը, հայտնում է pastinfo.am կայքը:
 
Վեց ամբաստանյալները, որոնցից չորսը համալիրի անվտանգության աշխատակիցներ են, մեկը՝ մատուցող, ևս մեկը՝ առաքիչ, դատապարտվեցին 12-ական տարվա ազատազրկման և յուրաքանչյուրը 100 000 ՀՀ դրամ տուգանքի:

«Ամբաստանյալներ՝ համալիրի անվտանգության ծառայության աշխատակիցներ Գարիկ Մարգարյանին, Արման Բաղդասարյանին, Արման Խաչատրյանին Նորայր Հայրապետյանին, մատուցող Դավիթ Ադամյանին եւ առաքիչ Արթուր  Բաբլոյանին դատարանը մեղավոր ճանաչեց ՀՀ քրեական օրենսգրքի 112-րդ հոդվածի 2-րդ մասի 6 –րդ և 14 –րդ կետերով, 113-րդ հոդվածի 2-րդ մասի 1,3 կետերով և 118-րդ հոդվածով՝ դիտավորությամբ առողջությանը ծանր վնաս պատճառելը, դիտավորությամբ առողջությանը միջին ծանրության վնաս պատճառելը և ծեծը»,– ասվում է հայտարարության մեջ։

2012 թվականի ամենաաղմկալի հանցագործություններից մեկն Ազգային ժողովի նախկին պատգամավոր, Հայաստանի ֆուտբոլի ֆեդերացիայի նախագահ Ռուբեն Հայրապետյանին պատկանող «Հարսնաքար» ռեստորանում տեղի ունեցած դաժան հաշվեհարդարն էր։

Հունիսի 17-ին դաժան ծեծկռտուք էր եղել «Հարսնաքար» ռեստորանային համալիրում և ծեծի էր ենթարկվել ՊՆ կենտրոնական կայազորի ռազմական հոսպիտալի քիթ-կոկորդի բաժանմունքի պետ, բուժծառայության մայոր Վահե Ավետյանը:  Նրան գլխի ծանր վնասվածքով տեղափոխել են հոսպիտալ և նյարդավիրաբուժական վիրահատության ենթարկել: Չնայած բժիշկների ջանքերին՝ նրա կյանքը փրկել չի հաջողվել:

Ոստիկանությունը հետագայում ձերբակալեց միջադեպի վեց մասնակիցների և նրանց մեղադրանք առաջադրեց 112–րդ հոդվածով (մի խումբ անձանց կողմից դիտավորությամբ առողջությանը ծանր վնաս հասցնելը, որն անզգուշությամբ մահվան պատճառ է դարձել), 113–րդ հոդվածով (առողջությանը միջին ծանրության վնաս հասցնելը մեկ և ավելի անձանց), ինչպես նաև 118–րդ հոդվածով` ծեծի ենթարկելը։

Բժշկին դաժանաբար ծեծելու փաստը մեծ արձագանք գտավ հասարակության շրջանում, իսկ նրա մահվան լուրը ցնցեց ողջ սոցիալական ցանցը: Ֆեյսբուք սոցիալական կայքում շատերն իրենց նկարի փոխարեն Վահե Ավետյանի նկարն էին տեղադրել: Արդյունքում` Ռուբեն Հայրապետյանը հրաժարվեց իր մանդատից։

Դատավճիռը շատ բուռն արձագանք ստացավ դեռևս հրապարակման փուլում. ամբաստանյալների և նրանց հարազատների կողմից հնչեցին հայհոյանքներ և անեծքներ ուղղված դատարանին, տուժող կողմին և լրագրողներին, ներառյալ՝ սեռական բնույթի հայհոյանքներ:-0-

Loading...
Թեմատիկ նյութեր
Բաժնի այլ նյութեր
19:37
22 Հոկտեմբերի 2017
Չինաստանում ավտոմեքենան ՃՏՊ–ից հետո հայտնվել է ծառի վրա (ՎԻԴԵՈ)
Չինաստանում ՃՏՊ–ի հետևանքով ավտոմեքենան հայտնվել է ծառի վրա։
13:59
22 Հոկտեմբերի 2017
Խոշոր ավտովթար Երևան–Սևան ճանապարհին. վիրավորները ծանր վիճակում են
Նախօրեին երեկոյան խոշոր ավտովթար է տեղի ունեցել Երևան–Սևան ճանապարհին։
12:49
21 Հոկտեմբերի 2017
Երևանում 54–ամյա քաղաքացին փորձել է ինքնասպան լինել` կտրելով երակները
Նախօրեին երեկոյան ինքնասպանության փորձ է կանխվել Երևանում։
11:27
21 Հոկտեմբերի 2017
Վրաերթ Երևանում. երիտասարդ տղան տեղում մահացել է
Նախօրեին ուշ երեկոյան վրաերթ է տեղի ունեցել Երևանում։
16:46
20 Հոկտեմբերի 2017
Խոշոր ավտովթար Զովունիում. կան վիրավորներ (ՎԻԴԵՈ)
Այսօր խոշոր ավտովթար է տեղի ունեցել Կոտայքի մարզում։
16:06
20 Հոկտեմբերի 2017
ՆԳՆ նախկին փոխգնդապետը կասկածվում է Մոսկվայում 44–ամյա հայի դաժան սպանության մեջ
ՆԳՆ նախկին փոխգնդապետը ձերբակալվել է Մոսկվայի կենտրոնում 44–ամյա հայի սպանության կասկածանքով:
14:28
20 Հոկտեմբերի 2017
Մոսկվայում Հայաստանի և Տաջիկստանի քաղաքացիների միջև ծեծկռտուք է տեղի ունեցել
Հայտնի է, որ վեճի բոլոր մասնակիցները ճանապարհային աշխատողներ են։
13:06
20 Հոկտեմբերի 2017
Ավտովթար Երևան -Երասխ ավտոճանապարհին. մեքենան մխրճվել է երկաթե արգելապատնեշի մեջ
Նախօրեին խոշոր ավտովթար է տեղի ունեցել Արարատի մարզում։

21:04
19 Հոկտեմբերի 2017
Կասկածելի իր է հայտնաբերվել «Սասունցի Դավիթ» կայարանում
Հինգշաբթի ժամը 11:42-ին տեղեկություն է ստացվել, որ «Սասունցի Դավիթ» կայարանում՝ երկաթուղու գծերի վրա, նկատվել է կասկածելի իր։
16:29
19 Հոկտեմբերի 2017
Հայտնի է Մոսկվայում 44–ամյա հայի դաժան սպանության պատճառը
44–ամյա հայ տղամարդը սպանվել է հոկտեմբերի 16–ին։
15:06
19 Հոկտեմբերի 2017
Գեղարքունիքում կահույքի արտադրամասը վերածվել է մոխրակույտի. 4 մարդ հոսպիտալացվել է, այդ թվում` երկու դեռահաս
Երեկ՝ հոկտեմբերի 18-ին, խոշոր հրդեհ է տեղի ունեցել Գեղարքունիքի մարզում։
14:14
19 Հոկտեմբերի 2017
«Սասունցի Դավիթ» կայարանի երկաթգծի վրա կասկածելի իր է հայտնաբերվել
Այսօր «Սասունցի Դավիթ» կայարանի երկաթգծի վրա կասկածելի իր է հայտնաբերվել։