480.44
-0.05
545.78
+5.04
8.07
-0.08
+31
Եղանակը Երևանում
Հայ
Արարատի նախկին մարզպետի «դերակատարությամբ» քրգործն ուղարկվել է դատարան
20:16
26 Սեպտեմբերի 2011

Արարատի մարզում չարաշահումներ կատարելու դեպքի առթիվ հարուցված քրեական գործը, որում «դերակատարություն են ունեցել» նաև պաշտոնատար անձինք, փոխանցվել է դատարան, հայտնում է Գլխավոր դատախազության մամուլի ծառայությունը:
Նախաքննության օրինականության նկատմամբ  հսկողություն իրականացնող դատախազը հաստատել է  մեղադրական եզրակացությունը:

Նախաքննությամբ Արարատի մարզում որոշ չարաշահումներ են հայտնաբերվել հողահատկացման եւ դպրոցների հիմնանորոգման աշխատանքներում”,- ասվում է հաղորդագրությունում:

Մասնավորապես, հաղորդագրության համաձայն,  պարզվել է, որ Արարատի նախկին մարզպետ Վ. Հովակիմյանը, պաշտոնեական դիրքն օգտագործելով ծառայության շահերին հակառակ, նույն մարզի Գինեվետ համայնքի ղեկավար Մ. Սանթոյանին կեղծ տեղեկություն է տրամադրել, թե Գինեվետ համայնքի  վարչական սահմաններում ընդգրկված պետական սեփականություն հանդիսացող գյուղատնտեսական նշանակության հողամասերից 30 հա հանդիսանում է արդյունաբերական նշանակության:

Քննության նյութերի համաձայն, դրանից հետո Գինեվետ համայնքի ղեկավարը հրավիրել է ավագանու նիստ` 30 հա հողամասը որպես արդյունաբերական տարածք ներկայացնելու և կառուցապատման իրավունքով վարձակալության տրամադրելու թույլտվության տալու նպատակով:
 
2010թ. ապրիլի 13-ին կեղծ տեղեկություններ պարունակող հողաշինարարական գործը ներկայացվել է ՀՀ տարածքային կառավարման նախարարություն` այդ հողատարածքը կառուցապատման իրավունքով վարձակալության տրամադրելու համար:

«Առանց գյուղատնտեսական հողատարածքն արդյունաբերականի փոխելու կառավարության որոշման և ՀՀ տարածքային կառավարման նախարարության դրական եզրակացության` Վ. Հովակիմյանը Գինեվետ համայնքի ղեկավար Մ. Սանթոյանին հանձնարարել է  իբրև արդյունաբերական նշանակության հողատարածք կառուցապատման նպատակով վարձակալության տրամադրելու համար անցկացնել մրցույթ և որպես հաղթող ճանաչել «Հողային ռեսուրսների զարգացման ընկերություն» ՍՊԸ-ին, որը և կատարվել է 2010թ. մայիսի 5-ին»,- ասվում է հաղորդագրության մեջ:

Մամուլի ծառայությունից հայտնեցին, որ չարաշահումներ են հայտնաբերվել նաև մարզի տարածքում որոշ դպրոցների հիմնանորոգման աշխատանքներում:
Մասնավորապես` 2007-2010թթ. ընթացքում պետության ֆինանսավորմամբ իրականցվել են Արարատի մարզի Վեդու թիվ 2, Նոյակերտի և Ոսկետափի թիվ 2 դպրոցների վերանորոգման աշխատանքները:  Վեդու թիվ 2 դպրոցի վերանորոգման աշխատանքներն իրականացրել է «Մանուելա» ՍՊԸ-ն, իսկ Նոյակերտի ևՈսկետափի թիվ 2 դպրոցների վերանորոգման աշխատանքներն իրականացրել է «ՆՆԱ» ՍՊԸ-ն:

«Վարդգես Հովակիմյանը` որպես մարզպետ, պարտավորված է եղել տնօրինելու պետական բյուջեով մարզին հատկացված միջոցները, վերահսկելու այդ միջոցների նպատակային օգտագործումը, բայց չի կատարել դա՝ ստորագրելով ներկայացված հանձնման-ընդունման արձանագրությունները»,- նշված է հաղորդագրության մեջ: 

Արդյունքում` 2008-2010թթ. ընթացքում «Մանուելա» ՍՊ ընկերության տնօրեն Է. Բազիկյանի կողմից խարդախության միջոցով կատարվել է 23 715 970 դրամի (63.6 հազ դոլար) հավելագրում, իսկ «ՆՆԱ» ՍՊ ընկերության տնօրեն Ն. Անդրեասյանի կողմից` 12. 7 հազար դրամի (շուրջ 34 հազ դոլար) հավելագրում:

Արդյունքում, նախաքննական մարմնի գնահատմամբ,  Արարատի մարզպետարանի ճարտարապետաշինարարական բաժնի պետ  Գ. Եղիազարյանի և քաղաքաշինության վարչության պետ Ռ. Մկրտչյանի կողմից պաշտոնեական լիազորությունները չարաշահելու, իսկ նախկին մարզպետ Վ. Հովակիմյանի կողմից պաշտոնեական անփութություն դրսեւորելու հետեւանքով պետության օրինական շահերին պատճառվել է ծանր հետևանքներ առաջացնող ընդհանուր 36 415 570 դրամ (մոտ 98 հազ դոլար) վնաս:

