477.89
+0.01
567.97
-5.63
8.33
+0.02
+14
Եղանակը Երևանում
Հայ
Սողանքը չի վնասել երկաթուղային հաղորդակցությունը. ՀԿԵ
17:15
03 Հոկտեմբերի 2011

Սողանքը չի վնասել «Հարավկովկասյան երկաթուղի» ընկերության «Այրում» կայարանը, հաղորդում է ընկերության մամուլի ծառայությունը:

«ՀԿԵ» ՓԲԸ-ի Ուղևորափոխադրումների տնօրինության վերջին տվյալների համաձայն, ներհանրապետական երկաթուղային հաղորդակցությունը, ինչպես նաև հաղորդակցությունը Հայաստանի և Վրաստանի միջև իրականացվում է կանոնավոր կերպով՝ Երևան-Թբիլիսի գնացքը գործում է ըստ ժամանակացույցի: 

Հոկտեմբերի 2-ին, ժամը 19:03-ին M6 միջպետական մայրուղու 83-րդ կիլոմետրում Վանաձոր-Բագրատաշեն հատվածում` Այրում երկաթուղային կայարանի կամրջի մոտ (Լճկաձոր գյուղի հատվածում), տեղի է ունեցել սողանք: 130 մ երկարությամբ և 60 մ բարձրությամբ հողազանգվածը լցվել է ավտոճանապարհին և այն ամբողջովին  դարձրել անանցանելի: Փլվածքի տակ են մնացել տարբեր մակնիշի 35 մեքենաներ:
Դեպքի վայրում որոնողական աշխատանքները շարունակվում են: Առողջապահության նախարարության տվյալներով, սողանքի հետևանքով տուժել է յոթ մարդ, և նրանց վիճակը գնահատվում է միջին ծանրության:

Փրկարար ծառայության տարբեր ստորաբաժանումների կողմից դեռևս նախօրեին դեպքի վայր է մեկնել ավելի քան 70 փրկարար, 20 զինծառայող և 4 միավոր ծանր ռազմական տեխնիկա, շտապօգնության տասը բրիգադ: Տարածքը շրջափակված է և վերահսկվում է ոստիկանների կողմից: Հասարակական կարգի պահպանմանման և երթևեկության կարգավորման նպատակով դեպքի վայրում են  ճանապարհային ոստիկանության 6 մեքենաներ, 50 ոստիկաններ և լրացուցիչ` Տավուշի մարզային ոստիկանության 15 ոստիկան:

Սողանքի հետևանքով Վանաձոր-Բագրատաշեն ճանապարհը դարձել է անանցանելի, ինչի կապակցությամբ իշխանություններն առաջարկում են բնակիչներին հարկ եղած դեպքում օգտվել Վանաձոր-Դիլիջան-Իջևան-Բագրատաշեն շրջանցիկ ճանապարհից:
ՀՀ ԱԻՆ-ը դեռևս սեպտեմբերի 30-ին հայտարարել էր, որ Երևան-Վանաձոր-Նոյեմբերյան ավտոճանապարհի 83-րդ կմ-ում ակտիվացել են սողանքային երևույթները, և 3000 խմ ծավալով հողազանգված է սահել ավտոճանապարհին: Ճանապարհը բացվել էր, սակայն սողանքի վտանգը չէր վերացել:

Այս տարվա ամռանը հորդառատ անձրևների հետևանքով ՀՀ Տավուշի մարզում ակտիվացել են սողանքները, որտեղ վտանգավոր գոտում են հայտնվել շուրջ 75 բնակելի տներ: Սողանքային երևույթները գրանցվել են անցած տարի ինչպես այդ, այնպես էլ Տավուշի մարզի հարևան Լոռու մարզում:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերությունը և իրականացնում է «Հայկական երկաթուղու» կոնցեսիոն կառավարումը: Համաձայն 2008 թ.-ի փետրվարի 13-ին Երևանում կնքված պայմանագրի, կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:--0-

Loading...
Թեմատիկ նյութեր
Բաժնի այլ նյութեր
20:10
25 Սեպտեմբերի 2017
Վանաձորում ուժեղ կարկուտը ծածկել է փողոցները (ՎԻԴԵՈ)
Այսօր արտակարգ իրավիճակ է ստեղծվել Լոռու մարզում։
13:35
25 Սեպտեմբերի 2017
Մաշտոցի պողոտայում 24–ամյա կինը դանակահարել է իրեն դիտողություն արած տղամարդուն
Մաշտոցի պողոտայում վիճաբանության ժամանակ 24–ամյա կինը դանակահարել է իրեն դիտողություն արած տղամարդուն։
11:52
25 Սեպտեմբերի 2017
Քիչ առաջ պայթյուն է որոտացել Աբովյանում գտնվող գործարաններից մեկում
Քիչ առաջ պայթյուն է որոտացել Աբովյանում գտնվող ոչ ոգելից ըմպելիքների գործարանում։
11:47
25 Սեպտեմբերի 2017
Գյումրիում «Toyota RAV4»–ի կողաշրջման հետևանքով 22–ամյա վարորդը հոսպիտալացվել է. վիճակը կայուն ծանր է
Գյումրիում լուսադեմին խոշոր ավտովթար է տեղի ունեցել։
15:19
24 Սեպտեմբերի 2017
Խոշոր ավտովթար Երևանում` ուղևորատար ավտոբուսի մասնակցությամբ. վարորդը հոսպիտալացվել է (ՎԻԴԵՈ)
Նախօրեին` սեպտեմբերի 23–ին,  խոշոր ավտովթար է տեղի ունեցել Երևանում։
14:01
23 Սեպտեմբերի 2017
Նյու Յորքում ծեծկռտուք է տեղի ունեցել Էրդողանի և սփյուռքի ներկայացուցիչների հանդիպման ժամանակ (ՎԻԴԵՈ)
Էրդողանի ելույթի ժամանակ դահլիճում մի տղամարդ բղավել է. «Դու ահաբեկիչ ես»։
11:52
23 Սեպտեմբերի 2017
Խոշոր ՃՏՊ` ուղևորատար «Գազելի» մասնակցությամբ. 8 մարդ հոսպիտալացվել է
Նախօրեին՝ սեպտեմբերի 22-ին, խոշոր ավտովթար է տեղի ունեցել Երևանում:
18:26
22 Սեպտեմբերի 2017
54 և 58–ամյա կանանց միջև ծեծկռտուք է տեղի ունեցել Լոռիում
Նախօրեին 54 և 58–ամյա կանանց միջև ծեծկռտուք է տեղի ունեցել Լոռիում։
14:23
22 Սեպտեմբերի 2017
Պաշտպանության նախարարության աշխատակիցը վրաերթի է ենթարկել 13–ամյա տղայի
Ողբերգական ավտոպատահար է տեղի է ունեցել նախօրեին Տավուշի մարզում։

12:19
22 Սեպտեմբերի 2017
Ողբերգական դեպք Լոռիում. 14–ամյա երեխան ընկել է տրակտորի անվի տակ
Նախօրեին ողբերգական դեպք է տեղի ունեցել Լոռու մարզում։
11:27
22 Սեպտեմբերի 2017
Երևանում ավտոբուս է բախվել պատին. կան բազմաթիվ տուժածներ
Նախօրեին վթար է տեղի ունեցել Երևանում։
10:42
22 Սեպտեմբերի 2017
Հրդեհ Արա լեռան լանջին
Նախօրեին հրդեհ է բռնկվել Արա լեռան վրա։