Պետությանը պատճառված վնասը հայտնաբերվել է ՀՀ ֆինանսների նախարարի` 2010թ. նոյեմբերի 18-ի թիվ 18-Ա հանձնարարագրի համաձայն կատարված ստուգման արդյունքում:

«Նախաքննության ընթացքում «ՆՆԱ» ՍՊ ընկերության կողմից պետությանը պատճառված վնասը վերականգնվել է ամբողջությամբ, իսկ «Մանուելա» ՍՊ ընկերության կողմից` մասնակի` 8,3 մլն դրամի չափով:

Ձեռք բերված ապացույցների հիման վրա Վ. Հովակիմյանին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով (պաշտոնեական լիազորությունները չարաշահելը, ինչը անզգուշությամբ ծանր հետևանքների է հանգեցրել), 314-րդ հոդվածով, 315-րդ հոդվածի 2-րդ մասով: 
Քրեական գործն ուղարկվել է Արարատի մարզի ընդհանուր իրավասության դատարան` ըստ էության քննելու համար:

Ռ. Մկրտչյանին` ՀՀ քրեական օրենսգրքի 308-րդ հոդվածի 2-րդ մասով, Գ. Եղիազարյանին` ՀՀ քրեական օրենսգրքի 308-րդ հոդվածի 2-րդ մասով, Մ. Սանթոյանին` 308-րդ հոդվածի 1-ին մասով, 314-րդ հոդվածով, Է. Բազիկյանին` ՀՀ քրեական օրենսգրքի 178-րդ հոդվածի 3-րդ մասի 1-ին կետով, 325-րդ հոդվածի 1-ին մասով, Ն. Անդրեասյանին` ՀՀ քրեական օրենսգրքի 178-րդ հոդվածի 3-րդ մասի 1-ին կետով, 325-րդ հոդվածի 1-ին մասով:

Քրեական գործն ուղարկվել է Արարատի մարզի ընդհանուր իրավասության դատարան` ըստ էության քննելու համար: -0-

Loading...
Թեմատիկ նյութեր
Բաժնի այլ նյութեր
16:21
29 Հունիսի 2017
Պեդոֆիլ–անիմատոր` ծնունդով Հայաստանից. սահմռկեցուցիչ դեպք է գրանցվել Մոսկվայում (ՎԻԴԵՈ)
Մոսկվայի առևտրային ցանցերից մեկի մանկական հրապարակի աշխատողը կալանավորվել է։
15:07
29 Հունիսի 2017
Ավազակային հարձակում Արմավիրում. հանցագործը ծեծի է ենթարկել 64–ամյա կնոջը
Այսօր գիշերն ավազակային հարձակում է տեղի ունեցել Արմավիրի մարզում։
14:01
29 Հունիսի 2017
Ավտովթար Փարաքարի ճանապարհին. 3 մարդ հոսպիտալացվել է
Այսօր խոշոր ավտովթար է տեղի ունեցել Երևանում։
11:33
29 Հունիսի 2017
Այսօր Հայաստանում երկրաշարժ է գրանցվել
Այսօր առավոտյան երկրաշարժ է գրանցվել Հայաստան–Թուրքիա սահմանային գոտում։
10:59
29 Հունիսի 2017
Օձերը, կարծես, չեն պատրաստվում նահանջել. «գրոհները» շարունակվում են
Օձերը, կարծես, չեն պատրաստվում նահանջել։
10:15
29 Հունիսի 2017
Մահվան ելքով վրաերթ Երևանում. 31–ամյա կինը վրաերթի է ենթարկել միջին տարիքի տղամարդու
Նախօրեին` հունիսի 28-ին, մահվան ելքով վրաերթ է տեղի ունեցել Երևանում:
20:45
28 Հունիսի 2017
Խոշոր ավտովթար Հրազդանի կիրճում. երկու մարդ հոսպիտալացվել է
Այսօր՝ հունիսի 28-ին, խոշոր ավտովթար է տեղի ունեցել Երևանում:
18:06
28 Հունիսի 2017
Երևանում Իրանի քաղաքացիների մոտ շուրջ 1կգ 300 գրամ քաշով թմրամիջոց է հայտնաբերվել (ՎԻԴԵՈ)
Երևանում Իրանի քաղաքացիների մոտ խոշոր չափի թմրամիջոցի խմբաքանակ է հայտնաբերվել։
17:34
28 Հունիսի 2017
ԱԻՆ–ը ճշգրտումներ է ներկայացնում Սևանա լճում գրանցված ողբերգության մասին
ՀՀ ԱԻՆ–ը մանրամասներ է ներկայացնում քիչ առաջ Սևանա լճում գրանցված ողբերգության մասին։
16:53
28 Հունիսի 2017
Ահազանգ ԱԻՆ–ում. Սևանա լճում երեխա է խեղդվում
Րոպեներ առաջ ահազանգել է ստացվել այն մասին, որ Սևանա լճում երեխա է խեղդվում։
16:35
28 Հունիսի 2017
Երևանի կենտրոնում մեքենա է այրվել (ՖՈՏՈ)
Այսօր ավտոմեքենա է այրվել Երևանի կենտրոնում։
15:08
28 Հունիսի 2017
22–ամյա երիտասարդը փորձել է վերջ տալ կյանքին
Նախօրեին ինքնասպանության փորձ է կատարվել Երևանում։